Jɛrimaya 48:42 - Krio Fɔs Oli Baybul

⁴² Dɛn go nyakanyaka Moab ɛn i nɔ go bi neshɔn igen bikɔs i put insɛf ɔp agens PAPA GƆD.

Jɛrimaya 48:42 Referans Kwoze

Jɛrimaya 48:2

Di no we ɔlman bin no bɔt Moab, nɔ de igen. Na Ɛshbɔn dɛn plan bad fɔ am: ‘Kam, lɛ wi mek i nɔ bi neshɔn igen!’ Una sɛf, Una dɛn kresman dɛm, dɛn go mek una mɔt sɛt; wa go mit una ɔltɛm.

Ayzaya 37:23

Na udat yu tink se yu de kɔs ɛn fityay? Na udat yu tink se yu de tɔk bad bɔt ɛn de kak pan? Na pan mi we na Izrɛl dɛn GƆD?

Ayzaya 7:8

Bikɔs di ɛdkwata fɔ Siria na Damaskɔs, ɛn di edman fɔ Damaskɔs na Kiŋ Rizin. (Insay siksti fayv ia, dɛn go brok Ifrem pis pis, so dat i nɔ go bi neshɔn igen)

Rɛvɛleshɔn 13:6

I bigin kɔs Gɔd, pwɛl in nem, tɔk bad bɔt di ples we i de ɛn tɔk bad bɔt ɔl dɛn wan we de na ɛvin.

Sɛkɛn Lɛta Fɔ Tɛsalonayka 2:4

Di wan we de fɛt Gɔd nɔ go tek dɛn tin ɛn dɛn spirit we pipul de pre to mek natin. I go fil se in gɛt pawa pas ɔl dɛn tin de ɛn i go sidɔm na Gɔd in Os ɛn se in na Gɔd.

Matyu 7:2

Aw una jɔj ɔda pipul, na di sem we Gɔd go jɔj unasɛf.

Daniɛl 11:36

Di kiŋ go de du wetin in want fɔ du. I go mek prawd ɛn mek insɛf big pas ɔl dɛn gɔd, ɛn i go de tɔk strenj tin dɛn agens PAPA GƆD we ay pas ɔl dɛn gɔd. Bɛtɛ go fala am te i satisfay se in dɔn trit di pipul dɛn bad dɔn; bikɔs wetin i plan fɔ du, i mɔs du am.

Jɛrimaya 30:11

PAPA GƆD se, bikɔs a de wit yu fɔ sev yu; A go nyakanyaka ɔl di neshɔn dɛm we a skata una, bɔt as fɔ una, a nɔ go nyakanyaka una. A go disiplin una bay aw una de biev, ɛn natin nɔ go mek a nɔ pɔnish una.

Prɔvabs 16:18

If yu de kak, yu go kapsay, wans yu gɛt mek mek, dɛn go brok yu fɛda dɔŋ.

Ayzaya 16:14

Bɔt naw PAPA GƆD se, “Insay tri ia, lɛk we dɛn de kɔnt fɔ wokman, Moab in tin dɛn we i de tek blɔf ɛn in jɛntri, go tɔn to disgres, pan ɔl we na bɔku bɔku pipul we de de, di wan dɛn we go lɛf nɔ go plɛnti, ɛn dɛn go wik.”

Izikɛl 35:13

Ɛn una bin mek unasɛf big pan mi wit una mɔt, ɛn ad mɔ ɛn mɔ wɔd pan mi; a bin yɛri am.