Jɛrimaya 44:25 - Krio Fɔs Oli Baybul

²⁵ Na dis PAPA GƆD Ɔlmayti we na Izrɛl dɛn Gɔd se: Una ɛn una wɛf dɛm dɔn tɔk wit una yon mɔt dɛn, ɛn una dɔn du am wit una yon an dɛm we una se, ‘Wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am.’ So una kip to una prɔmis ɛn du wetin una prɔmis!

Jɛrimaya 44:25 Referans Kwoze

Matyu 14:9

Di kiŋ bin sɔri bad, bɔt bikɔs i bin dɔn swɛ bifo ɔlman, i tɛl dɛn fɔ gi di gyal pikin, Jɔn in ed.

Jud In Lɛta 1:13

Dɛn disgres de sho lɛkɛ frɔsh we de lɛf biɛn wɛn dɛn big swɛlin fɔdɔm na sho; dɛn tan lɛkɛ dɛn big sta we nɔ de sidɔm na wan ples na di klawd, Gɔd dɔn kip dak dak ples fɔ put dɛn pipul ya sote go.

Izikɛl 20:39

“As fɔ una, una Izrɛl, na dis Papa Gɔd we na Gɔd se: if una nɔ de lisin to mi, lɛ ɔlman go sav in laylay gɔd frɔm naw sote go, bɔt una nɔ go ebul fityay mi nem igen wit una prɛzɛnt dɛn ɛn laylay gɔd dɛm.

Ayzaya 28:15

Bɔkɔs una dɔn tɔk se, “wi dɔn mek Kɔvinant wit day, ɛn wi gɛt agrimɛnt wit Ɛl; we di pasmak pɔnishmɛnt go de pas na ya i nɔ go mit wi; bikɔs na lay wi abop pan fɔ kɔba wi ɛn nainsay bɛn bɛn wi dɔn ayd”;

Job 34:22

Nɔn kayn dak ples nɔ de we bad bad pipul dɛn go ayd dɛnsɛf.

Jɛrimaya 32:29

Di Babilonian dɛm we de fɛt dis siti go kam sɛt faya pan am, ɛn bɔn am, wit di os dɛm we dɛn dɔn bɔn insɛns na dɛn ruf to Beal, ɛn dɛn dɔn mek drink ɔfrin to ɔda gɔd dɛm, fɔr provok mi mek a vɛks.