Jɛrimaya 5:21 - Krio Fɔs Oli Baybul

²¹ “Una yɛri o, una dɛn fulish pipul dɛn we nɔ gɛt sɛns, una we gɛt yay bɔt nɔ de si, una we gɛt yes bɔt nɔ de yɛri.

Jɛrimaya 5:21 Referans Kwoze

Izikɛl 12:2

“Mɔtalman, yu tap wit pipul dɛn we nɔ de gri fɔ yɛri wɔd, we gɛt yay fɔ si bɔt nɔ de si, we gɛt yes fɔ yɛri bɔt nɔ de yɛri;

Apɔsul Dɛn Wok 28:26

‘Go tɛl mi pipul dɛn se: Una go yɛri wetin dɛn de tɔk, bɔt una nɔ go ɔndastand; Una go si plɛnti tin, bɔt una nɔ go no wetin una si.

Lɛta Fɔ Rom 11:8

Lɛkɛ aw dɛn rayt na Gɔd in Buk se, “Gɔd mek dɛn nɔ ebul fil ɛn tink; te tide dɛn yay nɔ de si ɛn dɛn yes nɔ de yɛri.”

Jɔn 12:40

“Gɔd se, a dɔn blɛn di pipul dɛn yay ɛn a dɔn sɛt dɛn ed, so dat dɛn nɔ go si, ɛn dɛn nɔ go ɔndastand, ɛn dɛn nɔ go kam to mi fɔ mek a sev dɛn.”

Jɛrimaya 4:22

“Bikɔs mi pipul dɛn fulish, dɛn nɔ no mi; dɛn na styupid pikin dɛm, dɛn nɔ de ɔndastand natin. Dɛn gɛt skil fɔ du ivul tin dɛm, bɔt dɛn nɔ no aw fɔ du gud.”

Mak 8:18

Una gɛt yay, una nɔ de si? Una gɛt yes, una nɔ de yɛri? Una nɔ mɛmba

Jɛrimaya 8:7

Ivin kaw enjɛl we de flay ɔp di klawd no tɛm fɔ tɔmbak; dɛn dɔv, di bɔd we dɛn kɔl swalo, ɛn di big bɔd we dɛn kɔl kren, sɛf no tɛm fɔ tɔn bak go om; bɔt mi pipul dɛn nɔ no PAPA GƆD in lɔ.

Jɛrimaya 5:4

Nain a se, “Dɛn wan ya na po po pipul dɛm, dɛn nɔ gɛt sɛns; bikɔs dɛn nɔ no PAPA GƆD in we, dɛn Gɔd in lɔ.

Ayzaya 44:18

Dɛn nɔ no natin ɛn nɔ de ɔndastand; bikɔs i dɔn lɔk dɛn yay sɔ dɛn nɔ go ebul si, ɛn dɛn maynd, so dat dɛn nɔ go ebul ɔndastand.

Di Sam Dɛm 94:8

Una bikiaful, una we de mek lɛk ɔdɔyɔ. Ustɛm una go gɛt sɛns?

Ayzaya 27:11

Wɛn di branch dɛn dɔn dray, dɛn de brok dɛm; uman dɛn de kam tek dɛn mek faya. Bikɔs dɛn pipul ya nɔ de ɔndastand; na dat mek in we mek dɛm, nɔ go sɔri fɔ dɛm, In we mol dɛm, nɔ go sho dɛn ɛni fevɔ.

Prɔvabs 17:16

Wetin fɔ mek fulman go pe fɔ lɛ dɛn tich am, we i no se go ɔp kan dɔŋ, in na fulumunku?

Ditarɔnɔmi 32:6

Na so dɛn fulish pipul dɛn de we nɔ gɛt sɛns fɔ trit PAPA GƆD? In nɔto dɛn papa we mek dɛn, we mek dɛn bi wanol neshɔn?

Ditarɔnɔmi 29:4

bɔt tetide, PAPA GƆD nɔ mek dɛn ɔndastand ɔl wetin dɛn bin si ɛn yɛri, min.

Ozie 7:11

Di pipul na Izrɛl de biev lɛk bɔd we nɔ gɛt sɛns. Dɛn go fɔs na Ijipt fɔ mek dɛn ɛp dɛn dɔn dɛn flay go Asiria.

Jɛrimaya 10:8

Dɛn styupid ɛn fulish; wetin dɛn lay lay gɔd dɛn we na ɛmti bod go ebul tich dɛm ɔ tɛl dɛm!

Mak 4:12

so dat ‘Dɛn go luk gud, bɔt dɛn nɔ go si; dɛn go yɛri, bɔt dɛn nɔ go ɔndastand. If nɔto dat, dɛn bin fɔ tɔn to Gɔd, dɛn layf bin fɔ chenj ɛn Gɔd bin go padin dɛn.’”

Lɛta Fɔ Rom 1:20

Frɔm di tɛm we Gɔd mek di wɔl, ɔlman no gud gud se Gɔd gɛt pawa we nɔ de dɔn ɛn Gɔd na di tru Gɔd. Mɔtalman nɔ de si dɛn tu tin ya, bɔt dɛn go no dat bɔt Gɔd, bikɔs Gɔd dɔn mek dɛn tu tin ya plen to dɛn frɔm di tin dɛn we i mek. Na dat mek nɔbɔdi nɔ go se in nɔ no se na bad in de du.

Ayzaya 43:8

Briŋ di pipul dɛn we blɛn kam, ɔlwe dɛn gɛt yay; di wan dɛn we dɛf, ɔlwe dɛn gɛt yes!

Jɛrimaya 5:20

PAPA GƆD se, anawns dis na Izrɛl, tɔk am na Juda;

Jɛrimaya 6:10

Udat a go tɔk to ɛn wɔn, so dat dɛn go yɛri? I bi se, dɛn yes dɛn lɔk, dɛn nɔ ebul lisin; I bi se, to dɛm, PAPA GƆD in wɔd na tin fɔ laf, dɛn nɔ gɛt tɛm fɔ am.

Zɛkaraya 7:11

Bɔt usay! Dɛn nɔ lisin to wetin i se. Bifo dat, dɛn mek traŋayes ɛn kɔk dɛn yes so dat dɛn nɔ go yɛri.

Ditarɔnɔmi 29:3

PAPA GƆD bin du tin dɛn we dɛn nɔ bin dɔn si ɛn yɛri bɔt wande,

Jɛrimaya 7:13

PAPA GƆD se, ɛn rayt naw, bikɔs una dɔn du ɔl dɛn tin ya, ɛn wɛn a bin de tɔk to una ɛn nɔ de blo, una nɔ bin lisin, ɛn wɛn a kɔl una, una nɔ ansa,