Jɛrimaya 5:15 - Krio Fɔs Oli Baybul

¹⁵ PAPA GƆD se, “Yu Izrɛl, biliv mi, a de mek wan neshɔn kam atak una, neshɔn we de kɔmɔt fa fawe. Na neshɔn we ebul bia, na dɛn lɔntɛm neshɔn, na neshɔn we una nɔ no dɛn laŋwej ɛn una nɔ go ɔndastand wetin dɛn de se.

Jɛrimaya 5:15 Referans Kwoze

Ditarɔnɔmi 28:49

Na pipul dɛn we de fawe PAPA GƆD go mek trit dɛn bad; pipul dɛn we kin fɔdɔm pan pipul dɛn lɛkɛ we ak kin fɔdɔm pan fɔl pikin, ɛn dɛn nɔ go sabi dɛn laŋwej.

Jɛrimaya 4:16

Wɔn di neshɔn dɛn se i de kam; anawns to Jerusɛlɛm se, “Pipul dɛn we go ambush dɛm de kɔmɔt na fawe land kam, dɛn de ala pan di siti dɛn we de na Juda.

Ayzaya 33:19

Una nɔ go si dɛn fityay pipul dɛn igen pipul dɛn we bin de tɔk laŋwej we una nɔ bin de ɔndastand, de stɔma na laŋwej we una nɔ de yɛri.

Ayzaya 28:11

Nɔ o, bɔt na bay trenja we de tɔk fɔrin laŋwej PAPA GƆD go tɔk to dɛn pipul ya,

Ayzaya 5:26

I go mek sayn fɔ wan neshɔn we de fawe, ɛn i go wisul kɔl am, frɔm di say we di wɔl tap; ɛn luk o! I de kam wit spid lɛk briz.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Jɛrimaya 1:15

PAPA GƆD se, na dat mek A de kɔl ɔl di trayb dɛn we de na di kindɔm dɛm na di nɔt; ɛn dɛn go kam, ɛn dɛn ɔl go put dɛn tron na di ɛntrans na di get fɔ go insay Jerusɛlɛm, ɛn liŋ dɛn pan ɔl di wɔl dɛn we de rawnd, ɛn pan ɔl di siti dɛn na Juda.

1 Kɔrint 14:21

Dɛn rayt na Gɔd in Buk se, “Gɔd we na wi Masta se, a go mek pipul we kɔmɔt ɔda kɔntri tɔk to dɛn pipul ya laŋwej we dɛn nɔ ɔndastand, ɛn pan ɔl dat dɛn nɔ go yɛri mi.”

Izikɛl 18:31

Una pul an kɔmɔt pan ɔl dɛn bad bad tin dɛn we una dɔn du to mi, mek una go gɛt nyu at ɛn nyu spirit! Wetin fɔ mek una day, Una Izrɛl?

Jɛrimaya 9:26

Ijipt, Juda, Idɔm, di bɔypikin dɛn na Amɔn, Moab, ɛn ɔl udat tap na di ɛmti ples we pɔsin nɔ go ebul tap, we de krep rawnd dɛn ed; bikɔs ɔl dɛn neshɔn dɛn de nɔ sakɔmsayz, ɛn di wanol Izrɛl dɛn at nɔ sakɔmsayz.”

Jɛrimaya 6:22

Na dis PAPA GƆD se, “A de tɛl una, saten pipul dɛn de kɔmɔt di kɔntri we de na di nɔt, wan big big neshɔn we de usay di wɔl ɛnd, de rɛdi fɔ fɛt wa.

Jɛrimaya 5:11

PAPA GƆD se, “Bikɔs Izrɛl ɛn Juda nɔ bin de waka tret wit mi atɔ.”

Jɛrimaya 2:26

“Lɛkɛ we dɛn kin jankonico tifman wɛn dɛn kech, na so dɛn go jankonoco Izrɛl: dɛm, dɛn kiŋ dɛm, dɛn bigman dɛm, dɛn man dɛm we de mek sakrifays fɔ pipul sin ɛn dɛn prɔfɛt dɛm,

Ayzaya 29:6

PAPA GƆD Ɔlmayti go go sɛn tɛnda ɛn atkwek ɛn bi-big nɔys pan una, wit da traŋa briz we de tɔn wan ples ɛn grap, ɛn ɛlɛba ɛlɛba briz ɛn di faya we nɔ de lɛf natin.

Ayzaya 29:3

Ɛn a go kamp rawnd yu ɛn a go blɔk yu rawnd wit tawa dɛm ɛn a go bil wɔl rawnd we go blɔk yu.

Ayzaya 5:7

PAPA GƆD Ɔlmayti in greps fam na Izrɛl, ɛn di man dɛn na Juda na di fayn fayn plant dɛn we i plant; ɛn i luk fɔ jɔstis bɔt oya, soso blɔd; i luk fɔ di wan dɛn we de waka tret wit PAPA GƆD, bɔt oya, na kray!

Daniɛl 7:7

Afta dis, insay dis vishɔn ya na nɛt, a si di nɔmba fo bist; in bin ebi fɔ luk, ɛn bin fiaful ɛn bin gɛt trɛnk bad; i bin gɛt ayɛn tit dɛm; i bin de it awaŋɔt we ɛn bin de brok brok pis pis, ɛn mas mas di wan dɛn we lɛf, wit in fut. I bin difrɛn frɔm ɔl di ɔda bist dɛn we bin dɔn kam bifo am; ɛn in bin gɛt tɛn ɔn.

Jɛnɛsis 11:7

Lɛ wi go dɔŋ go miksɔp dɛn laŋwej so dat dɛn nɔ go ebul fɔ ɔndastand dɛnsɛf.”

Ditarɔnɔmi 28:33

Pipul dɛn we dɛn nɔ no wande, go kam it ɔl wetin dɛn wok fɔ, ɛn trit dɛn bad bad na dɛn yon kɔntri.

Di Sam Dɛm 81:5

Na lɔ we i gi to di Izrɛlayt dɛn wɛn i wutuwutu Ijipt fɔ dɛn. I yɛri pɔsin we i nɔ no de tɔk.

Ayzaya 39:3

Nain Ayzaya we na prɔfɛt kam to Kiŋ Ɛzikaya ɛn aks am se, “Wetin dɛn man dɛn ya want? Ɛn usay dɛn kɔmɔt kam to yu?” Ɛzikaya se “Dɛn kɔmɔt na wan fawe kɔntri kam to mi. Dɛn kɔmɔt Babilɔn.”

Daniɛl 1:4

yɔŋ man dɛn we nɔ gɛt ɛni bɔt ɛn fɔ fayn, fɔ gɛt sɛns pan ɔltin, sabi buk gud gud wan, ebul fɔ lan kwik kwik ɛn go ebul wok na di kiŋ in kiŋ os. Ashpenaz fɔ tich dɛn aw fɔ rid ɛn rayt di Babilonian dɛn laŋwej.

Emɔs 6:14

PAPA GƆD we na PAPA GƆD Ɔlmayti insɛf tɔk se, “Una dɛn Izrɛlayt dɛn, a de sɛn fɔrin ami fɔ tek una kɔntri. Dɛn go aras una frɔm Amath na di nɔth te go dɔŋ na di watasay na Araba na di Sawt.”

Abakɔk 3:16

Wɛn a yɛri bɔt ɔl wetin yu du, mi bɔdi trimbul; a fred te a bɛt mi siti mi bɔdi ɔl brok wit fred, dat mek, a nɔ sabi waka igen a de sidɔm saful wet fɔ di de we trɔbul go mit dɛn wan we de ambɔg wi.