Jɛrimaya 49:17 - Krio Fɔs Oli Baybul

¹⁷ “Idɔm go tɔn ples fɔ fred; ɔlman we go pas go fred, ɛn dɛn go sɔktit fɔseka di kayn dizasta we mit dɛm.

Jɛrimaya 49:17 Referans Kwoze

Izikɛl 35:7

A go nyakanyaka Mawnt Sɛir ɛn mek nɔbɔdi nɔ tap de; a go mek nɔbɔdi nɔ kam ɛn go de.

Jɛrimaya 50:13

Fɔseka di vɛks we PAPA GƆD vɛks, nɔbɔdi nɔ go tap de bɔt i go tɔn gud fɔ natin ples to di bakbon; ɔl udat pas nia Babilɔn go wɔnda ɛn sɔktit, fɔseka di we we i pwɛl.

Jɛrimaya 49:13

PAPA GƆD se, Bikɔs a dɔn swɛ to misɛf se Bozra go tɔn ples fɔ fred, fɔ provok, gud fɔ natin ɛn ples fɔ tek swɛ; ɛn ɔl in siti dɛn go tɔn gud fɔ natin ples sote got.”

Jɛrimaya 51:37

ɛn Babilɔn go tɔn ruin payl, we dɛn Jakal dɛn go de ɔltɛm, ples we pipul go fred ɛn de sɔktit, ɛn we nɔbɔdi nɔ tap.

Jɛrimaya 18:16

ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.

1 Kiŋ 9:8

Dis os go tɔn to ɔdinari dɔti. Ɛnibɔdi we si am go sɔprayz ɛn sɔktit: dɛn go de wɔnda wetindu PAPA GƆD du dis kanaba tin to di kɔntri ɛn di os.

Zɛfinaya 2:15

Na di ples dis we bin de kak ɛn tink se i sɛf ɛn nɔbɔdi nɔ go ebul am. I de blɔf se nɔbɔdi nɔ go tan lɛk am. I nɔ fit fɔ natin igen, bush sɛf tɛl lay! Ɛnibɔdi we de pas usay i de go jɛs sɔktit.

Mayka 6:16

Ɔl dis go bi bikɔs una fala wetin Omri de du ɛn ɔl di bad we Eab sɛf de du; ɛn bikɔs ɔf dat, a go mek dɛn ɔda pipul dɛn sɔktit we dɛn si una bikɔs una go dɔn alaki.”

Izikɛl 35:15

Lɛk aw yu bin gladi bad bad wan pan di Izrɛl pipul prɔpati we dɛn lɔntɛm pipul lɛf fɔ dɛm, bikɔs i bin ɛmti, natin ɛn nɔbɔdi nɔ go tap pan yu, Mawnt Seir, ɛn ɔl Idɔm, dɛn ɔl. Na datɛnde, dɛn go no se, na mi na PAPA GƆD.

Izikɛl 25:13

na so Papa Gɔd we na Gɔd se fɔseka dat: a go tret mi an pan Idɔm, ɛn kil ɔl di mɔtalman dɛn, ɛn ɔl di animal dɛnsɛf; ɛn a go so mek am, dat i go ɛmti ɛn nɔbɔdi nɔ go tap de; frɔm Timan te rich Dedan, na sɔd go kil dɛm ɔl.

Ditarɔnɔmi 29:22

We di pikin dɛn we nɔ bɔn yet, ɛn di fɔrina we go kɔmɔt fa kam, si di kayn tin dɛn we de apin na di land, ɛn di kayn siknɛs we PAPA GƆD mek kech dɛn,

Izikɛl 27:36

Di makit man dɛm, pan di pipul, de sɔktit pan yu; yu ɛndin dɔn kan bin wan we de mek yu fred bad bad ɛn yu nɔ go de igen igen fɔrɛva ɛn ɛva.

Izikɛl 35:3

ɛn tɛl am se, PAPA GƆD se: una lisin, a de agens yu Mawnt Seir, ɛn a go tret mi an pan yu, ɛn a go mek yu bi wan ples we nɔbɔdi ɛn natin nɔ de.