Jɛrimaya 44:8 - Krio Fɔs Oli Baybul

⁸ Wetindu una de provok mi mek a vɛks bay wetin una de du, we una de bɔn insɛns to ɔda gɔd dɛm na Ijipt usay una dɔn kam tap, we go mek nɔbɔdi nɔ want fɔ gɛt ɛnitin fɔ du wit una, ɛn una gɛt swɛ ɛn tɔn provokeshɔn na ɔl di neshɔn dɛm na di wɔl?

Jɛrimaya 44:8 Referans Kwoze

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Jɛrimaya 44:3

fɔseka di wikɛd tin dɛm we dɛn du, tin dɛn we mek a vɛks, dat na we dɛn bin de bɔn insɛns ɛn sav ɔda gɔd dɛm we dɛn, una ɛn ivin una fɔstɛmpapa dɛm nɔ no.

Jɛrimaya 18:16

ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.

2 Kronikuls 7:20

a go rut yu kɔmɔt na di land we a dɔn gi yu; ɛn dis os we a dɔn kɔnsikret fɔseka mi nem, a go trowe am kɔmɔt bifo mi, ɛn a go tɔn am to tin fɔ tɔk bɔt, ɛn fɔ laf na ɔl dɛn neshɔn dɛn.

Di Ibru Pipul Dɛn 3:16

Udat na di pipul dɛn we bin yɛri Gɔd in vɔys, bɔt dɛn nɔ bin gri fɔ mek i rul dɛn? Na ɔl dɛn pipul we na bin slev na Ijipt, we Mozis bin fri.

Jɛrimaya 44:12

A go kech di balans wan dɛm we lɛf na Juda we dɛnsɛf de mekɔp fɔ go Ijipt, ɛn dɛn ɔl go day; na Ijipt dɛn go day; dɛn go day na wa ɔ wit bad bad aŋri; frɔm di las wan to di wan we gɛt pawa pas dɛn ɔl, go day na wa ɛn wit bad bad aŋri; dɛn go tɔn tin we at fɔ luk, pipul dɛn go trit dɛn lɛk dɔg ɛn go tek dɛn nem fɔ swɛ ɛn go provok dɛm.

Jɛrimaya 44:7

Ɛn naw, na dis PAPA GƆD Ɔlmayti we na Izrɛl dɛn Gɔd se: Wetin du una de du dis kayn bad bad tin to unasɛf, fɔ mek una nɔ gɛt mɔ man ɛn uman, yɔŋ bebi ɛn pikin dɛm na Juda we dat go mek nɔbɔdi nɔ lɛf pan una?

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Jɛrimaya 26:6

A go mek dis Tɛmpul tan lɛk Shilo, ɛn a go mek ɔlman na wɔl yuz dis siti in nem fɔ de swɛ.’”

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Ayzaya 65:15

Una nem go lɛf to mi pipul we a dɔn pik, fɔ tek kɔs pɔsin, ɛn Papa Gɔd we na Gɔd go kil una; bɔt I go kɔl in wokman dɛn difrɛn nem.

Ayzaya 3:8

Jerusɛlɛm dɔn bɔk in fut, ɛn Juda dɔn fɔdɔm; bikɔs di tin we dɛn de tɔk, ɛn di tin we dɛn de du, de agens PAPA GƆD, dɛn nɔ de rɛspɛkt di pawa pan in glori.

Ayzaya 19:1

Wetin PAPA GƆD se go apin to Ijipt. Una luk o, PAPA GƆD de rayd pantap wan klawd we gɛt spid ɛn kam na Ijipt; di laylay gɔd dɛn na Ijipt go trimbul bifo am ɛn di Ijipshian dɛn go wan day wit fred.

Jɛrimaya 7:9

Una go tif, kil pɔsin, kɔmit adɔltri, swɛ fɔ natin, bɔn insɛns to Beal, ɛn wɔship ɔda gɔd dɛm we una nɔ bin no,

Jɛrimaya 11:12

Da tɛm de, di siti dɛm na Juda ɛn di wan dɛm we tap na Jerusɛlɛm, go go ɛn kray to di gɔd dɛm we dɛn bin de bɔn insɛns to, bɔt dɛn nɔ go ebul sev dɛm we trɔbul mit dɛm.

Jɛrimaya 11:17

PAPA GƆD Ɔlmayti, we bin plant una, dɔn swɛ una, fɔseka di ivul tin we Izrɛl ɛn Juda dɔn du, we dɛn provok mi te a vɛks, we dɛn de bɔn insɛns to Beal.”

Ozie 4:13

Na ɔp di mawnten dɛn de go mek dɛn sakrifays ɛn na pantap di il, dɛn kin bɔn ɔlkayn insɛns. Dɛn go ivin du wetin dɛn wan du ɔnda di kɔtin tri ɛn ɔda big big tik dɛn, bikɔs dɛn de gi gud shed. I se na dat ɔl mek dɛn yɔŋ gyal dɛn de mek lɛk rare gyal ɛn dɛn mared uman dɛn de lɛf dɛn man dɛn na os, go kip ɔda man.

Abakɔk 1:16

We di Babilonian dɛn dɔn kech dɛn lɛk fish, dɛn kin mek sakrifays to dɛn nɛt dɛn, ɛn bɔn insɛns to di uk, bikɔs na di nɛt dɛn de mek dɛn liv gud, ɛn it gud it.

Ditarɔnɔmi 32:25

Wa go mek dɛn kil dɛn plɛnti, bad bad pipul dɛn go atak dɛn na dɛn os dɛn. Yɔŋ man ɛn uman dɛn go day yɔŋ bebi dɛn ɛn ol pipul dɛnsɛf go day.

Jɛrimaya 32:30

Bikɔs na so so ivul Izrɛl in bɔypikin dɛm ɛn Juda in bɔypikin dɛn dɔn du bifo mi fɔrm we dɛn yɔŋ; Izrɛl in bɔypikin dɛm nɔ du natin pas fɔ prɔvok mi mek a vɛks bay wetin dɛn de du wit dɛn yon an. Na so PAPA GƆD se.

Izikɛl 9:6

kil ol man, yɔŋ man, yɔŋ gyal we nɔ no man yet, lili pikin ɛn uman dɛn, bɔt nɔ tɔch ɛni wan we get di mak. Una bigin na mi os.” So dɛn bin bigin wit di bigman dɛn we bin de bifo PAPA GƆD in os.

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?