Jɛrimaya 48:27 - Krio Fɔs Oli Baybul

²⁷ Izrɛl nɔto bin ridikul to yu? Dɛn bin kech am wit tifman dɛm we mek ɛnitɛm una de tɔk bɔt am, una de shek una ed?

Jɛrimaya 48:27 Referans Kwoze

Jɛrimaya 2:26

“Lɛkɛ we dɛn kin jankonico tifman wɛn dɛn kech, na so dɛn go jankonoco Izrɛl: dɛm, dɛn kiŋ dɛm, dɛn bigman dɛm, dɛn man dɛm we de mek sakrifays fɔ pipul sin ɛn dɛn prɔfɛt dɛm,

Zɛfinaya 2:8

PAPA GƆD se, in dɔn yɛri aw di pipul dɛn na Moab de provok ɛn aw di wan dɛn na Amɔn de tɔmɛnt in pipul dɛn dɔn dɛn de blɔf se dɛn go siz dɛn land.

Izikɛl 25:8

“Na dis Papa Gɔd we na Gɔd se: Bikɔs Moab in se Juda dɛn tan lɛkɛ ɔl di ɔda neshɔn dɛm,

Matyu 27:38

Dɛn nel tu tifman pan tu krɔs, wan na Jizɔs in raytan, di ɔda wan nain lɛfan.

Matyu 26:55

Jizɔs aks di krawd se, “Wetin mek una ol sɔd ɛn tin dɛn fɔ tek fɛt fɔ kam ol mi lɛkɛ na tifman una de kam ol? A bin de wit una ɔl di tɛm de lan una na Gɔd in Os, bɔt una nɔ ol mi.

Matyu 7:2

Aw una jɔj ɔda pipul, na di sem we Gɔd go jɔj unasɛf.

Zɛfinaya 2:10

Na dat go bi to dɛn fɔseka di kak we dɛn de kak. Dɛn jɛs de fɔ de bost ɛn mek mɔt pan PAPA GƆD we na PAPA GƆD Ɔlmayti in pipul dɛn.

Izikɛl 36:4

fɔseka dis, O Izrɛl mawnten dɛm, yɛri wetin PAPA GƆD in wɔd se: na dis PAPA GƆD se to di mawnten dɛm ɛn di il dɛm, di watasay dɛm ɛn di vali dɛm, di ɛmti, yuslɛs ples we natin ɛn nɔbɔdi nɔ de, ɛn di big siti dɛm we nɔbɔdi nɔ de, ɛn we dɔn kam bi say we di balans neshɔn dɛn rawnd, de ambɔgin bad bad, ɛn laf, laf;

Izikɛl 36:2

na dis PAPA GƆD se: bikɔs di ɛnimi se bɔt una, ‘Aba’ ɛn ‘di lɔntɛm ay ples dɛm dɔn blant wi naw,’

Izikɛl 35:15

Lɛk aw yu bin gladi bad bad wan pan di Izrɛl pipul prɔpati we dɛn lɔntɛm pipul lɛf fɔ dɛm, bikɔs i bin ɛmti, natin ɛn nɔbɔdi nɔ go tap pan yu, Mawnt Seir, ɛn ɔl Idɔm, dɛn ɔl. Na datɛnde, dɛn go no se, na mi na PAPA GƆD.

Jɛrimaya 18:16

ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.

Di Sam Dɛm 79:4

Wi neba dɛn ɔl de shumɔ pan wi; dɛn de laf wi ɛn provok wi.

Di Sam Dɛm 44:13

Di ɔda trayb dɛn we liv rawnd wi nɔ rɛspɛkt wi igen Yu dɔn mek dɛn de provok wi ɛn nɔ luk wi wit ɛni bɛtɛ yay.

Job 16:4

Misɛf sabi tɔk so lɛk una, if na una bin de di we we a de so; misɛf ebul fɛn fɔlt pan una, ɛn shek mi ed se a de sɔri fɔ una.

Di Sam Dɛm 64:8

Dɛn go tɔn pan dɛnsɛf ɛn PAPA GƆD go alaki dɛn, ɔl udat si dɛn go de shumɔ pan dɛn.

Lamɛnteshɔn 1:7

We Jerusɛlɛm de sɔfa so ɛn de sɔk trɔbul, i mɛmba ɔl di dia dia tin dɛn we i bin gɛt lɔlɔntɛm. Di tɛm we in ɛnimi dɛn bin kapchɔ in pipul dɛn, ɛn nɔbɔdi nɔ bin de fɔ ɛp am, in ɛnimi dɛn laf am, de tek in dawnfɔl provok am.

Lamɛnteshɔn 1:12

“I nɔ min natin to una, una dɛn pipul dɛn we de pas? Luk mi ɛn si if yu dɔn si pɔsin sɔfa so wande lɛk di kayn sɔfa we dɛn mek a de sɔfa, we PAPA GƆD put pan mi di de we i bin vɛks bad bad wan.