Jɛrimaya 46:10 - Krio Fɔs Oli Baybul

¹⁰ Da de de, na PAPA GƆD Ɔlmayti in de, na de fɔ rivɛnj, fɔ rivɛnj fɔ insɛf pan in ɛnimi dɛm, Di sɔd go kil te i bɛlful, ɛn drink dɛn blɔd te i bɛlful. Bikɔs PAPA GƆD Ɔlmayti go mek sakrifays na di nɔt kɔntri nia riva Yufretis.

Jɛrimaya 46:10 Referans Kwoze

Ditarɔnɔmi 32:42

A go mek mi aro drɔnk wit blɔd, ɛn min sɔd go it flɛsh blɔd we kɔmɔt pan di wan dɛn we dɛn kil ɛn di wan dɛn we dɛn kapchɔ, flɛsh we kɔmɔt pan mi ɛnimi dɛn we gɛt lɔŋ ia na dɛn ed.

Joɛl 1:15

Da de de na de! Bikɔs di tɛm we PAPA GƆD go kam nɔ fa igen i go kam lɛk tin we de nyakanyaka we kɔmɔt to di Ɔlmayti

Jɛrimaya 46:2

Bɔt Ijipt. Dis na bɔt Fero Nɛko we na kiŋ na Ijipt in Ami, we bin de nia Riva Yufretis na Kakɛmish, we Nɛbyukadnɛza we na kiŋ na Babilɔn bin bit insay di ia we mek fo, we Jɛoiakim we na Josaya in bɔypikin, na bin kiŋ na Juda:

Jɛrimaya 46:6

Di wan dɛm we ebul rɔn fast nɔ ebul rɔnawe, semweso, di sojaman nɔ ebul ɛskep; dɛn dɔn bɔk fut ɛn fɔdɔm, na di nɔt nia Riva Yufretis.

Lyuk 21:22

bikɔs na di tɛm dat we Gɔd go pɔnish in pipul dɛn lɛkɛ aw dɛn prɔfɛt bin dɔn rayt.

Joɛl 2:1

Blo di trɔmpɛt na Zayɔn; mek nɔys fɔ kɔl atɛnshɔn pantap PAPA GƆD in oli mawnten! Lɛ ɔl di pipul we tap na di land trimbul bikɔs di de we PAPA GƆD de kam de nia,

Jɛrimaya 51:6

“Una rɔnawe kɔmɔt Babilɔn, lɛ ɔlman sev inyon layf! Nɔ mek yu sɔfa pan in pɔnishmɛnt, bikɔs dis na di tɛm fɔ PAPA GƆD in rivɛnj we na di pemɛnt we i de gi am.

Jɛrimaya 50:15

Una siŋ rawnd am ɔlɔbɔt, i dɔn sɔrɛnda; di tin dɛn we i bin de tek protɛkt insɛf, dɔn fɔdɔm in protɛkshɔn dɛm dɔn fɔdɔm kan dɔŋ, bikɔs dis na PAPA GƆD in pe: tɔn am gi am, mek yu du am wetin i bin yu.

Ayzaya 63:4

Bikɔs di de fɔ rivɛnj bin de na mi at, ɛn di ia fɔ ridim pipul dɔn kam.

Ayzaya 13:6

Kray o! PAPA GƆD in de dɔn de rich, di de we go kam lɛk we di Ɔlmayti de distrɔy!

2 Kiŋ 24:7

Di Kiŋ na Ijipt ɛn in sojaman dɛn nɔ kɔmɔt na Ijipt igen bikɔs na di kiŋ na Babilɔn naw bin de kɔntrol ɔl di eria we na Ijipt bin gɛt fɔs, dat na frɔm Riva Yufretis te rich di bɔda na di nɔth pat na Ijipt.

Ayzaya 61:2

fɔ anawns se dis na di ia fɔ PAPA GƆD in fevɔ, ɛn di de we wi Gɔd go rivɛnj; fɔ koks ɔl udat at de blid;

Job 24:1

Wetindu PAPA GƆD nɔ go pik tɛm fɔ jɔj wikɛd pipul, ɛn wetin mek i nɔ go mek di wan dɛn we de sav am, si we i de jɔj dɛn?

Ayzaya 31:8

“Ɛn sɔd go kil Asirian, nɔto mɔtalman; na sɔd, nɔto mɔtalman go kil am; ɛn i go rɔnawe frɔm di sɔd, ɛn dɛn go mek in yɔŋman dɛn go wok bay fos.

Jɛrimaya 12:12

Pipul dɛn we de nyakanyaka dɔn kɔmɔt na ɔl dɛn mawten dɛn na di ɛmti ples we pɔsin nɔ go ebul tap, kam; bikɔs PAPA GƆD in sɔd de kil frɔm wan ɛnd na di land, to di ɔda ɛnd; nɔbɔdi nɔ gɛt kol at.

Jɛrimaya 46:14

“Tɛl dɛm na Ijipt ɛn anawns na Migdɔl; anawns na Mɛmfis ɛn Tapanis; Tɛl dɛm se, ‘Una rɛdi ɛn pak ɔltin rɛdi, bikɔs wa go kil pipul dɛn ɔlɔbɔt rawnd una.’

Jɛrimaya 50:18

Fɔseka dat, na dis PAPA GƆD Ɔlmayti we na Izrɛl dɛn Gɔd se: a go pɔnish di kiŋ na Babilɔn lɛk aw a bin pɔnish di kiŋ na Asiria.

Izikɛl 21:28

“Ɛn yu mɔtalman, prɔfisay se, na dis Papa Gɔd we na Gɔd se bɔt di Amonayt dɛn, ɛn bɔt dɛn disgres; tɛl dɛn se, wan sɔd, wan sɔd dɔn kɔmɔt nain kes fɔ kil, dɛn pɔlish am te i de glita ɛn de flash lɛk laytin -

Zɛkaraya 6:6

Di sɛkɛn wan we gɛt di blak ɔs dɛn, go na di nɔth to usay Babilɔn de, di wayt wan dɛn go na di wɛst ɛn di wan dɛn we tan lɛk layt gre go na di sawt.

Ayzaya 2:12

PAPA GƆD Ɔlmayti gɛt in yon de fɔ dil wit ɔl dɛn prawd wan dɛn ɛn dɛn wan we tink tumɔs bɔt dɛnsɛf, ɛn ɔl di wan dɛn we de es dɛnsɛf ɔp ɛn de kak;