Jɛrimaya 46:12 - Krio Fɔs Oli Baybul

¹² Di neshɔn dɛm dɔn yɛri bɔt yu disgres, ɛn dɛn yɛri yu kɔmplen ɔlɔbɔt na wɔl; bikɔs sojaman de fɔdɔm pan sojaman; dɛn tu day togɛda.”

Jɛrimaya 46:12 Referans Kwoze

Jɛrimaya 46:6

Di wan dɛm we ebul rɔn fast nɔ ebul rɔnawe, semweso, di sojaman nɔ ebul ɛskep; dɛn dɔn bɔk fut ɛn fɔdɔm, na di nɔt nia Riva Yufretis.

Jɛrimaya 14:2

“Juda de kray ɛn in get dɛm lɛf ɛmti; in pipul lidɔm na grɔn de kray, ɛn di kary we Jerusɛlɛm de kray, de go ɔp.

Ayzaya 19:2

A go sɛtfaya di Ijipshian dɛn, ɛn dɛn go fɛt dɛnsɛf, brɔda agens brɔda ɛn ɔlman go fɛt in neba, siti go fɛt siti, kindɔm go fɛt kindɔm.

Zɛfinaya 1:10

PAPA GƆD se da de de, dɛn go yɛri we di pipul dɛn na di Fish Get de kray, dɛn go yɛri kray de kɔmɔt na di Sɛkɛn Kwata pantap di il dɛn we di bildin dɛn go fɔdɔm.

Jɛrimaya 51:54

“Una lisin! Babilɔn de kray! Nɔys we de sho se dɛn de nyakanyaka dɛm bad bad wan, de kɔmɔt na Babilɔn!

Jɛrimaya 49:21

Di ath go trimbul fɔ di kayn sawnd we dɛn go mek we dɛn go fɔdɔm; dɛn go yɛri we dɛn go ala, na di Rɛd si.

Jɛrimaya 48:34

“Ɛshbɔn ɛn Ɛlealɛ ala lawd lawd wan; dɛn yɛri as fa as Jaaz, frɔm Zoa to Oronaim ɛn Ɛglat Shɛlishia. Bikɔs di watasay dɛm na Nimrim dɔn tɔn ɛmti ples.

Ayzaya 10:4

Natin nɔ lɛf, pas fɔ butu wit dɛn prizina ɔ day wit di wan dɛn we dɛn go kil. Na fɔseka ɔl dɛn tin ya mek in at nɔ stil kol, ɛn i stil de pɔnish una.

1 Samiɛl 5:12

Di wan dɛn we nɔ day, gɛt bɔmp na dɛn bɔdi ɛn dɛn ɔl bigin kɔl dɛn yon gɔd fɔ ɛp dɛn.

Ayzaya 24:11

Pipul dɛn vɛks de ala na trit bikɔs wayn nɔ de; di tin dɛn we de mek pipul dɛn gladi dɔn day; dɛn dɔn drɛb gladi gladi kɔmɔt na di wɔl.

Jɛrimaya 2:36

Luk we una de pas pas pan pipul, we nɔto so una bin tan! Ijipt go mek una shem, lɛkɛ aw Asiria bin mek una shem.

Jɛrimaya 47:2

“Na dis PAPA GƆD se, A de tɛl una, wata de grap kɔmɔt na di nɔt, ɛn i go bi flɔd; di wata go kɔba di land ɛn ɔl wetin de de, i go kɔba di siti ɛn di wan dɛm we tap de. Di man dɛn go ala de kray, ɛn ɔl di pipul dɛm we tap de, go kray.

Jɛrimaya 50:46

Wɛn dɛn go kapchɔ Babilɔn, di wanol wɔl go shek, ɛn ɔl di ɔda neshɔn dɛm go yɛri we i de ala.”

Neum 2:5

Dɛn kɔl ɔl di ɔfisa dɛn; na so dɛn ɔl de staga we dɛn de go bifo. Di wan dɛn we de atak dɛn rɔn go to di wɔl usay dɛn go tek stand de wet fɔ rɛdi di tin we dɛn kin tek fɛt.