Jɛrimaya 5:22 - Krio Fɔs Oli Baybul

²² PAPA GƆD se, una nɔ de fred mi? Una nɔ de trimbul bifo mi? A put sansan as bawndri fɔ di si, baria we de de ɔltɛm we i nɔ de pas; i lɛk aw di swɛlin dɛn tɔnɔbɔ, dɛn nɔ de pas da bawndri de, i lɛk aw dɛn ala, dɛn nɔ go ebul jomp am.

Jɛrimaya 5:22 Referans Kwoze

Di Sam Dɛm 104:9

Yu mek usay di wata fɔ tap; mek i nɔ go kɔba di ath lɛkɛ aw i bin de bifo yu mek di wɔl.

Job 26:10

I mek sakul pantap di wata dɛn, fɔ sheb layt ɛn daknɛs.

Prɔvabs 8:29

wɛn i mek bawndri fɔ di oshɔn, fɔ lɛ di wata nɔ pas in mak wɛn i mek di grɔn sidɔm fayn nain ples.

Di Sam Dɛm 119:120

Mi bɔdi kin trimbul wit fred ɛn rɛspɛkt fɔ yu. A de fred aw yu go jɔj mi.

Ditarɔnɔmi 28:58

Mozis tɛl di Izrɛlayt dɛn igen se if dɛn nɔ du ɔl wetin PAPA GƆD we na dɛn PAPA GƆD rayt na di Lɔ buk, dat na fɔ rɛspɛkt ɛn tɔk gud tin bɔt PAPA GƆD in big big nem,

Neum 1:4

Na tɔk nɔmɔ i go tɔk pan di si ɛn i go dray. Ɔl di watasay dɛnsɛf go dray. Di fil dɛn na Beshan ɛn Mawnt Kamɛl wit di flawa dɛn na Libanɔn go wida.

Jɛrimaya 10:7

Udat de we nɔ go fred yu, Yu we kiŋ fɔ di neshɔn dɛm? Bikɔs ɔlman sɔpoz fɔ rɛspɛkt yu; bikɔs pan ɔl dɛn wan dɛn we gɛt sɛns bad bad wan na di neshɔn dɛm ɛn insay ɔl dɛn kindɔm dɛm, nɔn nɔ de we tan lɛkɛ yu.

Mak 4:39

Jizɔs grap. I tɛl di briz fɔ tap ɛn di wata fɔ stɛdi. Di briz tap fɔ blo ɛn di swɛlin go dɔŋ.

Rɛvɛleshɔn 15:4

Masta, udat de we nɔ go fred yu? Udat nɔ go gri fɔ tɛl ɔda pipul bɔt yu pawa? Na yu wangren na Gɔd. Ɔl dɛn pipul na ɔl dɛn neshɔn go kam fɔdɔm bifo yu ɛn prez yu, bikɔs ɔlman dɔn si se di jɔj we yu de jɔj, gud.”

Emɔs 9:6

Di wanol wɔl de tɔnɔbɔ lɛk Riva Nayl. I de bil in os na ɛvin ɛn put di skay oba di ath. I tek wata kɔmɔt na di si ɛn tɔn am na di ath. In nem na PAPA GƆD.

Di Sam Dɛm 99:1

PAPA GƆD na Kiŋ so in pipul fɔ trimbul wit fred we dɛn de wit am; i sidɔm nain chia we Kiŋ kin sidɔm midul di Chɛryubim so di wanol wɔl sɛf bigin fɔ shek.

Di Sam Dɛm 33:7

I gɛda ɔl di wata ɛn put dɛn wan ples; ivin dɛn dip dip wata lɛkɛ di oshɔn i mek sho se i kip dɛn lɛk aw mɔtalman de kip na sto.

Matyu 10:28

Una nɔ fred di wan dɛn we ebul kil pɔsin, bɔt dɛn nɔ ebul kil in sol; bɔt una fred Gɔd we kin pwɛl bɔdi ɛn sol na ɛl.

Ayzaya 50:2

Wetin mek, wɛn a bin kam, nɔbɔdi nɔ de? Wɛn a kɔl, nɔbɔdi nɔ bin de fɔ ansa? Mi an dɔn shɔt we a nɔ ebul sev? Adinɔ a nɔ gɛt pawa fɔ diliva? Lisin, we a tɔk pan di si, i dray, A tɔn di riva dɛn to ɛmti ples we pɔsin nɔ go ebul tap; dɛn fish smɛl bikɔs dɛn nɔ gɛt wata, ɛn day wit tɔsti.

Lyuk 12:5

Bɔt a de tɛl una naw se una fɔ fred Gɔd bikɔs wɛn i dɔn mek pɔsin day, i gɛt pawa fɔ trowe di pɔsin in sol na ɛl. A de tɛl una igen se una fɔ fred Gɔd!

Daniɛl 6:26

A de mek wan lɔ se, ɔlman we de ɔlsay we de ɔnda mi, di kiŋ in kɔntrol, fɔ wɔship Daniɛl in PAPA GƆD, bikɔs na PAPA GƆD we gɛt layf, ɛn i de sote go; In kindɔm nɔ go ɛva fɔdɔm ɛn in pawa go de te ɔltin dɔn.

Ayzaya 66:5

Una yɛri PAPA GƆD in wɔd yu we de trimbul we yu yɛri in wɔd: ‘Yu brɔda dɛn we et yu ɛn trowe yu na do fɔseka mi nem dɔn se, “Lɛ PAPA GƆD tek glori so dat wi go si se yu gladi’; bɔt na dɛn go shem.

Jɛnɛsis 1:9

Dɛn PAPA GƆD se, “Mek di wata we de ɔnda di skay gɛda na wan ples, ɛn mek dray ples sɛf de,” ɛn dat bin bi.

Job 38:8

“Udat ol di si mek i nɔ ovaflo go na land we riva dɛn kin wan ovaflo;

Di Sam Dɛm 46:3

ɔ di wata dɛn de grɔmbul lɛk wayl animal ɔ di il ɛn mawnten dɛn bigin shek bad wan.

Ayzaya 64:2

lɛk we faya kin layt dray tik ɛn lɛk we faya kin mek wata bwɛl – so yu ɛnimi dɛn go no udat yu bi, ɛn lɛ di neshɔn dɛn go trimbul bikɔs yu de!

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Emɔs 4:12

“So, na naw misɛf de kam andul una na Izrɛl; ɛn bikɔs ɔf aw a de kam dil wit una, una tay una trɔsis o, Izrɛl fɔ brakɛt una PAPA GƆD!”

1 Kiŋ 13:28

Insɛf go na di rod ɛn fɛn di dedebɔdi lidɔm na grɔn wit di layɔn ɛn di dɔŋki nia am. Di layɔn nɔ it in bɔdi ɛn nɔ du di dɔŋki natin,

Job 37:24

So, mɔtalman de fred am; i nɔ bisin bɔt ɛnibɔdi we de mek se in gɛt sɛns.”

Jɛrimaya 31:35

Na dis PAPA GƆD se, udat gi di san fɔ bi layt santɛm ɛn fiks di mun ɛn di sta dɛm ɔdali fɔ gi layt na nɛt, udat de shek shek di si so dat di swɛlin dɛn go ala– na PAPA GƆD Ɔlmayti nain nem;

Jona 1:16

We di siman dɛn si wetin bi, dɛn fred PAPA GƆD, mek sakrifays ɛn prɔmis fɔ sav am.