Jɛrimaya 48:6 - Krio Fɔs Oli Baybul

⁶ Una rɔnawe! Una sev unasɛf! Una mek lɛkɛ wayl dɔŋki we tap na di ɛmti ples we pɔsin nɔ go ebul tap!

Jɛrimaya 48:6 Referans Kwoze

Jɛrimaya 17:6

In na lɛk bush we natin nɔ de gro na di ɛmti ples we pɔsin nɔ go ebul tap, ɛn bɛtɛ nɔ go fala am. I go tap na dɛn ston ston say na di dray ɛn ɛmti ples, na di ples we sɔl de plɛnti ɛn nɔbɔdi nɔ tap.

Jɛrimaya 51:6

“Una rɔnawe kɔmɔt Babilɔn, lɛ ɔlman sev inyon layf! Nɔ mek yu sɔfa pan in pɔnishmɛnt, bikɔs dis na di tɛm fɔ PAPA GƆD in rivɛnj we na di pemɛnt we i de gi am.

Di Ibru Pipul Dɛn 6:18

So, dɛn tu tin ya, dat na di prɔmis we Gɔd mek ɛn di tin we i tek oth se in go du, nɔ go chenj, bikɔs Gɔd nɔ de lay. Na dɛn tu tin ya mek wi tinap traŋa, so dat wi we dɔn go ayd to Gɔd, go put ɔl wi at pan wetin Gɔd go gi wi bambay.

Lyuk 3:7

Plɛnti pipul kam to Jɔn fɔ mek i baptayz dɛn. Jɔn tɔk pan dɛn, i se, “Una dɛn snek ya, we de pɔyzin di wɔl, udat tɛl una fɔ rɔn kɔmɔt pan di trɔbul ɛn waala we Gɔd want briŋ fɔ pɔnish una?

Di Sam Dɛm 11:1

Na PAPA GƆD a trɔs fɔ de kɔba mi. Wetin du yu fɔ tɛl mi fɔ rɔnawe ɛn flay lɛk bɔd go na di mawnten kwayɛt wan?

Jɛnɛsis 19:17

We di enjɛl dɛn dɔn pul dɛn kɔmɔt de, wan pan di enjɛl ala se, “Una rɔn fɔ una layf! Una nɔ luk biɛn ɛn una nɔ tinap na di vali. Una rɔn go na dɛn il fɔ lɛ una nɔ go day.”