Jɛrimaya 48:14 - Krio Fɔs Oli Baybul

¹⁴ “Wetindu una de se, ‘Wi na iro dɛm ɛn wi na man dɛn we sabi fɛt?

Jɛrimaya 48:14 Referans Kwoze

Di Sam Dɛm 33:16

Ivin if wan kiŋ gɛt pawaful ami, dat nɔ min se i go win wa; ɔ if sojaman gɛt trɛnk, i nɔ min se i go bit di ɛnimi we fɛt am.

Ayzaya 10:16

So, PAPA GƆD we na PAPA GƆD Ɔlmayti, go sɛn siknɛs we de kil, pan in tɔf tɔf sojaman dɛn, pan ɔl dɛn glori, i go bigin bɔn dɛn, lɛk aw faya kin bɔn.

Ayzaya 10:13

Bikɔs i se, “na wit mi yon an a du am, ɛn na mi sɛns a yuz, bikɔs mi na man we klɛva: A dɔn pul pipul dɛn bawndri dɛn, ɛn a dɔn klia ɔl dɛn jɛntri; a dɔn pul ɔl dɛn wan we sidɔm na dɛn tron dɛn lɛk man kaw.

Zɛfinaya 2:10

Na dat go bi to dɛn fɔseka di kak we dɛn de kak. Dɛn jɛs de fɔ de bost ɛn mek mɔt pan PAPA GƆD we na PAPA GƆD Ɔlmayti in pipul dɛn.

Izikɛl 30:6

“Na dis PAPA GƆD se dɛn wan dɛn we de fɔ Ijipt go fɔdɔm, ɛn in pawa we i prawd bɔt, go kam dɔn; frɔm Midɔl to Sayrini dɛn go fɔdɔm insay am bay di sɔd na so PAPA GƆD se.

Jɛrimaya 49:16

Di fred we una tink se pipul dɛn de fred una, ɛn di prawd we una prawd dɔn lay gi una, una we tap insay dɛn ol na dɛn rɔk ɔntɔp dɛn mawnten. Ilɛk una mek una os dɛn ɔp ɔp lɛk dɛn igul dɛn yon, a go briŋ una kɔmɔt de kam dɔŋ. Na so PAPA GƆD se.

Jɛrimaya 9:23

Na dis PAPA GƆD se, “Le di sɛnsman nɔ bost fɔ in sɛns, le di pawaful man nɔ bost fɔ in trɛnk, ɛn lɛ di jɛntri man nɔ boast bɔt in jɛntri;

Jɛrimaya 8:8

‘Aw una go se, ‘wi gɛt sɛns, ɛn PAPA GƆD in lɔ de to wi?’ A de tɛl una, dɛn sɛktri dɛn lay lay pɛn dɛn dɔn mek i dɔn tɔn to lay lay.

Ayzaya 16:6

Wi dɔn yɛri bɔt Moab in prayd, di i bin prawd; bɔt aw i de fil se in bɛtɛ pas ɔda pipul, di kak we i de kak ɛn di fityay we i fityay- ɔl di bost we i de bost na laylay.

Ɛkliziastis 9:11

A fɛnɔt igen na dis wɔl se, i nɔ min se yu go win bikɔs yu kin rɔn fast, ɛn i nɔ min se pɔsin nɔ go bit yu bikɔs yu gɛt trɛnk. Semweso, nɔto sɛns de gi yu mɔni, yu nɔ de jɛntri bikɔs yu gɛt sɛns ɛn nɔto bikɔs yu sabi du tin, mek yu go gɛt wok; na lɔk nɔmɔ de mek bɛtɛ fala yu.

Di Sam Dɛm 11:1

Na PAPA GƆD a trɔs fɔ de kɔba mi. Wetin du yu fɔ tɛl mi fɔ rɔnawe ɛn flay lɛk bɔd go na di mawnten kwayɛt wan?