Jɛrimaya 49:11 - Krio Fɔs Oli Baybul

¹¹ Una lɛf una pikin dɛm we nɔ gɛt papa, a go mek dɛn de; ɛn tɛl una uman dɛn we dɛn man dɛn dɔn day se mek dɛn abop pan mi.”

Jɛrimaya 49:11 Referans Kwoze

Di Sam Dɛm 68:5

Nain na papa to udat nɔ gɛt papa, ɛn i de fɛt fɔ poman. In na di PAPA GƆD na ɛvin.

Jems 1:27

Pɔsin we de fala Gɔd fɔ de ɛp dɛn pikin we nɔ gɛt mama ɛn papa ɛn dɛn uman we dɛn man dɔn day. I fɔ tek tɛm mek dɛn bad pipul na wɔl nɔ mek insɛf bigin du bad. Na so Gɔd we na di Papa want pɔsin we de fala am fɔ tan.

Ozie 14:3

Tɛl am se Asiria nɔ ebul pul una pan trɔbul ɛn una nɔ go sidɔm pantap ɔs de blɔf igen Una nɔ go kɔl tin dɛn we una tek an mek, PAPA GƆD. Tɛl am se una no se nain de sɔri fɔ udat nɔ gɛt papa.

Fɔs Lɛta To Timoti 5:5

Uman we in man dɔn day we nɔ gɛt nɔbɔdi fɔ mɛn am go abop pan Gɔd ɛn i go de pre de ɛn nɛt de aks Gɔd fɔ ɛp am.

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Jona 4:11

wetin mek mi nɔ fɔ sɔri fɔ di pipul dɛn na Ninivɛ, da big big siti de we gɛt pas wan ɔndrɛd ɛn twɛnti tawzin pipul de we nɔ no dɛn lɛfan frɔm dɛn raytan ɛn dɛn gɛt bɔku animal dɛn de?”

Di Sam Dɛm 146:9

PAPA GƆD bisin bɔt di trenja ɛn de luk afta dɛn pikin we nɔ gɛt papa ɛn dɛn uman we dɛn man dɔn day, bɔt i nɔ de lɛ di bad man si bɛtɛ pan ɛnitin we i put in an pan.

Di Sam Dɛm 82:3

Fɛt fɔ udat nɔ ebul insɛf ɛn nɔ gɛt nɔbɔdi; mek di poman gɛt in rayt.

Ditarɔnɔmi 10:18

I nɔ lɛk advantej; i nɔ de gri lɛ pipul dɛn tek advantej pan pikin dɛn we nɔ gɛt mama ɛn papa, ɛn uman dɛn we dɛn man dɔn day. In na PAPA GƆD we lɛk di trenja dɛn we de wit di Izrɛlayt dɛn; i kin gi dɛn klos fɔ wɛr ɛn tin fɔ it.

Zɛkaraya 7:10

Dɛn nɔ fɔ buli dɛn uman we dɛn man dɔn day, dɛn pikin we nɔ gɛt papa, dɛn fɔrina ɛn di poman dɛn; nɔbɔdi nɔ fɔ mɛmba bad fɔ in kɔmpin.