Jɛrimaya 47:5 - Krio Fɔs Oli Baybul

⁵ Shayned dɔn mit Gaza, Ashkɛlɔn in dɔn kwayɛt. Una di balans pipul dɛn na Filistia, aw lɔŋ una go de kɔt kɔt unasɛf?

Jɛrimaya 47:5 Referans Kwoze

Jɛrimaya 48:37

“Bikɔs dɛn dɔn krep ɔl dɛn ed ɛn shev ɔl dɛn bia bia; wund wund de na ɔl dɛn ed ɛn saklɔth de na dɛn wes.

Jɛrimaya 25:20

ɛn ɔl di fɔrina dɛn we de wit dɛm; ɔl di kiŋ dɛn na Ɔz ɛn ɔl di kiŋ dɛn na di Filistin dɛm land (Ashkɛlɔn, Gaza, Ɛkrɔn, ɛn dɛn wan we lɛf na Ashdɔd);

Mayka 1:16

I se di pipul dɛn na Juda fɔ krep dɛn ed fɔ sho aw dɛn fil am we dɛn tek dɛn pikin dɛn na dɛn an kɛr dɛn go. Dɛn fɔ fiba yuba we nɔ gɛt ia.

Jɛrimaya 41:5

eti man we kɔmɔt Shɛkɛm, Shilo ɛn Sameria, we dɛn bia bia shev, dɛn klos chɛr chɛr ɛn dɛn bɔdi kɔt kɔt, kam de briŋ sid ɔfrin ɛn insɛns fɔ kam gi na PAPA GƆD in os.

Mak 5:5

De ɛn nɛt di man kin de na bɛriŋrɔn ɔ pantap dɛn il. I kin de ala ɛn i kin de tek ston kɔt kɔt insɛf.

Izikɛl 25:16

fɔseka dat, na dis Papa Gɔd we na Gɔd se: una lisin, a go tret mi an pan di Filistin dɛm, ɛn a go kil di Chɛrɛtayt dɛm ɛn pwɛl di balans we lɛf pan di si kos dɛm.

Izikɛl 7:18

Dɛn tay rɛsbag rawnd dɛn wes, ɛn bad bad fred fred kɔba dɛm; shem de pan dɛn ɔl fes ɛn dɛn ɔl gɛt bɔl ed.

Jɛrimaya 47:4

fɔseka di de we de kam fɔ nyakanyaka ɔl di Filistin dɛm, fɔ kil ɔl di ɛlpa dɛn we lɛf na Taya ɛn Sidɔm. Bikɔs PAPA GƆD de nyakanyaka ɔl di filistin dɛm, dat na di balans pipul dɛn we de na Krit Ayland.

Jɛrimaya 47:1

PAPA GƆD in wɔd we kam to Jɛrimaya we na prɔfɛt, bɔt di Filistin dɛm, bifo Fero bin atak Gaza.

Jɛrimaya 16:1

PAPA GƆD in wɔd kam to mi bak se,

Ayzaya 15:2

Daybɔn in gyal pikin dɔn go ɔp na di ay ples dɛn fɔ go kray; Moab de kray fɔ Nibo ɛn Mɛdiba. Ɔlman krep in ed, ɛn ɔlman shev in bia bia;

1 Kiŋ 18:28

Dɛn ala mɔ ɛn mɔ ɛn bigin kɔt, kɔt dɛn bɔdi wit sɔd ɛn spia lɛkɛ aw dɛn kin de du te blɔd kɔmɔt.

Di Jɔj Dɛm 1:18

Di Juda fambul kapchɔ Gaza, Ashkɛlɔn ɛn Ɛkrɔn wit ɔl dɛn siti ɛn vilej dɛn.

Ditarɔnɔmi 14:1

Mozis tɛl di Izrɛlayt dɛn se dɛn na PAPA GƆD we na dɛn PAPA GƆD in yon pipul. So we dɛn de munin, dɛn nɔ fɔ wund wund dɛn bɔdi ɔ krep di ia frɔnt dɛn ed fɔseka dayman, lɛkɛ aw di pipul dɛn we de wɔship ɔda gɔd dɛn de du.

Lɛvitikɔs 21:5

I se dɛn nɔn nɔ fɔ krep wan pat pan dɛn ed fɔ mek bɔled, nɔ fɔ skrep pan di ia we de na dɛn dɛn fes in sayd ɔ shep dɛn biabia lɛk got ɔ mak mak idɛn bɔdi.

Lɛvitikɔs 19:28

Pɔsin nɔ fɔ kɔt kɔt in bɔdi se i de munin, ɔ mek tatu ɔ ɛni ɔda mak nain bɔdi fɔ seka dayman.

Jɛrimaya 16:6

Big wan o, ɛn smɔl wan o, ɔl go day na dis land; dɛn nɔ go bɛr dɛm, ɛn nɔbɔdi nɔ go kray fɔ dɛm, ɔ kɔt insɛf ɔ shayn in ed fɔseka dɛm.