Jɛrimaya 44:4 - Krio Fɔs Oli Baybul

⁴ Pan ɔl dat, a bin de sɛn mi wokman dɛm we na di prɔfɛt dɛn to una ɔltɛm fɔ tɛl una se, ‘Ey, una nɔ du dis bad bad tin we a et bad bad wan!’

Jɛrimaya 44:4 Referans Kwoze

Jɛrimaya 26:5

ɛn fɔ pe atɛnshɔn to wetin mi wokman dɛn we na di prɔfɛt dɛn we a sɛn to una ɔjɛnt ɔjɛnt wan, ɔldo una nɔ lisin dɛm,

Jɛrimaya 7:25

Frɔm di de we una papa dɛm kɔmɔt Ijipt, te tide, a nɔ de taya fɔ sɛn ɔl mi wokman dɛn we na di prɔfɛt dɛm, to dɛm, de afta de;

Jɛrimaya 7:13

PAPA GƆD se, ɛn rayt naw, bikɔs una dɔn du ɔl dɛn tin ya, ɛn wɛn a bin de tɔk to una ɛn nɔ de blo, una nɔ bin lisin, ɛn wɛn a kɔl una, una nɔ ansa,

Zɛkaraya 7:7

I se aw Jerusɛlɛm bin tan we ɔltin bin ɔrayt fɔ am, we pipul bin tap ɔlsay ɛn biznɛs bin fayn, na wetin i bin dɔn mek di prɔfɛt dɛn tɔk.

Izikɛl 16:47

Pan ɔl dat, una nɔ bin satisfay fɔ du lɛk aw dɛn bin de du, ɔ du di kayn bad tin dɛn we dɛn bin de du we PAPA GƆD nɔ lɛk; bɔt insay smɔl tɛm nɔmɔ, una dɔn kɔrɔpt pas dɛn pan ɔl tin we dɛn de du.

Izikɛl 8:10

So a go insay ɛn a si; ɛn dɛn bin drɔ ɔl kayn tin dɛn we de krip, nasti nasti bist dɛm, ɛn ɔl di Izrɛl pipul dɛn lay lay gɔd dɛm we dɛn de wɔship, rawnd di wɔl.

Jɛrimaya 29:19

PAPA GƆD se, bikɔs dɛn nɔ yɛri mi wɔd we a de sɛn mi wokman dɛn we na di prɔfɛt dɛn, fɔ tɛl dɛn ɔltɛm. Na so PAPA GƆD se.

Jɛrimaya 16:18

Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

2 Kronikuls 36:15

PAPA GƆD we na dɛn Papa fasin fɔ sɛn to dɛm bay in mɛsenja dɛm bikɔs i gɛt sɔri at fɔ in pipul dɛm ɛn in dwɛlin ples.

Pita In Fɔs Lɛta 4:3

Una nɔ wes mɔ tɛm igen. Di tɛm dɔn pas we una bin de du dɛn tin we dɛn pipul we nɔ no Gɔd lɛk fɔ du. Dɛn man ɛn uman bin de du tin we dɛn nɔ fɔ du wit dɛn bɔdi, una bin de fala una at fɔ du dɛn bad tin ya ɛn ɔda bad tin dɛn, una bin de drɔnk, una bin de mek dɛn wayl wayl pati, ɛn dɛn pati we pipul fɔ go drink sote dɛn drɔnk. Una bin de pre to dɛn tin we mɔtalman mek fɔ pre to pan ɔl we di Lɔ se mek una nɔ du dat, ɛn na tin dat we una fɔ shem fɔ du.

Izikɛl 16:36

Na dis PAPA GƆD se: Bikɔs una dɔn opin unasɛf na pɔblik gbara-gbara wan ɛn una bin dɔn pul klos de nekɛd wit una switat dɛn, ɛn fɔseka ɔl una laylay gɔd dɛn, ɛn fɔseka una pikin dɛn blɔd we una gi to dɛn,

Jɛrimaya 35:17

Fɔseka dat na dis PAPA GƆD Ɔlmayti we na Izrɛl dɛn Gɔd se: Biliv mi, a de briŋ ɔl di bad bad tin dɛm pan Juda ɛn Jerusɛlɛm, we a bin dɔn tɔk se go bi to dɛm; bikɔs a tɔk to dɛm bɔt dɛn nɔ lisin, a dɔn kɔl dɛm bɔt dɛn nɔ ansa.

Jɛrimaya 32:33

Dɛn nɔ tɔn dɛn fes to mi, na dɛn bak dɛn tɔn to mi; ɛn ɔlwe a de tich dɛm a nɔ de taya, dɛn nɔ lisin fɔ mek dɛn lan.

Jɛrimaya 32:34

Dɛn put dɛn bad bad tin dɛn we a nɔ lɛk insay di os we dɛn se na fɔ mi, fo dɔti am na mi yay.

Jɛrimaya 32:35

Dɛn bil ples dɛm fɔ wɔship Beal na Inɔm in bɔypikin in vali, fɔ sakrifays dɛn bɔy ɛn gyalpikin dɛm to molɛk, ɔlwe a nɔ kɔmand dɛn fɔ du dat, ɛn dat nɔ kam na mi maynd sɛf, fɔ mek dɛn du da tin we a et bad bad wan, fɔ mek Juda kɔmit sin.

Jɛrimaya 35:15

A dɔn sɛn ɔl mi wokman dɛm we na di prɔfɛt dɛn to una ɛn a de sɛn dɛm ɔltɛm se, ‘Ɔlman fɔ lɛf in ivul we ɛn lɛf wetin una de du, ɛn nɔ de biɛn ɔda gɔd dɛm de sav dɛm, datɛnde una go tap na di land we a gi una ɛn una fɔstɛmpapa dɛm.’ Bɔt una nɔ ivin put una yes lisin to mi.

Daniɛl 9:6

Wi nɔ bin lisin wetin yu wokman dɛn, di prɔfɛt dɛn bin de tɔk wetin yu tɛl dɛn fɔ tɛl wi kiŋ dɛn, wi prins dɛn, ɛn wi papa dɛn, ɛn to ɔl di pipul na di land.

Nɛimaya 9:30

Yu peshɛnt wit dɛn fɔ lɔŋ. Wit yu klin at yu bin de yuz di prɔfɛt dɛn fɔ advays dɛn. Pan ɔl dat, dɛn nɔ yɛri wɔd, so yu an dɛn bak to di neba kɔntri dɛn.

Nɛimaya 9:34

Wi kiŋ dɛn, wi bigman dɛn, dɛn man we de mek sakrifays fɔ wi sin dɛn, wi papa dɛn ɔl nɔ obe yu lɔ. Dɛn nɔn nɔ bin bisin bɔt yu kɔmand ɔ di wɔn we yu bin de wɔn dɛn.

Jɛrimaya 7:17

Yu nɔ si wetin dɛn de du na di siti dɛn na Juda ɛn na di trit dɛn na Jerusɛlɛm?

Jɛrimaya 7:18

Di pikin dɛm de gɛda wud, di papa dɛn de layt faya, ɛn di uman dɛn de miks flawa mek do, fɔ mek kek fɔ di kwin ɔf ɛvin, ɛn de tɔn drink na grɔn de mek sakrifays to ɔda gɔd dɛm, fɔ provok mi mek a a go vɛks.

Izikɛl 18:31

Una pul an kɔmɔt pan ɔl dɛn bad bad tin dɛn we una dɔn du to mi, mek una go gɛt nyu at ɛn nyu spirit! Wetin fɔ mek una day, Una Izrɛl?