Jɛrimaya 5:17 - Krio Fɔs Oli Baybul

¹⁷ Dɛn go it ɔl wetin una avɛst ɛn ɔl di it we una gɛt fɔ it; dɛn go it una bɔypikin ɛn gyal pikin dɛm; dɛn go it una ship, got ɛn kaw dɛm; dɛn go it una greps ɛn una fig tik dɛm; una siti dɛn we una protɛkt ɛn abop pan, na sɔd dɛn go tek pwɛl dɛm.”

Jɛrimaya 5:17 Referans Kwoze

Ditarɔnɔmi 28:33

Pipul dɛn we dɛn nɔ no wande, go kam it ɔl wetin dɛn wok fɔ, ɛn trit dɛn bad bad na dɛn yon kɔntri.

Lɛvitikɔs 26:16

na dɛn tin ya i go du: i go mek siriɔs waala mit dɛn we go mek dɛn sik bad wit ay ay fiva we go mek dɛn yay de rɔn wata ɔltɛm ɛn dɛn bɔdi de wes. Ɛn dɛn go plant fɔ natin bikɔs na dɛn ɛnimi dɛn go gɛt fɔ it wetin dɛn plant.

Zɛfinaya 3:6

PAPA GƆD se pan ɔl we i dɔn dɔnawe wit dɛn neshɔn dɛn, ɛn nyamanyama dɛn siti, dɛn traŋa os ɛn wɔl dɛn. I dɔn mek dɛn trit dɛn fiba ples we nɔ fɔ pas, i dɔn mek di siti dɛn nɔ fit fɔ natin ɛn nɔ ivin lɛf wan pɔsin insay de.

Ozie 8:14

I se Izrɛl dɔn fɔgɛt PAPA GƆD we mek dɛn bɔt dɛn bil dɛn fayn os fɔ dɛn kiŋ dɛn; dɛn dɔn bil mɔ ɛn mɔ ples wit traŋa wɔl dɛn na Juda; bɔt in go mek faya kech ɛn bɔn di ples dɛn we dɛn bil ɛn pwɛl pwɛl ɔl wetin dɛn abop pan.

Izikɛl 36:4

fɔseka dis, O Izrɛl mawnten dɛm, yɛri wetin PAPA GƆD in wɔd se: na dis PAPA GƆD se to di mawnten dɛm ɛn di il dɛm, di watasay dɛm ɛn di vali dɛm, di ɛmti, yuslɛs ples we natin ɛn nɔbɔdi nɔ de, ɛn di big siti dɛm we nɔbɔdi nɔ de, ɛn we dɔn kam bi say we di balans neshɔn dɛn rawnd, de ambɔgin bad bad, ɛn laf, laf;

Lamɛnteshɔn 2:2

PAPA GƆD nɔ luk biɛn sɛf; i nyakanyaka ɔl di pipul dɛn we bin de na Juda; we i vɛks, i brok brok ɔl di barik dɛn na Juda; i dɔn disgres di kindɔm ɛn di wan dɛn we de rul.

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Jɛrimaya 50:7

Ɔl di wan dɛn we si dɛm, de atak dɛm, ɛn dɛn ɛnimi dɛm se,. “Wi nɔ gilti, bikɔs dɛn dɔn kɔmit sin to PAPA GƆD we gɛt dɛm, PAPA GƆD we dɛn fɔstɛmpapa dɛn bin abop pan.’

Jɛrimaya 8:16

Dɛn yɛri dɛn ɔs dɛn we dɛn de sniz ɔl di we na Dan; we dɛn man ɔs dɛn de ala, di wanol land de shek. Dɛn kam kam it ɔltin na di land ɛn wetin fulɔp de, dat na di siti ɛn dɛn wan dɛn we tap de.

Jɛrimaya 4:26

A luk, eya, da land we plant bin de gro fayn fayn wan, dɔn tɔn ɛmti ples we pipul nɔ go ebul tap, ɛn ɔl in siti dɛn dɔn broko broko bifo PAPA GƆD, ɛn bifo in bad bad vɛksteshɔn.

Jɛrimaya 4:7

Wan layɔn dɔn kɔmɔt na di tay tay bush we i bin fasin, pɔsin we de nyakanyaka neshɔn dɛn de na rod; i dɔn kɔmɔt nain ples fɔ go mek yu land ples we natin nɔ de bi; una siti dɛn go tɔn pwɛl pwɛl ples usay pipul dɛn nɔ tap.

Jɛrimaya 1:15

PAPA GƆD se, na dat mek A de kɔl ɔl di trayb dɛn we de na di kindɔm dɛm na di nɔt; ɛn dɛn go kam, ɛn dɛn ɔl go put dɛn tron na di ɛntrans na di get fɔ go insay Jerusɛlɛm, ɛn liŋ dɛn pan ɔl di wɔl dɛn we de rawnd, ɛn pan ɔl di siti dɛn na Juda.

Ayzaya 65:22

Dɛn nɔ go bil, ɔda pɔsin go tap de; dɛn nɔ go plant, ɔda pɔsin go it; bikɔs, na lɛk aw tik de te na wɔl, na so mi pipul dɛn go liv lɔŋ, ɛn mi pipul dɛn we a dɔn pik go ɛnjɔy wetin dɛn wok fɔ, fɔ lɔng.

Ayzaya 62:9

bɔt na di wan dɛn we avɛst am, go it am ɛn prez PAPA GƆD, ɛn di wan dɛn we gɛda am, go drink am na di kɔtyad dɛn na mi oli ples fɔ wɔship.”

Ayzaya 62:8

PAPA GƆD dɔn swɛ wit in raytan ɛn wit in pawaful an se: “A nɔ go give una ɛnimi dɛn yu it fɔ it igen, ɛn fɔrina dɛn nɔ go drink una wayn we yu lebɔ fɔ;

Jɛrimaya 5:18

PAPA GƆD se, “Ivin dɛn tɛm dɛn de, a nɔ go kil dɛn ɔl.

Jɛrimaya 8:13

PAPA GƆD se, “Wɛn a go gɛda dɛm, nɔn greps nɔ de na di greps tik, ɛn nɔn fignɔt na de na di fig tik; ivin di lif dɛm dɔn wida, ɛn wetin a bin gi dɛm nɔ de pan dɛn igen”

Jɛrimaya 25:37

ɛn di ship dɛn we bin de wit kolat dɔn tɔmɛnt fɔseka PAPA GƆD in bad bad vɛksteshɔn.

Lamɛnteshɔn 2:12

Dɛn de kray aks dɛn mama dɛn se “We di bred? We di wayn?” We dɛn de fent lɛk man dɛn we wund, na di trit dɛn na di siti, we dɛn de day na dɛn mama dɛn an.

Ozie 2:12

A go pwɛl pwɛl in greps tik dɛn ɛn ivin di fig tik we dɔn bia we na dat kin mek i se, na di tɛnki dat we in man dɛn gi am. I se in go tɔn dɛn to bush, ɛn dɛn wayl animal dɛn go pwɛl dɛn.

Malakay 1:4

If di Idɔmayt dɛn se, ɔl dɛn ples dɛn dɔn pwɛl bɔt dɛn go mek am bak, PAPA GƆD go se ivin if dɛn mek dɛn bak, in go pwɛl dɛn te ɔlman no se na pipul dɛn we PAPA GƆD go vɛks pan sote go gɛt di kɔntri.

Joɛl 2:3

Faya de bifo dɛn ɛn biɛn dɛnsɛf, faya de bɔn. Di land bifo dɛn tan lɛk aw da fam na Idɛn tan, bɔt afta dat di ples tan lɛk ɛmti land we pɔsin nɔ go ebul tap, ɛn natin nɔ de pas dɛn de.