Jɛrimaya 49:13 - Krio Fɔs Oli Baybul

¹³ PAPA GƆD se, Bikɔs a dɔn swɛ to misɛf se Bozra go tɔn ples fɔ fred, fɔ provok, gud fɔ natin ɛn ples fɔ tek swɛ; ɛn ɔl in siti dɛn go tɔn gud fɔ natin ples sote got.”

Jɛrimaya 49:13 Referans Kwoze

Ayzaya 34:6

PAPA GƆD gɛt wan sɔd; na soso lod de pan am, i fulɔp wit fat, wit ship pikin ɛn got blɔd, wit di kidni fat pan manship. Bikɔs PAPA GƆD gɛt sakrifays na Bozra, bɔku bɔku kil kil na Idɔm.

Jɛnɛsis 36:33

Zira in bɔypikin Jobab we kɔmɔt Bozra nain bi kiŋ we Bɛla day.

Jɛnɛsis 22:16

i se, “PAPA GƆD se in dɔn swɛ to insɛf se i go blɛs yu bikɔs yu gri fɔ gi am yu wangren bɔypikin ɛn nɔ ol am to yusɛf.

Emɔs 6:8

PAPA GƆD we na GƆD dɔn swɛ to insɛf ɛn gi dis siriɔs wɔnin: “A et di kak we di Izrɛlayt dɛn de kak fɔ dɛn fayn fayn simɛnt os; a go mek dɛn ɛnimi dɛn kapchɔ di siti ɛn tek ɔl wetin de de.”

Emɔs 1:12

A go sɛn faya na Tɛman ɛn nyakanyaka di wɔl we de rawnd Bozra.”

Jɛrimaya 49:22

A de tɛl una, wan pɔsin go grap ɛn flay lɛk igul, ɛn prɛd in wiŋ dɛm oba Bozra, ɛn di sojaman dɛn na Idɔm, dɛn at dɛn go tan da de de lɛkɛ uman we de lebɔ, in at.”

Jɛrimaya 44:26

Fɔseka dat, una yɛri wetin PAPA GƆD se, una we kɔmɔt Juda go tap na Ijipt: PAPA GƆD se, a de tɛl una, a dɔn swɛ wit mi gret nem se, nɔn man we kɔmɔt Juda go tap na Ijipt nɔ go yuz mi nem fɔ swɛ igen, dat na we dɛn kin se, ‘Wans PAPA GƆD we na Gɔd de.’

Ayzaya 63:1

Udat dis we kɔmɔt Bozra Siti na Idɔm, wit rɛd klos, yu we fayn fɔ luk na yu klos, we de mach wit pawa? “Na Mi we pawaful fɔ sev pipul de anawns se pɔsin dɔn fri.

Ayzaya 45:23

A dɔn swɛ wit mi nem, raychɔs wɔd dɔn kɔmɔt na mi mɔt, ɛn na wɔd we nɔ go tɔn bak; Na to mi ɔlman go baw ɛn kɔnfɛs,”

Obadaya 1:18

PAPA GƆD se i go yuz di pipul na Juda ɛn Izrɛl fɔ sho aw in vɛks. In pɔnishmɛnt go kam lɛk faya ɛn na Idɔm go bi di chips. Dɛn go bɔn kpatakpata. Natin nɔ go lɛf, bikɔs na so PAPA GƆD se.

Joɛl 3:19

Ijipt go tan lɛk ples we dɛn lɛf to insɛf ɛn Idɔm go tan lɛk ɛmti land we pɔsin nɔ go ebul tap, bikɔs ɔf di fɛt fɛt we dɛn dɔn du to di pipul na Juda, we dɛn dɔn kil fɔ natin.

1 Kronikuls 1:44

We Bɛla day, na Jobab we na Zira in bɔypikin we kɔmɔt Bozra, bin tek in ples

Jɛrimaya 18:16

ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.

Jɛrimaya 19:8

Ɛn a go mek dis siti tɔn ples fɔ fred, ples we dɛn go de sɔktit pan; ɔlman we de pas nia de go fred ɛn sɔktit bikɔs ɔf ɔl di bad bad tin dɛn we dɔn mit dɛm.

Jɛrimaya 51:14

PAPA GƆD Ɔlmayti dɔn swɛ wit in nem se: A go mɔ mek di mɔtalman we tap insay yu, plɛnti lɛk lokɔs, ɛn na dɛn go bigin ala de gladi we dɛn go dɔn kɔnka yu.

Jɛrimaya 48:24

Jɔjmɛnt kam igen pan Kɛriɔt ɛn Bozra, ɛn ɔl di siti dɛm na Moab, di wan dɛn we de fa ɛn di wan dɛn we de nia.