Jɛrimaya 48:45 - Krio Fɔs Oli Baybul

⁴⁵ “Pipul dɛn we de rɔnawe de sidɔm nia Ɛshbɔn ɛlplɛs wan; bikɔs faya dɔn kɔmɔt na Ɛshbɔn, faya we kɔmɔt na Siɔn in os; i dɔn nyakanyaka Moab in fɔrɛd, we na bɔypikin dɛn we de kɔz kɔnfyushɔn, dɛn krawn.

Jɛrimaya 48:45 Referans Kwoze

Di Nɔmba Dɛm 24:17

A de si am, bɔt nɔto naw: a de luk am, bɔt i de fa. Wan sta go kɔmɔt na Izrɛl in jɛnareshɔn ɛn i go bi kiŋ na Izrɛl. I go bit di Moabayt lida dɛn ɛn brok dɛn wan we de kak dɛn fɛda dɔŋ.

Di Nɔmba Dɛm 21:28

Faya bin kɔmɔt insay Ɛshbɔn di big siti na Sayɔn bɔn. I bɔn A na Moab, ɛn di pipul dɛn we tap ɔp na Mawnt Anɔn.

Matyu 21:42

Jizɔs aks dɛn se, “Una nɔ rid yet wetin rayt na Gɔd in Buk we se, ‘Da ston we dɛn pipul we de bil nɔ tek mek natin, nain dɔn bi di wan we impɔtant pas ɔl di ɔda wan dɛn. Na di Masta mek dat bi, ɛn di tin we di Masta du, so wɔndaful!’

Zɛkaraya 10:4

I se na pan dɛn i go pik lida dɛn we i go at fɔ du witawt dɛn bikɔs dɛn go trɔŋ lɛk di pɛg we de ol tɛnt, dɛn go fiba bo we dɛn de tek fɛt ɛn sɔm pan dɛn go bi kiŋ.

Emɔs 2:2

A go sɛn faya na Moab ɛn nyakanyaka di wɔl we de rawnd Kɛriɔth. Aw di pipul go de ala na so trɔmpɛt go de blo ɛn na so dɛn go de day.

Di Nɔmba Dɛm 21:26

Ɛshbɔn na bin di big siti usay Kiŋ Sayɔn we na bin di Amɔrayt dɛn kiŋ bin tap, afta i bin dɔn fɛt wit di fɔstɛm kiŋ na Moab ɛn tek ɔl in land dɛn nain an te rich Anɔn.

Di Nɔmba Dɛm 21:21

Izrɛl sɛn mɛsenja dɛn to Kiŋ Sayɔn, di kiŋ fɔ di Amɔrayt dɛn.

Di Nɔmba Dɛm 21:29

E Moab, una alaki! Di pipul dɛn na Kimɔsh, una dɔn dɔn! I dɔn mek in bɔypikin dɛn rɔnawe ɛn Kiŋ Sayɔn, di kiŋ fɔ di Amɔrayt dɛn dɔn kech ɔl in gyal pikin dɛn.

Di Sam Dɛm 78:63

Di yɔŋbɔy dɛn day na wa so bɔku. Man dɛn nɔ bin de fɔ mared dɛn yɔŋgyal dɛn.

Di Sam Dɛm 135:11

dɛn kiŋ de, na Sayɔn we na di Amɔrayt dɛn kiŋ, Ɔg we na bin kiŋ na Beshan wit ɔl dɛn kiŋ dɛn na Kenan

Jɛrimaya 2:16

Pantap dat, di man dɛm na Mɛmfis ɛn Tapanis dɔn brok di krawn na una ed.

Jɛrimaya 48:2

Di no we ɔlman bin no bɔt Moab, nɔ de igen. Na Ɛshbɔn dɛn plan bad fɔ am: ‘Kam, lɛ wi mek i nɔ bi neshɔn igen!’ Una sɛf, Una dɛn kresman dɛm, dɛn go mek una mɔt sɛt; wa go mit una ɔltɛm.