Jɛrimaya 48:8 - Krio Fɔs Oli Baybul

⁸ Di wan we de nyakanyaka pipul ɛn dɛn ples dɛm, go kam na ɔl di siti dɛm, ɛn nɔn siti nɔ go ɛskep; dɛn go pwɛl di vali, ɛn go nyakanyaka di flat land, jɛs lɛkɛ aw PAPA GƆD bin se.

Jɛrimaya 48:8 Referans Kwoze

Jɛrimaya 6:26

Yu mi pipul dɛn gyal pikin, go wɛr saklɔth, ɛn rol rolpan ashis; mek sɔri lɛk na fɔ yu wangren bɔypikin yu de munin fɔ, kray bita bita wan pas ɔl; bikɔs i nɔ go te igen, di wan we de kil pipul dɔn kam fɔ kil wi.

Izikɛl 25:9

fɔseka dat, a go mek dɛn atak Bet Jɛshimɔt, Beal Meɔn ɛn Kiriataim, we na di siti dɛn we de kɔba di bɔda dɛn na Moab ɛn we dɛn de tek blɔf.

Jɛrimaya 51:56

bikɔs di wan we de nyakanyaka dɔn atak am, i dɔn atak Babilɔn; dɛn dɔn kapchɔ in sojaman dɛm, dɛn dɔn brok dɛn bo dɛm pis pis; bikɔs PAPA GƆD na Gɔd we de pe pipul fɔ di wok we dɛn du, i go mɔs tɔn am gi dɛm.

Jɛrimaya 48:18

“Kam dɔŋ kɔmɔt na yu glɔri, ɛn sidɔm na di dray grɔn, Una we tap na Dibɔn! Bikɔs di wan we de nyakanyaka Moab dɔn kam atak una; i dɔn nyakanyaka di ples dɛn we una biliv fɔ ayd.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Jɛrimaya 15:8

A dɔn mek di uman dɛn we dɛn man dɔn day dɔn plɛnti pas di sansan na si; a dɔn briŋ kilman kam sansantɛm kam kil kombra dɛn bɔypikin dɛn; A dɔn mek pen ɛn fred kam pan dɛm wantɛm wantɛm.

Jɔshwa 13:21

Ɔl dat na di siti dɛn we de na di flat grɔn dɛn ɔp di mawnten, ɔl Kiŋ Sayɔn we na bin di Amɔrayt kiŋ we bin de na Ɛshbɔn we Mozis bin kɔnka in ɛn Ɛvi, Rɛkɛm, Zu, Hu ɛn Rɛba, di bigman dɛn na Midian we bin de ɛp an rul.

Jɔshwa 13:17

Ɛshbɔn ɛn ɔl in siti dɛn we de na di flat land ɔp mawnten we na Dibɔn, Bamɔth Baal, Bɛth Baalmɛɔn,

Jɔshwa 13:9

Di land we dɛn gɛt kɔmɔt na di ist pat oba Riva Jɔdan te rich Aroa Siti de nia Anɔn Vali. Na dɛn gɛt di siti we de midul di vali, di flat land dɛn frɔm Mɛdɛba te rich Dibɔn,