Jɛrimaya 44:5 - Krio Fɔs Oli Baybul

⁵ Bɔt dɛn nɔ lisin ɔ ivin pe atɛnshɔn fɔ mek dɛn go lɛf dɛn bad bad tin dɛn de ɛn nɔ de bɔn insɛns to ɔda gɔd dɛm igen.

Jɛrimaya 44:5 Referans Kwoze

Jɛrimaya 19:13

Di os dɛm na Jerusɛlɛm ɛn di kiŋ dɛm na Juda dɛn os dɛm –ɔl di os dɛn we dɛn bin dɔn bɔn insɛns na dɛn ruf, to di san, mun ɛn sta dɛm, ɛn dɔn tɔn drink ɔfrin dɛm to ɔda gɔd dɛm – da os de go dɔti na mi yay lɛk Tɔfɛt, lɛkɛ dis ples Tɔfɛt.’”

Jɛrimaya 11:10

Dɛn dɔn tɔn bak to dɛn fɔstɛmpapa dɛn we nɔ bin gri yɛri mi wɔd, dɛn sin; dɛn dɔn go fɔ go sav ɔda gɔd dɛm; Izrɛl ɛn Juda dɔn brok mi Kɔvinant we a bin mek wit dɛn fɔstɛmpapa dɛm.

Jɛrimaya 11:8

Stil dɛn nɔ du am ɔ ivin lisin, bɔt dɛn ɔl du di traŋayes tin we dɛn ivul at tɛl dɛn fɔ du. Na dat mek a dɔn tɛl dɛn di kayn pɔnishmɛnt we di Kɔvinant we a bin kɔmand dɛn fɔ obe, bɔt dɛn nɔ bin obe, se dɛn fɔ gɛt

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Ayzaya 48:18

A wish yu bin de obe mi lɔ dɛn! Datɛnde yu kolat bin fɔ tan lɛk riva, ɛn di waka we yu de waka tret na mi yay, go tan lɛk swɛlin na si;

Ayzaya 48:4

Bikɔs a no se yu traŋayes, ɛn yu nɛk na lɛk ayɛn rop ɛn yu fɔrɛd na lɛk bras,

2 Kronikuls 36:16

Bɔt dɛn de mek moko pan PAPA GƆD in mɛsenja dɛm, luk dawn pan in wɔd dɛm, ɛn Shumɔ pan in prɔfɛt dɛm, sote PAPA GƆD in at wam te fuk fuk grap fɔ in pipul dɛn we tɔnin bak nɔ de igen

Jɛrimaya 13:10

Dɛn ivul pipul dɛn ya, we nɔ gri yɛri mi wɔd, we de fala dɛn yon stɔbɔn at de go wɔship ɛn sav ɔda gɔd dɛm, go tan lɛk dis skintayt we nɔ gud igen fɔ natin.

Jɛrimaya 43:4

So Joanan we na Karɛa in bɔypikin ɛn ɔl di kɔmanda dɛm fɔ di difrɛn fɛt man dɛm, ɛn ɔl di pipul dɛm nɔ bin du wetin PAPA GƆD se, dat na fɔ mek dɛn kɔntinyu fɔ tap na Juda.

Daniɛl 9:6

Wi nɔ bin lisin wetin yu wokman dɛn, di prɔfɛt dɛn bin de tɔk wetin yu tɛl dɛn fɔ tɛl wi kiŋ dɛn, wi prins dɛn, ɛn wi papa dɛn, ɛn to ɔl di pipul na di land.

Nɛimaya 9:30

Yu peshɛnt wit dɛn fɔ lɔŋ. Wit yu klin at yu bin de yuz di prɔfɛt dɛn fɔ advays dɛn. Pan ɔl dat, dɛn nɔ yɛri wɔd, so yu an dɛn bak to di neba kɔntri dɛn.

Jɛrimaya 11:13

Bikɔs una gɔd dɛm dɔn bɔku lɛkɛ aw una siti dɛm dɛn bɔku, Yu Juda; ɛn lɛkɛ aw di trit dɛm bɔku na Jerusɛlɛm, na semweso di ɔlta dɛm we una dɔn bil we shemful, dɛnsɛf bɔku; ɔlta dɛn fɔ bɔn insɛns to Beal.

Jɛrimaya 11:17

PAPA GƆD Ɔlmayti, we bin plant una, dɔn swɛ una, fɔseka di ivul tin we Izrɛl ɛn Juda dɔn du, we dɛn provok mi te a vɛks, we dɛn de bɔn insɛns to Beal.”

Ozie 11:2

I se, di mɔ we i de drɔ dɛn to insɛf, na di mɔ dɛn de rɔn kɔmɔt frɔm am; dɛn de fɔ de mek sakrifays to di Beal dɛn; ɛn bɔn insɛns to di gɔd dɛn we dɛn mek.