Jɛrimaya 44:23 - Krio Fɔs Oli Baybul

²³ Na bikɔs una bɔn insɛns, ɛn bikɔs una kɔmit sin to PAPA GƆD, ɛn nɔ du wetin PAPA GƆD se, ɔ obe in lɔ dɛm, in ɔda ɛn in kɔmandmɛnt dɛm, mek dis bad bad tin dɔn apin to una de lɛkɛ tide.”

Jɛrimaya 44:23 Referans Kwoze

1 Kiŋ 9:9

Pipul dɛn go de tɔk se na we una tɔn pan PAPA GƆD we na una PAPA GƆD we pul una papa dɛn kɔmɔt na Ijipt, dɔn una bigin wɔship ɔda gɔd dɛn, na ɔl dat mek i put disgres ɛn trɔbul pan una.”

Di Sam Dɛm 119:150

Dɛn wan dɛn we jɛs de fɔ plan bad de nia mi bɔt dɛn nɔ bisin bɔt wetin yu se.

Nɛimaya 13:18

A se “Una go se una nɔ no se na pwɛl una de pwɛl di de? Noto dis sem kayn we una fɔstɛm pipul dɛn biev we mek PAPA GƆD mek wi de pan prɔblɛm naw? Wi ɛn wi siti? Naw unasɛf want PAPA GƆD fɔ vɛks pan wi we una de pwɛl di de we mek sɛvin we fɔ blo.”

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

1 Kɔrint 10:20

Dɛn nɔto ɛni bɛtɛ tin. A de tɛl una se wetin dɛn dɔn sakrifays to dɛn tin we mɔtalman mek fɔ pre to, na dɛbul dɛn de gi, nɔto Gɔd, ɛn a nɔ want mek una jɔyn wit dɛbul.

Lamɛnteshɔn 1:8

Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Jɛrimaya 44:21

“As fɔ di insɛns dɛn we una dɔn bɔn na di siti dɛn na Juda, ɛn na di trit dɛm na Jerusɛlɛm, una ɛn una fɔstɛmpapa dɛm, una kiŋ dɛm ɛn una bigman dɛm ɛn di pipul dɛn na di land, PAPA GƆD nɔ mɛmba dat? I nɔ bin kam to in maynd?

Jɛrimaya 44:18

Bɔt frɔm we wi lɛf fɔ bɔn insɛns to di Kwin na ɛvin ɛn lɛf fɔ tamisilɛ to am, naim wi nɔ de gɛt natin igen, ɛn wi bigin day na wa ɛn wit bad bad aŋri.”

Jɛrimaya 44:8

Wetindu una de provok mi mek a vɛks bay wetin una de du, we una de bɔn insɛns to ɔda gɔd dɛm na Ijipt usay una dɔn kam tap, we go mek nɔbɔdi nɔ want fɔ gɛt ɛnitin fɔ du wit una, ɛn una gɛt swɛ ɛn tɔn provokeshɔn na ɔl di neshɔn dɛm na di wɔl?

Jɛrimaya 40:3

na PAPA GƆD mek i bi, ɛn na wetin I bin se I go du, I du. Na bikɔs una kɔmit sin to PAPA GƆD, ɛn nɔ du wetin I se, mek dɛn tin ya apin to una.

Di Sam Dɛm 119:155

I go at fɔ mek yu sev di bad man, bikɔs i nɔ bisin bɔt yu lɔ dɛn.

Di Sam Dɛm 78:56

Bɔt dɛn tray PAPA GƆD bak ɛn mek rebɛl pan PAPA GƆD Ɔlmayti; dɛn nɔ gri fɔ obe in lɔ.

2 Kronikuls 36:16

Bɔt dɛn de mek moko pan PAPA GƆD in mɛsenja dɛm, luk dawn pan in wɔd dɛm, ɛn Shumɔ pan in prɔfɛt dɛm, sote PAPA GƆD in at wam te fuk fuk grap fɔ in pipul dɛn we tɔnin bak nɔ de igen

Di Sam Dɛm 78:10

Dɛn Ifremayt sojaman dɛn ya nɔ bin kip PAPA GƆD in Kɔvinant ɛn dɛn nɔ bin gri fɔ obe in lɔ.

Di Sam Dɛm 119:136

Wata kin kɔmɔt na mi yay we a si aw pipul de disobe yu lɔ dɛn.

Jɛrimaya 26:4

Yu go tɛl dɛm se, ‘Na dis PAPA GƆD se: If una nɔ gri lisin to mi, ɛn du wetin mi lɔ dɛn we a gi una, se,

Jɛrimaya 44:2

PAPA GƆD in wɔd we bin kam to Jɛrimaya bɔt ɔl di Ju dɛm we bin “Na dis PAPA GƆD Ɔlmayti we na Izrɛl dɛn Gɔd se: Una dɔn si ɔl di bad bad tin dɛn we a du to Jerusɛlɛm ɛn to ɔl di siti dɛm na Juda. Luk dɛm de lɛk tide, dɛn nɔ gud fɔ natin, ɛn nɔbɔdi nɔ tap de,

Jɛrimaya 44:3

fɔseka di wikɛd tin dɛm we dɛn du, tin dɛn we mek a vɛks, dat na we dɛn bin de bɔn insɛns ɛn sav ɔda gɔd dɛm we dɛn, una ɛn ivin una fɔstɛmpapa dɛm nɔ no.

Jɛrimaya 44:10

Dɛn nɔ put dɛnsɛf dɔŋ te tide, ɛn dɛn nɔ rɛspɛkt mi, ɛn nɔ du wetin mi lɔ we a gi una ɛn una fɔstɛmpapa dɛn, se.

2 Kiŋ 17:15

Dɛn nɔ gri fɔ du wetin PAPA GƆD se, ɛn nɔ kip di Kɔvinant we i sayn wit dɛn fɔstɛm-papa dɛn; bifo dat dɛn bigin de wɔship lay lay gɔd dɛn we nɔ min natin ɛn na so dɛnsɛf kam fiba mɔtalman dɛn we nɔ fit natin. Dɛn falamakata dɛn ɔda neshɔn dɛn we PAPA GƆD bin dɔn wɔn dɛn bɔt, ɛn du wetin PAPA GƆD tɛl dɛn nɔ fɔ du.

Daniɛl 9:13

As i rayt na Mozis in lɔ, na so ɔl dis wahala dɔn mit wi. Pan ɔl dat, wi nɔ tɛl PAPA GƆD tɛnki fɔ di sɔri we PAPA GƆD we na wi Gɔd sɔri fɔ wi.