Jɛrimaya 44:7 - Krio Fɔs Oli Baybul

⁷ Ɛn naw, na dis PAPA GƆD Ɔlmayti we na Izrɛl dɛn Gɔd se: Wetin du una de du dis kayn bad bad tin to unasɛf, fɔ mek una nɔ gɛt mɔ man ɛn uman, yɔŋ bebi ɛn pikin dɛm na Juda we dat go mek nɔbɔdi nɔ lɛf pan una?

Jɛrimaya 44:7 Referans Kwoze

Abakɔk 2:10

Dɛn dɔn mek nɔbɔdi nɔ tek dɛn mek natin igen Dɛn dɔn put dɛnsɛf ɛn dɛn fambul pan shem we dɛn kil bɔku ɔda pipul dɛn. So dɛnsɛf dɔn alaki.

Jɛrimaya 51:22

na una a de tek brok man ɛn uman dɛm pis pis; na una a de tek brok olpa ɛn yɔŋbɔbɔ pis pis; na una a de tek brok yɔŋman ɛn yɔŋgyal dɛm pis pis;

Di Nɔmba Dɛm 16:38

Dɛn man dɛn we pe wit dɛn layf fɔ di tin we dɛn du, na dɛn bin gɛt dɛn pɔt dɛn de fɔ de bɔn insɛns. Dɛn bin dɔn gi PAPA GƆD dɛn pɔt de so di pɔt dɛn oli. Fɔ panɛl bit di pɔt dɛn ɛn fasin dɛn pan di ɔlta, so dat ɔl di Izrɛlayt dɛn go de si ɛn mɛmba wetin bin apin.

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Lamɛnteshɔn 2:11

Kray dɔn mek mi yay taya; mi bɛlɛ de bwɛl; a gɛt tin we de mɔna mi na mi at bikɔs dɛn dɔn nyakanyaka Jerusɛlɛm, bikɔs pikin ɛn bebi dɛn de fent na di trit dɛn na di siti.

Jɛrimaya 44:14

so dat nɔn pan di balans we bin de na Juda we dɔn kam tap na Ijipt nɔ go ɛskep, ɔ liv ɔ tɔn bak go Juda, usay dɛn want fɔ tɔmbak fo go tap; bikɔs dɛn nɔ go go bak, pas sɔm rɛfyuji dɛm.”

Jɛrimaya 9:21

Bikɔs, day dɔn pas na wi winda dɛm, kam insay wi kiŋ os dɛm, i dɔn mek wi pikin nɔ de go na trit ɛn mek di yɔŋbɔy dɛm nɔ de go midul tɔŋ igen

Jɛrimaya 7:19

PAPA GƆD se, “Na mi dɛn de provok? Nɔto dɛnsɛf, fɔ kɔnfyus dɛnsɛf?

Prɔvabs 15:32

Udat de se in nɔ want lan de du insɛf, bɔt yu tek kɔrɛkshɔn de gɛt mɔ sɛns.

Prɔvabs 5:22

Di bad tin we pɔsin de du na trap, ɛn na da vɛri trap de de kech am.

1 Samiɛl 15:3

So naw in di Sɔl fɔ go atak di Amalɛkayt dɛn ɛn dɔnawe wit dɛn kpatakpata. I nɔ fɔ lɛf natin, man, uman, pikin, bebi, kaw, ship, kamɛl, dɔŋki, dɛn ɔl fɔ go.

Di Jɔj Dɛm 21:11

Dɛn tɛl dɛn se dɛn fɔ kil ɔl di man dɛn, ɛn kil ɔl di uman dɛn we nɔto vajin.

Jɔshwa 6:21

Dɛn nyakanyaka Jɛriko bad bad wan. Dɛn chap ɔlman wit dɛn sɔd; man o, uman o, pikin o, kaw o, ship o, dɔŋki o, dɛn nɔ lɛf nɔbɔdi.

Ditarɔnɔmi 32:25

Wa go mek dɛn kil dɛn plɛnti, bad bad pipul dɛn go atak dɛn na dɛn os dɛn. Yɔŋ man ɛn uman dɛn go day yɔŋ bebi dɛn ɛn ol pipul dɛnsɛf go day.

Jɛrimaya 44:8

Wetindu una de provok mi mek a vɛks bay wetin una de du, we una de bɔn insɛns to ɔda gɔd dɛm na Ijipt usay una dɔn kam tap, we go mek nɔbɔdi nɔ want fɔ gɛt ɛnitin fɔ du wit una, ɛn una gɛt swɛ ɛn tɔn provokeshɔn na ɔl di neshɔn dɛm na di wɔl?

Jɛrimaya 42:20

so dat a una nɔ go go astre we una go gɛt fɔ tek una layf pe fɔ. Bikɔs una sɛn mi to PAPA GƆD we na una Gɔd se, ‘Pre fɔ wi to PAPA GƆD we na wi Gɔd ɛn wi go du ɛnitin we PAPA GƆD we na wi Gɔd tɛl wi se, wi fɔ du.’

Jɛrimaya 26:19

Ɛzikaya we na bin kiŋ na Juda ɛn ɔl di pipul dɛm na Juda bin kil am? I nɔ bin fred PAPA GƆD, ɛn beg PAPA GƆD fɔ sɔri fɔ am, ɛn PAPA GƆD nɔ bin rigrɛt ɛn nɔ du wetin i bin dɔn se i go du dɛm? Bɔt wi de rɛdi fɔ briŋ big big wuala pan wisɛf.”

Jɛrimaya 25:7

PAPA GƆD se, pan ɔl dat, una nɔ lisin to mi, so dat una go provok mi mek a vɛks wit wetin una an de du to una yon dɛtrimɛnt.

Prɔvabs 8:36

bɔt udat nɔ fɛn mi nainsɛf i de du; udat nɔ lɛk mi lɛk fɔ day.”

Prɔvabs 1:18

di trap we dɛn sɛt nain de kech dɛn, dɛn de fɔdɔm insay de ɛn day.

1 Samiɛl 22:19

Infakt, i kil ɔl udat de insay Nɔb, dat na bebi o, yɔŋ bɔy ɛn yɔŋgyal o, man ɛn uman o ɛn ɔl dɛn kaw, ship, got ɛn ɛni animal we de de.

Jɛrimaya 3:24

“Bɔt frɔm we una yɔŋ, di shemful biznɛs pwɛl ɔl wetin wi fɔstɛmpapa dɛn dɔn wok fɔ, dɛn ship ɛn dɛn kaw, ɛn dɛn bɔy ɛn gyal pikin dɛm.

Lamɛnteshɔn 2:22

Yu mek we, mek mi ɛnimi dɛn sɔrawnd mi lɛk we dɛn invayt pipul dɛn fɔ kam pati; ɛn di de we na di de we PAPA GƆD vɛks nɔbɔdi nɔ bin ebul balans ɔ sɔvayv; mi ɛnimi dɛn nyakanyaka di wan dɛn we a ple wit ɛn mɛn.

Jɛrimaya 25:6

una nɔ fɔ de biɛn ɔda gɔd dɛm fɔ go sav dɛm ɛn wɔship dɛm, ɔ prɔvok mi mek a vɛks wit wetin una de du. Datɛnde, a nɔ go am una.’

Jɛrimaya 38:17

Nain Jɛrimaya tɛl Zɛdikaya se, Na dis PAPA GƆD Ɔlmayti we na Izrɛl dɛn Gɔd se, If yu sɔrɛnda to di kiŋ na Babilɔn in bigman dɛm, dɛn go spia yu layf ɛn dɛn nɔ go bɔn dis siti wit faya, ɛn yu ɛn ɔlman na yu os nɔ go day.

Izikɛl 9:6

kil ol man, yɔŋ man, yɔŋ gyal we nɔ no man yet, lili pikin ɛn uman dɛn, bɔt nɔ tɔch ɛni wan we get di mak. Una bigin na mi os.” So dɛn bin bigin wit di bigman dɛn we bin de bifo PAPA GƆD in os.