Jɛrimaya 48:46 - Krio Fɔs Oli Baybul

⁴⁶ Swɛ dɔn fɔdɔm pan yu, Yu Moab! Di pipul dɛm na Chɛmɔsh, dɔn dɔn; bikɔs dɛn dɔn kapchɔ una bɔypikin, ɛn go tek yu gyalpikin dɛm mek slev.

Jɛrimaya 48:46 Referans Kwoze

Di Nɔmba Dɛm 21:29

E Moab, una alaki! Di pipul dɛn na Kimɔsh, una dɔn dɔn! I dɔn mek in bɔypikin dɛn rɔnawe ɛn Kiŋ Sayɔn, di kiŋ fɔ di Amɔrayt dɛn dɔn kech ɔl in gyal pikin dɛn.

Jɛrimaya 48:13

Datɛnde, Moab go shem fɔseka Chɛmɔsh, lɛkɛ aw Izrɛl bin bi shem fɔseka Bɛtɛl, we dɛn bin biliv bad bad wan.

Jɛrimaya 48:7

Wetindu, na bikɔs una bin abop pan una ples dɛn we una de ayd ɛn pan una jɛntri, dɛn go kapchɔ yusɛf; ɛn Chɛmɔsh go go ɛgzayl wit in man dɛm we de mek sakrifays fɔ pipul sin, ɛn dɛn bigman dɛm.

1 Kiŋ 11:7

Na pantap wan il na Jerusɛlɛm Sɔlɔmɔn bil ples fɔ de wɔship Kɛmɔsh, dat na di Moabayt dɛn yon gɔd, di ɔda gɔd we PAPA GƆD et bad bad wan. I bin bil ples bak fɔ di ɔda gɔd we nem Molɛk, di Amonayt dɛn gɔd we PAPA GƆD bin et insɛf bad bad wan.

Di Jɔj Dɛm 11:24

I mek dɛn aks am igen se if i nɔ go tek wetin Chɛmɔsh we na dɛn gɔd gi am. I se so dɛn de kip ɔl wetin PAPA GƆD we na dɛn PAPA GƆD dɔn gi dɛn.

2 Kiŋ 23:13

Josaya pwɛl di ɔlta dɛn we Kiŋ Sɔlɔmɔn bin bil na di ist pat na Jerusɛlɛm na Mawnt Ɔliv fɔ de wɔship da dɔti Ashtorɛt we dɛn Sidonian dɛn de wɔship ɛn da dɔti Kɛmɔsh we dɛn Moabayt dɛn de wɔship ɛn di ɔda dɔti Molɛk we dɛn Amonayt dɛn de wɔship.

Ayzaya 16:2

Lɛk bɔd dɛn we de flay flay, lɛk we bɔd pikin dɛn we nɔ ebul flay yet, de difrɛn difrɛn say, na so Moab in gyal pikin dɛn de usay di wata shala na Riva Anɔn.