Jɛrimaya 44:6 - Krio Fɔs Oli Baybul

⁶ Fɔseka dat, a bin put mi wamat ɛn mi vɛksteshɔn pan dɛm, ɛn dɛn bin si am na di siti dɛm na Juda ɛn na di trit dɛm na Jerusɛlɛm; ɛn dɛn tɔn west ɛn gud fɔ natin de lɛkɛ tide.

Jɛrimaya 44:6 Referans Kwoze

Jɛrimaya 7:20

PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”

Izikɛl 8:18

Dat go mek a go trit dɛm wit vɛksteshɔn; mi saf yay nɔ go luk dɛnsɛf, ɛn a nɔ go sɔri fɔ dɛm atɔl. I lɛk dɛn ala de kray na mi yes, a nɔ go yɛri dɛm.

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Jɛrimaya 21:5

Na misɛf sɛf go fɛt una wit mi traŋa an we opin, wit vɛksteshɔn ɛn ɔt tɛmpa, ɛn wit bad bad wamat.

Jɛrimaya 7:34

Ɛn a go mek gladi gladi ɛn ɛnjɔymɛnt, ɛn ɔkɔ ɛn yawo vɔys, lɔs na di siti dɛn na Juda ɛn di trit dɛm na Jerusɛlɛm, bikɔs di land nɔ go gud fɔ natin.

Ayzaya 51:20

Yu bɔypikin dɛn dɔn taya, dɛn ledɔm lidɔm na dɛn jɔnkshɔn dɛn na ɔl dɛn trit lɛk fritambo we dɛn kech na trap; dɛn dɔn fil wetin PAPA GƆD kin du we i vɛks, we na yu Gɔd in kɔrɛkshɔn.

Ayzaya 51:17

Gɛda yusɛf, gɛda yusɛf, tinap, yu Jerusɛlɛm, yu we bin dɔn drink na PAPA GƆD in an, di kɔp we in vɛksteshɔn de, yu we dɔn drink te rich di kɛtɛ kɛtɛ na di bol we de mek pɔsin staga.

Ayzaya 6:11

Nain a tɔk se, “E PAPA GƆD aw lɔŋ?” Nain I se, “sote di siti dɛn ɔl lɛf ɛmti ɛn pɔsin dɛn nɔ tap de, ɛn nɔbɔdi nɔ tap na di os dɛm, ɛn nɔbɔdi nɔ tap na di land,

Neum 1:2

PAPA GƆD want wi fɔ lɛk In nɔmɔ bikɔs i jɛlɔs bad; we i vɛks I kin pɔnish in ɛnimi dɛn. We i vɛks fɔ tru, i de dil wit ɔl udat ambɔg am.

Daniɛl 9:12

PAPA GƆD dɔn du wetin i se i go du wɛn wi bigman dɛn we de oba wi, we i briŋ big big wahala kam pan wi; bikɔs wetin bi to Jerusɛlɛm, nɔ bi nɔwe na dis wɔl wande.

Izikɛl 24:13

Di rɔsti na yu dɔti dɔti rudnɛs. Bikɔs a bin fɔ dɔn klin yu, ɛn bikɔs yu nɔ bin klin kɔmɔt pan yu dɔti we yu dɔti, yu nɔ go ɛva klin igen te a dɔn satisfay mi vɛksteshɔn pan yu.

Izikɛl 24:8

A dɔn put di blɔd, we i dɔn shɛd pan di nekɛd rɔk, so dat i nɔ go kɔba ɛn so dat mi fuk fuk go grap fɔ tek rivɛnj.

Izikɛl 20:33

Papa Gɔd we na Gɔd se, wans a de, biliv mi, na wit mi pawaful an, ɛn wit mi an we rɛdi fɔ blo, ɛn na we a de du bad we a vɛks bad bad wan, A go bi kiŋ oba una.

Izikɛl 6:12

Di pɔsin we de fawe, na bad sik go kil am. Di wan we de nia, na wa i go day; di wan we go lɛf we nɔ day, na aŋri go kil am. Na so a go pul mi wamat pan dɛn.

Izikɛl 5:13

“Na so a go ebul fɔ kol mi at fɔ di vɛks we a vɛks. Ɛn a go put mi vɛksteshɔn pan dɛm ɛn satisfay misɛf; ɛn dɛn go no se na mi PAPA GƆD dɔn tɔk, bikɔs ɔf di jɛlɔs we a de jɛlɔs fɔ dɛm, afta mi vɛksteshɔn go dɔn fɔdɔm pan dɛm.

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Jɛrimaya 21:12

Yu Devid in os! Na dis PAPA GƆD se: “kɛri awt jɔstis na mɔnin, ɛn sev pipul dɛn kɔmɔt na di wan dɛn we de sɔprɛs dɛm, dɛn an, in we dɛn dɔn tif, if nɔ so, mi vɛksteshɔn go mit dɛm lɛk faya, ɛn bɔn, we nɔbɔdi nɔ go ebul ɔt am, fɔseka di ivul tin dɛm we una de du.’”

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

Lɛvitikɔs 26:28

dɛn insɛf go mek traŋayes ɛn nɔ lisin to dɛn bikɔs i vɛks bad ɛn nainsɛf go pɔnish dɛn fɔ dɛn sin dɛn.

Lɛvitikɔs 26:31

I go pwɛl dɛn siti dɛn kpatakpata ɛn ɔl di ples dɛn we dɛn kin go wɔship nɔ go fit fɔ go igen ɛn ivin di smɛl we go de kɔmɔt pan dɛn sakrifays dɛn nɔ go mek i gladi.

Ayzaya 1:7

Una kɔntri lɛf ɛmti wan, faya dɔn bɔn di siti dɛm; bifo una yon yay, fɔrina dɛn pwɛl una land; i ɛmti lɛk aw di fɔrina dɛn bin lɛf am.

Jɛrimaya 4:27

Bikɔs na dis PAPA GƆD se, “Di wanol land go lɛf ɛmti bɔt a nɔ go pwɛl am kpatakpata.

Jɛrimaya 7:17

Yu nɔ si wetin dɛn de du na di siti dɛn na Juda ɛn na di trit dɛn na Jerusɛlɛm?

Jɛrimaya 34:22

PAPA GƆD se, A go kɔmand dɛm ɛn briŋ dɛn kam bak na dis siti; ɛn dɛn go fɛt una ɛn kapchɔ am, ɛn bɔn am wit faya. A go mek di siti dɛm na Juda tɔn gud fɔ natin ples, ɛn nɔbɔdi nɔ go tap de.

Lamɛnteshɔn 1:13

“PAPA GƆD sɛn faya kam dɔŋ pan mi we a fil insay mi bon dɛn; i kech mi wit trap; i mek a nɔ ebul go bifo; i mek a jɛs de wanples, wit pen ɔl di tɛm.

Izikɛl 20:34

A go pul una kɔmɔt to di difrɛn difrɛn pipul dɛn, ɛn gɛda una kɔmɔt na di difrɛn difrɛn kɔntri dɛn we una skata wit mi pawaful an, mi an we rɛdi fɔ blo ɛn we a de du bad we a vɛks bad bad wan;

Zɛkaraya 1:2

in bin vɛks wit dɛn fɔstɛm-papa dɛn.

Zɛkaraya 7:14

I se in go mek dɛn skata lɛk we tinada de blo go usay dɛn nɔ no bɔt dɛn. Na so di land we dɛn lɛf tek ɛmti. Da fayn fayn ples de ɛmti so.

Jɛrimaya 8:3

PAPA GƆD Ɔlmayti se, ‘di wan dɛn we go lɛf pan dis ivul famili, go prifa fɔ day dan fɔ liv, na di ples dɛn we a dɔn drɛb dɛm go.’

Jɛrimaya 44:22

PAPA GƆD nɔ bin ebul bia di bad bad tin dɛm ɛn di tin dɛm we i et bad bad wan we una dɔn du; na dat mek una land dɔn tɔn gud fɔ natin, i dɔn gɛt swɛ ɛn nɔbɔdi nɔ tap de, lɛk aw i de lɛkɛ tide.

Lamɛnteshɔn 1:1

Eya, luk we Jerusɛlɛm ɛmti; ples we plɛnti pipul bin de. I dɔn tɔn lɛk uman we in man dɔn day; Ples we di wanol wɔl bin rɛspɛkt! Di siti we dɛn bin es ɔp pas ɔl, dɔn tɔn slev.

Lamɛnteshɔn 5:18

bikɔs ɔlman dɔn kɔmɔt lɛf Mawnt Zayɔn; na wulf dɛn de pas pas de.

Zɛkaraya 1:6

I se bɔt di tɔk we i bin tɛl di prɔfɛt dɛn fɔ tɔk de te naw. Dat mek dɛn beg padin ɛn se aw PAPA GƆD plan fɔ dil wit wi fɔ wetin wi de du, na so i dɔn dil wit wi.