Jɛrimaya 46:5 - Krio Fɔs Oli Baybul

⁵ Wetin mek a dɔn si am? Dɛn at pwɛl ɛn dɔn tɔn bak. Dɛn dɔn bit dɛn sojaman dɛm ɛn dɛn dɔn rɔnawe kwik kwik wan; dɛn nɔ luk biɛn sɛf– fred fred de ɔlɔbɔt! Na so PAPA GƆD se.

Jɛrimaya 46:5 Referans Kwoze

Jɛrimaya 49:29

Dɛn go tek dɛm os ɛn dɛn ship dɛm, dɛn kɔtin dɛm we dɛn ɛŋ ɛn ɔl dɛn tiŋs dɛm; dɛn go kɛr dɛn kamɛl dɛm go, ɛn pipul dɛn go ala tɛl dɛm se: ‘Waala de ɔlɔbɔt pan una!’

Jɛrimaya 6:25

Una nɔ go na fam, ɛn una nɔ waka na forod; bikɔs di ɛnimi gɛt sɔd, fred fred de ɔlɔbɔt.

Jɛrimaya 46:21

Ivin in soja dɛm we dɛn aya we de wit am, na lɛk fat fat kaw pikin; bɔt usay, dɛn dɔn tɔn ɛn rɔnawe togɛda, dɛn nɔ tinap; bikɔs di de ɔf kalamiti, dɔn kam pan dɛm, di tɛm fɔ dɛn pɔnishmɛnt.

Neum 2:8

Di pipul dɛn de rɔn kɔmɔt na Ninivɛ lɛk aw wata kin bɔs we payp bɔs. Di ɔfisa dɛn de kɔl di pipul bak bɔt di pipul dɛn nɔ luk dɛnsɛf.

Izikɛl 32:10

A go mek bɔku difrɛn pipul shɔk bad bad wan we dɛn si yu, ɛn dɛn kiŋ dɛn go trimbul bad bad wit fred fɔseka yu, wɛn a go pas pas mi sɔd bifo dɛm; dɛn go trimbul ɔl di tɛm, wan bay wan, fɔ in yon layf, di de we yu go fɔdɔm.

Jɛrimaya 46:15

Wetindu Apis dɔn rɔnawe? Wetindu una man kaw nɔ tinap? Bikɔs PAPA GƆD dɔn push am dɔŋ.

Jɛrimaya 20:10

Bikɔs a de yɛri bɔku bɔku sumu sumu. Fred fred de ɔlɔbɔt! “Pul am kɔmɔt na yu at! Lɛ wi pul am kɔmɔt na yu at! Na so ɔl mi tayt padi dɛn de se, de wach fɔ mi dawnfɔl. ‘Sɔntɛnde, wi go ebul disiv am, datɛnde, wi go gɛt am to wetin wi want, ɛn rivɛnj pan am.”

Ayzaya 19:16

Da de de, di Ijipshian dɛn go tan lɛk uman, ɛn go trimbul de fred bifo di an we PAPA GƆD Ɔlmayti de shek na Ijipt.

Jɛnɛsis 19:17

We di enjɛl dɛn dɔn pul dɛn kɔmɔt de, wan pan di enjɛl ala se, “Una rɔn fɔ una layf! Una nɔ luk biɛn ɛn una nɔ tinap na di vali. Una rɔn go na dɛn il fɔ lɛ una nɔ go day.”

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Ayzaya 13:8

ɛn dɛn at go pwɛl. Dɛn go de fil ɔlkayn pen; dɛn go de fil pen lɛk we uman de sɔfa fɔ bɔn. Dɛn go lɛf mɔt de luk dɛn kɔmpin. Dɛn fes go rɛd lɛk we yu layt faya.

Ayzaya 42:17

Dɛn wan dɛn we abop pan dɛn laylay gɔd, we de tɛl dɛn laylay gɔd dɛn se, “una na wi gɔd dɛn,” go disgres bad bad wan, ɛn dɛn go drɛb dɛn.

Jɛrimaya 49:5

PAPA GƆD Ɔlmayti se, biliv mi, a go mek bad bad tin mit yu we yu go fred, tin we go kɔmɔt to di wan dɛn we de rawnd yu, ɛn dɛn go drɛb una, ɔlman go bisin bɔt inyon layf, ɛn nɔbɔdi nɔ go de fɔ gɛda dɛm igen.

Izikɛl 39:18

Una go it pawaful pipul dɛn flɛsh, ɛn drink di kiŋ dɛn na di wɔl, dɛm blɔd, wit manship dɛn yon, ship pikin dɛn yon, got dɛn yon, man kaw dɛn yon, ɛn dɛn ɔl Beshan dɛn fat fat animal dɛm.

Neum 2:9

Dɛn tek ɔl di tin dɛn we gɛt valyu kɔmɔt na di siti.

Zɛfinaya 1:14

Di big big de we PAPA GƆD de kam dɔn kam nia ɛn i de kam jisnɔ. Di sawnd we go kam wit am nɔ go fayn fɔ yɛri. Bigman dɛn ɔl go de kray bita bita wan.