Jɛrimaya 49:19 - Krio Fɔs Oli Baybul

¹⁹ A de tɛl una, lɛkɛ we bɔku ship dɛn kin rɔn we layɔn de kɔmɔt na bush nia Riva Jɔdan, fɔ kam atak dɛm, na so a go mek dɛn rɔnawe pan am; ɛn a go apɔynt ɛnibɔdi we a pik fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad go tinap bifo mi?

Jɛrimaya 49:19 Referans Kwoze

Jɛrimaya 12:5

“If yu dɔn rɔn res wit pipul dɛm, ɛn yu dɔn gens wit dɛm, aw yu go ebul rɔn res wit ɔs? Ɛn if yu fɔdɔm na land we sef, aw yu go du insay di jɔngul we de nia Riva Jɔdan?

Jɛrimaya 30:21

Dɛn bigman go bi wan pan dɛm, dɛn rula go kɔmɔt pan dɛm; A go mek i kam nia mi, ɛn i go kam mit mi, bikɔs udat kres fɔ kam mit mi we a nɔ kɔl am? Na so PAPA GƆD se.

Job 41:10

Nɔbɔdi nɔ de we wayl te i go se in de go chalenj am. Wɛl, udat naw go se in de chalenj mi.

Job 9:19

If na kɔmpitishɔn fɔ udat gɛt trɛnk, nɔbɔdi nɔ pas am! If na fɔ tɔk na kot, udat go sɛn kɔl am?

Jɔshwa 3:15

Di tɛm we ɔl dis bin de bi, na bin di tɛm we pipul kin avɛst, ɛn na datɛnde Riva Jɔdan kin ful te i ovaflo. Di man dɛn we de mek sakrifays fɔ pipul sin we tot di Kɔvinant bɔks put dɛn fut insay di wata.

Ɛksodɔs 15:11

PAPA GƆD, uswan pan dɛn ɔda gɔd dɛn tan lɛkɛ yu? Uswan gɛt pawa fɔ ple wɔnda lɛkɛ yu? Udat oli lɛkɛ yu?

Rɛvɛleshɔn 6:17

Di tɛm dɔn kam we dɛn de sho se dɛn vɛks pan wi, udat go ebul sev insɛf?”

Zɛkaraya 11:3

Lisin we dɛn kiŋ ɛn lida dɛn de kray, dɛn boŋo dɔn fɔdɔm! Lisin aw dɛn layɔn de grɔmbul di bush we dɛn tap na Jɔdan, ɔl dɔn pwɛl.

Neum 1:6

Udat ebul tinap bifo PAPA GƆD we i vɛks? Udat ebul am we i dɔn vɛks? We i vɛks i de blez lɛk faya, ivin dɛn big ston kin tɔn grabul-grabul usay i de.

Jɛrimaya 4:7

Wan layɔn dɔn kɔmɔt na di tay tay bush we i bin fasin, pɔsin we de nyakanyaka neshɔn dɛn de na rod; i dɔn kɔmɔt nain ples fɔ go mek yu land ples we natin nɔ de bi; una siti dɛn go tɔn pwɛl pwɛl ples usay pipul dɛn nɔ tap.

Ayzaya 40:25

Di Oli wan se, Udat una go kɔmpia mi wit, we una go se a fiba?

Di Sam Dɛm 143:2

Nɔ mek a tinap bifo yu lɛk a de kot a nɔ go win, bikɔs nɔn mɔtalman nɔ de we de du ɔl wetin yu se.

Di Sam Dɛm 89:8

PAPA GƆD, yu we na PAPA GƆD Ɔlmayti, udat de we tan lɛk yu? Yu big ɛn ɔl wetin yu de du de sho aw yu big ɛn fethful.

Di Sam Dɛm 89:6

Udat de ɔp na ɛvin we kin tinap nia PAPA GƆD? Nɔbɔdi nɔ de we tan lɛkɛ yu ɔp de.

Di Sam Dɛm 76:7

Yu du fɔ mek ɔlman fred yu ɛn udat ebul fɔ tinap usay yu de jɔj pipul, we yu dɔn vɛks?

Job 9:21

Mi na gud man, bɔt a nɔ bisin igen; na gens a dɔn gens sɛf wit layf.

1 Kronikuls 12:15

Na di man dɛn dɛn wan ya we krɔs Riva Jɔdan insay di fɔs mɔnt we i bin rɔn oba kam na land, ɛn mek ɔl di wan dɛn we de na di ist ɛn wɛst say na di vali dɛn, rɔnawe.

Di Nɔmba Dɛm 16:5

tɛl Kora wit in gɛŋ se bay mɔnin PAPA GƆD go lɛ dɛn no udat na udat, we min se PAPA GƆD go sho dɛn udat nain yon ɛn udat oli. I tɛl dɛn se na da pɔsin de PAPA GƆD go drɔ klos am.

Ayzaya 46:9

mɛmba dɛn lɔntɛm tin dɛm; bikɔs na Mi na Gɔd, ɛn nɔn ɔda wan nɔ de; na Mi na Gɔd ɛn nɔn nɔ tan lɛk mi,

2 Kronikuls 20:6

ɛn i tɔk se, “Duya PAPA GƆD we na wi papa dɛn Gɔd, nɔto yu na di Gɔd na ɛvin? Nɔt to yu de rul ɔl di kindɔm dɛn na di wɔl? Na yu gɛt ɔl di pawa ɛn trɛnk na wɔl, we mek nɔbɔdi nɔ go ebul tinap bifo yu.

Di Sam Dɛm 76:8

Yu sidɔm na ɛvin de jɔj udat rayt ɛn udat rɔŋ; ɔlman na wɔl de fred yu ɛn nɔ de se natin,

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Daniɛl 7:4

Di fɔs wan bin tan lɛk layɔn ɛn gɛt fɛda dɛn lɛk igul. Ɛn as a bin de luk, dɛn pul ɔl in fɛda dɛn kɔmɔt pan am ɛn mek i tinap wit tu fut lɛkɛ mɔtalman; ɛn dɛn bin gi am mɔtalman maynd, so i go ebul tink lɛk mɔtalman.