Jɛrimaya 48:26 - Krio Fɔs Oli Baybul

²⁶ “Mek i drɔnk, bikɔs i es insɛf ɔp agens PAPA GƆD; dat go mek Moab rol insay in yon vɔmit, ɛn pipul dɛn go laf am.

Jɛrimaya 48:26 Referans Kwoze

Jɛrimaya 51:39

Ɛnti dɛn lɛk bɔku it, a go mek pati fɔ dɛm ɛn mek dɛn drɔnk sote dɛn slip ɛn slip ɛvalastin slip ɛn nɔ wek igen. Na so PAPA GƆD se.

Jɛrimaya 48:42

Dɛn go nyakanyaka Moab ɛn i nɔ go bi neshɔn igen bikɔs i put insɛf ɔp agens PAPA GƆD.

Ayzaya 29:9

Drink bɔku rɔm ɛn mek unasɛf styupid, blɛn yusɛf ɛn mek unasɛf blɛn! Drɔnk we nɔto wayn una drink; staga we nɔto traŋa rɔm mek una staga.

Ayzaya 19:14

PAPA GƆD dɔn miksɔp am wit spirit ɔf kɔnfyushɔn; ɛn dɛn dɔn mek Ijipt nɔ ebul du natin soba lɛk we drɔnkɔman de staga insay in vɔmit.

Daniɛl 5:23

Bɔt yu dɔn es yusɛf ɔp agens PAPA GƆD na ɛvin ɛn yu dɔn mek dɛn briŋ dɛn kɔp dɛn we bin de na PAPA GƆD in os kam na ya, ɛn yu ɛn yu wɛf ɛn switat dɛn tek dɛn drink wayn, ɛn yu dɔn prez di silva, gold, bras, ayɛn, wud ɛn ston gɔd dɛn, we nɔ de si ɔ yɛri ɛn nɔ no natin; bɔt una nɔ rɛspɛkt PAPA GƆD we nain an una layf dɛn de, ɛn we nain de kɔntrol ɔl wetin de apin to una.

Lamɛnteshɔn 4:21

Una gladi o, pipul dɛn na Idɔm, una gladi, di pipul dɛnsɛf na Ɔz una gladi; bɔt di sɔfrin go pas to una wande; una go drɔnk ɛn trip unasɛf nekɛd.

Jɛrimaya 51:7

Babilɔn na bin gold kɔp na PAPA GƆD in an, we mek ɔl di wanol wɔl drɔnk; di neshɔn dɛm drink pan in wayn, fɔseka dat, di neshɔn dɛm kres.

Jɛrimaya 48:39

If yu si aw i dɔn broko broko! Na so di pipul dɛn ala de kray! Moab dɔn shem! So Moab dɔn tɔn tin fɔ ridikul ɛn fred to ɔl di wan dɛm we de rawnd am.”

Ɛksodɔs 5:2

Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.

Rɛvɛleshɔn 16:19

Di big tɔŋ brok, i sheb tri say, ɛn dɛn tɔŋ ɔlɔbɔt na wɔl pwɛl. Gɔd nɔ fɔgɛt di big tɔŋ we dɛn kɔl Babilɔn, i mek di pipul dɛn drink di bita wayn we i mek fɔ dɛn, dat na di pɔnish we i de pɔnish dɛn fɔ ɔl di bad tin we dɛn du.

Sɛkɛn Lɛta Fɔ Tɛsalonayka 2:4

Di wan we de fɛt Gɔd nɔ go tek dɛn tin ɛn dɛn spirit we pipul de pre to mek natin. I go fil se in gɛt pawa pas ɔl dɛn tin de ɛn i go sidɔm na Gɔd in Os ɛn se in na Gɔd.

Abakɔk 2:16

Na so tin go bad fɔ dɛnsɛf. Pipul go trit dɛn bad we go mek dɛnsɛf staga lɛk udat drɔnk. PAPA GƆD go mɔs mek dɛn sɔfa ɛn dɛn gres go tɔn to gras.

Neum 3:11

I se na so Ninivɛ insɛf go drɔnk wit pawa ɛn nɔ no wetin i de du. I go tray fɔ ayd pan in ɛnimi dɛn.

Daniɛl 11:36

Di kiŋ go de du wetin in want fɔ du. I go mek prawd ɛn mek insɛf big pas ɔl dɛn gɔd, ɛn i go de tɔk strenj tin dɛn agens PAPA GƆD we ay pas ɔl dɛn gɔd. Bɛtɛ go fala am te i satisfay se in dɔn trit di pipul dɛn bad dɔn; bikɔs wetin i plan fɔ du, i mɔs du am.

Lamɛnteshɔn 3:15

I mek a de sɔfa bad bad wan lɛk udat dɛn fos fɔ swɛla gbangba.

Lamɛnteshɔn 1:21

“Luk we a de pini: nɔbɔdi nɔ de fɔ koks mi. Ɔl mi ɛnimi dɛn dɔn yɛri bɔt mi wahala; dɛn ɔl gladi bikɔs na yu du mi so. Lɛ di de we yu bin dɔn se kam, ɛn lɛ mi ɛnimi dɛn sɔfa lɛk aw a de sɔfa.

Jɛrimaya 51:57

A go mek in bigman dɛm ɛn in sɛnsman dɛm, in gɔvna dɛm, in kɔmanda dɛm, ɛn in sojaman dɛm, drɔŋɔ; dɛn go slip ɛvalastin slip ɛn nɔ wek igen, na so di Kiŋ we nem PAPA GƆD Ɔlmayti, se.

Ayzaya 63:6

A mas mas difrɛn difrɛn pipul dɛn wit wamat, A nyakanyaka dɛn we a vɛks, ɛn a trowe dɛn blɔd we de gi dɛn layf, na grɔn.”

Ayzaya 51:17

Gɛda yusɛf, gɛda yusɛf, tinap, yu Jerusɛlɛm, yu we bin dɔn drink na PAPA GƆD in an, di kɔp we in vɛksteshɔn de, yu we dɔn drink te rich di kɛtɛ kɛtɛ na di bol we de mek pɔsin staga.

Ayzaya 10:15

Di aks fɔ fil se in bɛtɛ pas di wan we de yuz am, ɔ di sɔ fɔ mek insɛf big pas di wan we de wok wit am? Lɛk se na di ratlan fɔ gɛt pawa pas di wan we ol am ɔ lɛk se na di waka tik fɔ es di wan we nɔto bod!

Di Sam Dɛm 75:8

PAPA GƆD gɛt wan kɔp we nainsay de i de put ɔl di vɛks we i dɔn vɛks, dis kɔp ya nain jɔjmɛnt. Di vɛks we i dɔn vɛks na di wayn insay di kɔp, i de gi di pɔsin we de du bad di wayn fɔ drink; i go mek i drink ɔl di kɛtɛkɛmu makoloŋ.

Di Sam Dɛm 60:3

Yu dɔn mek wi we na yu pipul sɔfa bɔku; yu dɔn gi wi wayn fɔ drink we mek wi de staga.

Di Sam Dɛm 59:8

Bɔt PAPA GƆD yu we na PAPA GƆD de yɛri so yu de laf dɛn; yu jɛs de laf ɔl dɛn ɔda neshɔn.

Di Sam Dɛm 2:4

PAPA GƆD, we sidɔm na di ay chia usay kiŋ kin sidɔm jɛs de laf dɛn; i shek in ed pan di nɔnsɛns we dɛn de pan.

Job 9:4

PAPA GƆD sabi ɔltin ɛn i pawaful. Nɔbɔdi nɔ ebul chalenj am.

Ɛksodɔs 9:17

Bɔt in stil de mek traŋayes ɛn nɔ gri fɔ lɛ mi pipul dɛn go.

Ayzaya 28:8

Bikɔs ɔl di tebul dɛn fulɔp wit vɔmit, nɔn say nɔ de we nɔ dɔti ɛn nasti.

Daniɛl 8:10

I gro big big wan, te rich ɛvin; i trowe sɔm pan di sta dɛn na grɔn ɛn mas mas dɛn.

Job 15:25

Bikɔs i nɔ de wit PAPA GƆD, ɛn nɔ yɛri di Ɔlmayti in wɔd,

Jɛrimaya 50:29

“Una kɔl di man dɛn we de shut bo ɛn aro fɔ go atak Babilɔn. Una sɔrawnd am ɔlɔbɔt; lɛ nɔn pan dɛm nɔ ɛskep. Una pe am akɔdin to in wok, una du am ɔl wetin in dɔn du ɔda pipul; bikɔs i dɔn mek prawd ɛn nɔ du wetin PAPA GƆD we na di Oli wan na Izrɛl, se fɔ du.