Jɛrimaya 5:1 - Krio Fɔs Oli Baybul

¹ Rɔn ɔp ɛn dɔŋ di trit dɛm na Jerusɛlɛm, luk ɛn tek notis! Sach in opin ples dɛn si if yu go fɛn wan pɔsin, pɔsin we trit ɔlman ikwal ɛn de tɔk tru; so dat a go sɔri fɔ Jerusɛlɛm.

Jɛrimaya 5:1 Referans Kwoze

Izikɛl 22:30

Ɛn a bin luk fɔ wan man pan dɛn, we go bil di wɔl ɛn tinap na di gap bifo mi fɔ di land, so a nɔ go nyakanyaka am; bɔt a nɔ fɛn nɔbɔdi.

2 Kronikuls 16:9

Bikɔs PAPA GƆD in yay de de ɔlsay na di wanol wɔl, fɔ sho in pawa fɔseka di wan dɛn we dɛn dɛn at klin fɔ am. Na fulish we yu biev so; bikɔs as frɔm tide, na so so wa yu go de fɛt.

Ayzaya 59:4

Nɔbɔdi nɔ de kɛr pɔsin go kot we i nɔ gɛt bakin, nɔbɔdi nɔ de kɛr pɔsin go kot ɔnɛs wan; dɛn kin abop pan ɛmti pli, ɛn kin lay, dɛn kin plan na dɛn maynd fɔ du bad, bɔt na sin dɛn kin kɔmit

Di Sam Dɛm 14:3

Bɔt oya! Ɔlman dɔn du rɔŋ, ɔlman kɔrɔpt ɛn de du wetin dɛn want. Nɔbɔdi nɔ de we de du wetin PAPA GƆD want. Nɔbɔdi nɔ de atɔl.

Prɔvabs 20:6

Bɔku pipul kin mek mɔt se yu kin abop pan dɛn, jɛs tray dɛn ɛn si if yu go fɛn wan pɔsin sɛf we yu go abop pan.

Di Sam Dɛm 12:1

PAPA GƆD, ɛp wi! Gud pipul nɔ bɛtɛ igen; dɛn wan dɛn we de du wetin yu want nɔ de sɛf igen

Sɛkɛn Lɛta Fɔ Tɛsalonayka 2:10

ɛn i go du ɔl kayn bad tin we go mek dɛn pipul we go go ɛl, ful. Dɛn go go ɛl, bikɔs dɛn nɔ bin gri fɔ yɛri di tru wɔd ɛn dɛn nɔ bin lɛk di tru wɔd bɔt wi Masta Jizɔs we bin go mek Gɔd sev dɛn.

Lyuk 14:21

“Di bɔy tɔn bak go tɛl in masta wetin dɛn ɔl tɔk. In masta vɛks, so i tɛl am se, ‘Rɔn go na dɛn trit ɛn dɛn kɔna na di tɔŋ ɛn briŋ dɛn pipul we nɔ gɛt natin, dɛn blɛnyay pipul, dɛn wan we nɔ ebul waka ɛn dɛn pipul we nɔ gɛt sɔm pat pan dɛn bɔdi!’

Zɛkaraya 2:4

dɛn tɛl am se, i fɔ rɔn go tɛl di man we wan fɔ mɛzhɔ se, Jerusɛlɛm go ful wit bɔku pipul ɛn animal so nid nɔ go de fɔ bil wɔl rawnd am.

Emɔs 8:12

Pipul go de wirɔn frɔm di Rɛd Si to di Mɛditarenian ɛn ɔlɔbɔt frɔm nɔth to ist. Dɛn go de fɛn usay PAPA GƆD wɔd de bɔt dɛn nɔ go gɛt am.

Joɛl 2:9

Dɛn bɔs insay di siti, klem ɔp di wɔl dɛn; dɛn klem go insay di os dɛn, pas na winda lɛkɛ tifman.

Daniɛl 12:4

Bɔt yu Daniɛl, nɔ tɔk natin ɛn lɔk di buk, te di tɛm we di ɛnd go kam. Bɔku go de rɔn ɔp ɛn dɔŋ ɛn pipul go gɛt plɛnti sɛns.

Sɔlɔmɔn In Siŋ Dɛm 3:2

“A go grap naw ɛn go na di siti, insay di trit dɛn ɛn dɛn opin ples; A go luk fɔ di wan we mi sol lɛk.” A luk fɔ am, bɔt a nɔ fɛn am.

Prɔvabs 23:23

Nɔ skyad fɔ spɛnd fɔ lɛ yu no di tru ɛn we yu gɛt am, nɔ mek bigful te yu lɔs am, ɛn tray fɔ lan, no wetin rayt frɔm rɔŋ, ɛn ɔndastand wetin yu de du.

Prɔvabs 8:3

Usay ɔlman de pas na di siti, na de i go tinap de tɔk.

1 Kiŋ 19:10

I ansa se in bin gɛt bɔku zil fɔ PAPA GƆD we na PAPA GƆD Ɔlmayti in wok. I se di Izrɛlayt dɛn dɔn brok di Kɔvinant wit PAPA GƆD ɛn di ɔlta, ɛn kil in prɔfɛt dɛn; dɔn in waŋren lɛf ɛn dɛn de fɛt fɔ kil insɛf.

Jɛrimaya 2:29

“Wetin du una de kɔmplen bɔt mi? Una ɔl dɔn kɔmɔt biɛn mi. Na so PAPA GƆD se.

Jɛrimaya 44:15

Nain ɔl di man dɛm we no se dɛn wɛf dɛn dɔn bɔn insɛns to ɔda gɔd dɛm, ɛn ɔl di uman dɛm we tinap de, we na bin bɔku bɔku pipul dɛm, ɛn ɔl di pipul we tap na Patrɔs na Ijipt ansa Jɛrimaya se:

Di Sam Dɛm 14:2

PAPA GƆD de ɔp de wach fɔ si if i go fɛn ɛnibɔdi we gɛt sɛns, pɔsin we rɛdi fɔ wɔship am ɛn we de fred am.

Di Sam Dɛm 94:16

Na PAPA GƆD nɔmɔ go tinap fɔ mi wɛn mi ɛnimi dɛn de biɛn mi.

Jɛrimaya 8:6

A dɔn pe atɛnshɔn to dɛm ɛn dɔn lisin dɛm, bɔt dɛn nɔ tɔk tru; nɔn pan dɛm nɔ ripɛnt fɔseka in wikɛdnɛs, bifo dat dɛn de aks se, ‘wetin a du?’ Ɔlman de go in yon we, lɛkɛ we ɔs de rɔn go insay batul fil.

Jɛrimaya 9:2

If nɔmɔ a bin gɛt lɔjin ples na di ɛmti ples we pɔsin nɔ go ebul tap, fɔ pipul dɛn we de pas de, so dat a go lɛf mi pipul dɛm ɛn kɔmɔt nia dɛm go ɔda say! Bikɔs dɛn ɔl na pipul dɛm we de fala dɛn kɔmpin man ɛn wɛf, dɛn de togɛda de du ɛnitin fɔ gɛt ɛnitin we dɛn want.

Jɛrimaya 9:7

Fɔseka dat, PAPA GƆD Ɔlmayti se, “Naw, a go klin dɛm ɛn tɛst dɛm, bikɔs wetin igen a go du fɔ mi pipul dɛm?

Izikɛl 9:9

Nain PAPA GƆD tɛl mi se, “Izrɛl ɛn Juda dɛn sin dɔn pasmak; di land ful wit blɔd, ɛn so so advantej de na di siti; bikɔs dɛn de se, ‘PAPA GƆD dɔn tɔn in bak pan di land, ɛn so PAPA GƆD nɔ de si wetin di bi.’