Jɛrimaya 49:10 - Krio Fɔs Oli Baybul

¹⁰ Bɔt A dɔn trip Isɔ nekɛd, A dɔn mek ɔlman no di ples dɛm we i de ayd, ɛn i nɔ ebul fɔ ayd usay nɔbɔdi nɔ go si am igen. Dɛn dɔn nyakanyaka in pikin dɛm, ɛn in brɔda dɛm, ɛn in neba dɛm; nɔn pan dɛm nɔ de igen.

Jɛrimaya 49:10 Referans Kwoze

Ayzaya 17:14

Ivin tɛm, na masibo! Bifo mɔnin kam, dɛn nɔ de igen! Na dɛn tin ya go mit di wan dɛn we de pwɛl wi, ɛn di wan dɛn we de tif wi.

Lɛta Fɔ Rom 9:13

Lɛkɛ aw dɛn rayt na Gɔd in Buk, we dɛn se, “A pik Jekɔb, bɔt a nɔ pik Isɔ.”

Obadaya 1:9

Di sojaman dɛn na Teman go fred ɛn dɛn go kil ɔl di sojaman dɛn na Idɔm.

Emɔs 9:3

If dɛn go ayd ɔp na Mawnt Kamɛl, a go fɛn dɛn ɛn kech dɛn. If dɛn go ayd ɔnda di si, a go tɛl di si mɔnsta fɔ bɛt dɛn.

Jɛrimaya 23:24

PAPA GƆD se, Ɛnibɔdi go ebul ayd insɛf na ɛni sikrit ples we a nɔ go ebul si am? A nɔ de ɔlsay na wɔl?

Ayzaya 45:3

A go gi yu di jɛntri we de na dak ɛn di tin dɛn we ayd na dɛn sikrit ples, so dat yu go no se na Mi, PAPA GƆD, Izrɛl dɛn Gɔd, we kɔl yu bay yu nem.

Di Sam Dɛm 37:28

PAPA GƆD lɛk udat de du wetin rayt; ɛn nɔ go lɛf udat biliv pan am ɛn de du wetin i se to insɛf. I go kɔba dɛn sote go, bɔt di bad man in famili nɔ go gɛt lɔŋ layf;

Jɛrimaya 13:26

Na misɛf sɛf go es una skat kɔba una fes, ɛn una go disgres.

Lamɛnteshɔn 4:22

Zayɔn in gyal pikin, di pɔnishmɛnt we una fɔ gɛt fɔ di bad tin dɛn we una du, una dɔn gɛt am dɔn, i nɔ go mek una de ɛgzayl igen; bɔt yu Idɔn in gyal pikin, i go pɔnish una fɔ di bad tin dɛn we una de du i nɔ go ayd una sin dɛn.

Obadaya 1:6

Di pipul dɛn na Idɔm, we na di sem pipul we na Isɔ in jɛnareshɔn, PAPA GƆD de tɛl una se, una ɛnimi dɛn go fɛn ɔl una jɛntri we una bin ayd.