Jɛrimaya 49:3 - Krio Fɔs Oli Baybul

³ ‘Ala kray, Yu Ɛshbɔn, bikɔs Ay dɔn tɔn gud fɔ natin ples! Una kray, una di gyalpikin dɛm na Raba! Una tay saklɔth rawnd una wes, una kray sɔri wan ɛn rɔn ɔp ɛn dɔŋ kɔnfyus wan! Bikɔs Molɛk go go ɛgzayl, wit in man dɛm we de mek sakrifays fɔ pipul sin, ɛn dɛn bigman dɛm.

Jɛrimaya 49:3 Referans Kwoze

Jɛrimaya 48:7

Wetindu, na bikɔs una bin abop pan una ples dɛn we una de ayd ɛn pan una jɛntri, dɛn go kapchɔ yusɛf; ɛn Chɛmɔsh go go ɛgzayl wit in man dɛm we de mek sakrifays fɔ pipul sin, ɛn dɛn bigman dɛm.

Jɛrimaya 48:37

“Bikɔs dɛn dɔn krep ɔl dɛn ed ɛn shev ɔl dɛn bia bia; wund wund de na ɔl dɛn ed ɛn saklɔth de na dɛn wes.

Ayzaya 15:2

Daybɔn in gyal pikin dɔn go ɔp na di ay ples dɛn fɔ go kray; Moab de kray fɔ Nibo ɛn Mɛdiba. Ɔlman krep in ed, ɛn ɔlman shev in bia bia;

Jɛrimaya 46:25

PAPA GƆD Ɔlmayti we na Izrɛl dɛn Gɔd se: biliv mi, a go pɔnish Amɔn we de na Thibis, ɛn Fero, ɛn Ijipt ɛn in gɔd dɛm, ɛn in kiŋ dɛm pɔnishmɛnt go go pan Fero ɛn ɔl udat abop pan am.

Jɛrimaya 4:8

Fɔseka dat, wɛr saklɔth na yu bɔdi, kray de ala lawd wan; bikɔs PAPA GƆD stil vɛks pan wi bad bad wan.

2 Kiŋ 23:13

Josaya pwɛl di ɔlta dɛn we Kiŋ Sɔlɔmɔn bin bil na di ist pat na Jerusɛlɛm na Mawnt Ɔliv fɔ de wɔship da dɔti Ashtorɛt we dɛn Sidonian dɛn de wɔship ɛn da dɔti Kɛmɔsh we dɛn Moabayt dɛn de wɔship ɛn di ɔda dɔti Molɛk we dɛn Amonayt dɛn de wɔship.

1 Kiŋ 11:33

I se wetin mek in de du dat na bikɔs dɛn dɔn kɔmɔt to am ɛn go wɔship Ashtorɛt, dɛn Sidonian dɛn gɔd wit Kɛmɔsh, dɛn Moabayt yon gɔd, ɛn Molɛk, dɛn Amonayt dɛnsɛf yon gɔd. I se dɛn nɔ du wetin i tɛl dɛn, ɛn sɛf nɔ obe in lɔ we Sɔlɔmɔn in papa Devid bin de obe.

1 Kiŋ 11:5

I bigin wɔship Ashtorɛt, di Sidonian dɛn gɔd, dɔn i wɔship Molɛk, di Amonayt dɛn gɔd we PAPA GƆD et bad bad wan.

Jems 5:1

Una we jɛntri, una lisin wetin a de tɛl una naw. Una kray bita wan ɛn sɔri fɔ di waala dɛn we de kam mit una.

Zɛfinaya 1:5

Ɛn dɛn ɔl we de klem go pantap dɛn os dɛn ruf fɔ wɔship dɛn tin dɛn we de ɔp klawd ɛn dɛn wan dɛn ɔl we de prɔmis am se dɛn go du wetin i want bɔt dɔn dɛn de swɛ bak to da fɔls gɔd we nem Molɛk.

Emɔs 1:15

A go mek di kiŋ ɛn in ɔfisa dɛn go ɛgzayl.”

Jɛrimaya 51:8

Wantɛm wantɛm, Babilɔn dɔn fɔdɔm ɛn dɔn brok Una ala fɔ am! Una kɛr mɛrɛsin go fɔ in pen dɛm; sɔntɛm, i go mɛn.

Jɛrimaya 49:1

Dis na bɔt di Amonayt dɛm, na dis PAPA GƆD se: “Izrɛl nɔ gɛt bɔypikin? I nɔ gɛt pɔsin we go tek in ples? Wɛl wetindu Milkɔm dɔn tek Gad lɛk nainyon, ɛn in pipul dɛn go sɛtul na dɛn siti dɛm?

Jɛrimaya 48:20

Moab dɔn shem, bikɔs i dɔn broko broko; ala kray! Una anawns am nia Riva Anɔn se, Moab dɔn tɔn gud fɔ natin ples.

Jɛrimaya 48:2

Di no we ɔlman bin no bɔt Moab, nɔ de igen. Na Ɛshbɔn dɛn plan bad fɔ am: ‘Kam, lɛ wi mek i nɔ bi neshɔn igen!’ Una sɛf, Una dɛn kresman dɛm, dɛn go mek una mɔt sɛt; wa go mit una ɔltɛm.

Jɛrimaya 6:26

Yu mi pipul dɛn gyal pikin, go wɛr saklɔth, ɛn rol rolpan ashis; mek sɔri lɛk na fɔ yu wangren bɔypikin yu de munin fɔ, kray bita bita wan pas ɔl; bikɔs i nɔ go te igen, di wan we de kil pipul dɔn kam fɔ kil wi.

Ayzaya 23:6

Una go na Tashish, ɛn kray, una we tap na di sho.

Ayzaya 23:1

Wetin PAPA GƆD se go apin to Tay. Una kray, una dɛn ship dɛn na Tashish, bikɔs Tay dɔn lɛf ɛmti wan; os nɔ de, ples fɔ slam nɔ de! Na di wan dɛn we kɔmɔt Sayprɔs kan tɛl dɛm.

Ayzaya 16:7

So lɛ Moab kray, lɛ ɔlman kray fɔ Moab. Fil sɔri, fil am bad bad wan, fɔ da kek dɛn we gɛt kɔrant na Kir Hɛrɛs.

Ayzaya 14:31

Yu get, ala woyo; yu siti kray; yu Filistia, una ɔl mek fred kil una! Bikɔs smok de kɔmɔt na di nɔt ɛn nɔn wik pɔsin nɔ de wit am.

Ayzaya 13:6

Kray o! PAPA GƆD in de dɔn de rich, di de we go kam lɛk we di Ɔlmayti de distrɔy!

Jɔshwa 8:28

Jɔshwa ɛn di Izrɛlayt sojaman dɛn bɔn Ay ɛn na so i de bɔn wan lɛk we yu pak dɔti, te di tɛm we dɛn bin de rayt dis buk.

Jɔshwa 7:2

Jɔshwa sɛn sɔm man dɛn kɔmɔ Jɛriko fɔ go wach wan siti we nem Ay. Ay bin de na di wɛst pat to Bɛthɛl, ɛn i nɔ bin de fa frɔm Bɛthavɛn siti. I tɛl di man dɛn se dɛn fɔ go fayndawt ɛnitin dɛn ebul bɔt Ay siti. So di man dɛn du wetin Jɔshwa tɛl dɛn.

Jɔshwa 8:1

PAPA GƆD tɛl Jɔshwa se mek i nɔ fred ɛn mek in at nɔ pwɛl; I se mek i tek ɔl in sojaman dɛn go na Ay bikɔs in go mek dɛn kapchɔ di kiŋ, in pipul dɛn ɛn in wanol kɔntri.

2 Samiɛl 11:1

Wan tɛm we dɛn kiŋ kin go fɛt, Devid sɛn Joab, in yon man dɛn ɛn di wanol Izrɛlayt ami fɔ go fɛt. Dɛn fɛt wit di Amonayt dɛn, masaka dɛn ɛn tek Raba na dɛn an. Bɔt Devid in lɛf na Jerusɛlɛm.

Ɛzra 2:28

Di pipul dɛn we bin kɔmɔt Bɛthɛl ɛn Ayi na 223