Jɛrimaya 44:22 - Krio Fɔs Oli Baybul

²² PAPA GƆD nɔ bin ebul bia di bad bad tin dɛm ɛn di tin dɛm we i et bad bad wan we una dɔn du; na dat mek una land dɔn tɔn gud fɔ natin, i dɔn gɛt swɛ ɛn nɔbɔdi nɔ tap de, lɛk aw i de lɛkɛ tide.

Jɛrimaya 44:22 Referans Kwoze

Jɛrimaya 25:18

Jerusɛlɛm ɛn di siti dɛn na Juda, in kiŋ dɛm ɛn bigman dɛm, fɔ mek dɛm gud fɔ natin ɛn ɛmti, ples fɔ sɔktit ɛn ples we gɛt swɛ te tide;

Malakay 2:17

Dɛn dɔn mek PAPA GƆD taya wit bɔku tɔk, bɔt dɛn de aks se aw dɛn mek i taya. We dɛn de se, if pɔsin du bad sɛf, na gud to PAPA GƆD ɛn i de gladi fɔ am ɛn we dɛn de fil se i nɔ go du dɛn natin.

Jɛrimaya 44:12

A go kech di balans wan dɛm we lɛf na Juda we dɛnsɛf de mekɔp fɔ go Ijipt, ɛn dɛn ɔl go day; na Ijipt dɛn go day; dɛn go day na wa ɔ wit bad bad aŋri; frɔm di las wan to di wan we gɛt pawa pas dɛn ɔl, go day na wa ɛn wit bad bad aŋri; dɛn go tɔn tin we at fɔ luk, pipul dɛn go trit dɛn lɛk dɔg ɛn go tek dɛn nem fɔ swɛ ɛn go provok dɛm.

Jɛrimaya 25:38

I dɔn rɔnawe kɔmɔt nain kev lɛkɛ layɔn bikɔs dɛn land dɔn tɔn gud fɔ natin bikɔs ɔf di ɔprɛsɔ in sɔd, ɛn fɔseka in bad bad veksteshɔn.”

Jɛrimaya 25:11

Dis wanol land go tɔn to broko broko ɛn gud fɔ natin ples, ɛn dɛn neshɔn dɛn ya go sav di kiŋ na Babilɔn fɔ sɛvinti ia.

Jɛrimaya 18:16

ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.

Ayzaya 43:24

Una nɔ bay insɛns fɔ mi wit mɔni, ɔ satisfay mi wit di fat pan una sakrifays dɛn. Bɔt una dɔn pak una sin dɛn pan mi, ɛn una dɔn mek a dɔn taya wit di sin dɛn we una de kɔmit.

Ayzaya 7:13

Nain i se, “Una lisin o, una we de na Devid in os. Di ambɔg we una de ambɔg mɔtalman nɔ du, pas una go ambɔg mi Gɔd insɛf?

Lɛta Fɔ Rom 9:22

Na so Gɔd in wok tan. Gɔd bin want sho pipul aw i vɛks ɛn di pawa we i gɛt. Bɔt i bia wit dɛn pipul we bin fit fɔ go na ɛl, we i bin fɔ jɔj bikɔs i bin vɛks pan dɛn.

Emɔs 2:13

Fɔseka wetin una de du, a go mas una lɛk aw ɔmɔlanke we lod bad bad wande mas dɔti.

Daniɛl 9:12

PAPA GƆD dɔn du wetin i se i go du wɛn wi bigman dɛn we de oba wi, we i briŋ big big wahala kam pan wi; bikɔs wetin bi to Jerusɛlɛm, nɔ bi nɔwe na dis wɔl wande.

Izikɛl 5:13

“Na so a go ebul fɔ kol mi at fɔ di vɛks we a vɛks. Ɛn a go put mi vɛksteshɔn pan dɛm ɛn satisfay misɛf; ɛn dɛn go no se na mi PAPA GƆD dɔn tɔk, bikɔs ɔf di jɛlɔs we a de jɛlɔs fɔ dɛm, afta mi vɛksteshɔn go dɔn fɔdɔm pan dɛm.

Jɛrimaya 44:6

Fɔseka dat, a bin put mi wamat ɛn mi vɛksteshɔn pan dɛm, ɛn dɛn bin si am na di siti dɛm na Juda ɛn na di trit dɛm na Jerusɛlɛm; ɛn dɛn tɔn west ɛn gud fɔ natin de lɛkɛ tide.

Jɛrimaya 44:2

PAPA GƆD in wɔd we bin kam to Jɛrimaya bɔt ɔl di Ju dɛm we bin “Na dis PAPA GƆD Ɔlmayti we na Izrɛl dɛn Gɔd se: Una dɔn si ɔl di bad bad tin dɛn we a du to Jerusɛlɛm ɛn to ɔl di siti dɛm na Juda. Luk dɛm de lɛk tide, dɛn nɔ gud fɔ natin, ɛn nɔbɔdi nɔ tap de,

Jɛrimaya 29:19

PAPA GƆD se, bikɔs dɛn nɔ yɛri mi wɔd we a de sɛn mi wokman dɛn we na di prɔfɛt dɛn, fɔ tɛl dɛn ɔltɛm. Na so PAPA GƆD se.

Jɛrimaya 26:6

A go mek dis Tɛmpul tan lɛk Shilo, ɛn a go mek ɔlman na wɔl yuz dis siti in nem fɔ de swɛ.’”

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Jɛrimaya 15:6

PAPA GƆD se, yu bin dɔn tɔn yu bak pan mi, ɛn yu bin jɛs de go biɛn; so a tek akshɔn agens yu ɛn nyakanyaka yu; – A nɔ go ebul sɔri fɔ una igen

Ayzaya 1:24

Fɔseka dat PAPA GƆD se, PAPA GƆD Ɔlmayti, di wan we de ay pas ɔlman na Izrɛl: “E! A go lus mi tɛmpa pan mi ɛnimi dɛn ɛn a go pe mi ɛnimi dɛn bak.

Jɛnɛsis 19:13

bikɔs dɛn de kam pwɛl di siti kpatakpata. Dɛn se PAPA GƆD dɔn yɛri bɔt di bad bad tin dɛn we di pipul dɛn na di siti de du, ɛn i dɔn sɛn dɛn fɔ kam pwɛl di siti.

Jɛnɛsis 6:3

Na dat mek PAPA GƆD se, “Mi Spirit nɔ go de wit mɔtalman sote go as dɛn na ɔdinari mɔtalman; as frɔm tide dɛn nɔ go de pas wan ɔndrɛd ɛn twɛnti ia.”

Jɛrimaya 4:4

Una sakɔmsayz unasɛf to PAPA GƆD, una pul di fɔs kanda we de ɔntɔp una at, Una di man dɛn na Juda ɛn una we tap na Jerusɛlɛm; if nɔto so, mi vɛksteshɔn go kɔmɔt lɛkɛ faya ɛn bɔn, we nɔbɔdi nɔ go ebul ɔt am, bikɔs ɔf di ivul we de pan di tin dɛn we una de du.”

Jɛrimaya 21:12

Yu Devid in os! Na dis PAPA GƆD se: “kɛri awt jɔstis na mɔnin, ɛn sev pipul dɛn kɔmɔt na di wan dɛn we de sɔprɛs dɛm, dɛn an, in we dɛn dɔn tif, if nɔ so, mi vɛksteshɔn go mit dɛm lɛk faya, ɛn bɔn, we nɔbɔdi nɔ go ebul ɔt am, fɔseka di ivul tin dɛm we una de du.’”

Jɛrimaya 23:2

Fɔseka dat, na dis PAPA GƆD we na Izrɛl dɛn Gɔd se bɔt dɛn shɛpad dɛm we de kia fɔ mi pipul dɛm: “Una dɔn skata mi ship dɛm, ɛn una dɔn drɛb dɛm go, ɛn una nɔ atɛnd to dɛm. A de tɛl una, a go atɛnd to una fɔ di ivul tin dɛn we una du, na so PAPA GƆD se.

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Jɛrimaya 34:22

PAPA GƆD se, A go kɔmand dɛm ɛn briŋ dɛn kam bak na dis siti; ɛn dɛn go fɛt una ɛn kapchɔ am, ɛn bɔn am wit faya. A go mek di siti dɛm na Juda tɔn gud fɔ natin ples, ɛn nɔbɔdi nɔ go tap de.

Jɛrimaya 42:18

“Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Jɛrimaya 48:9

“If yu gi Moab chans, i go rɔnawe; in siti dɛm go tɔn gud fɔ natin, ɛn nɔbɔdi nɔ go tap de.

Izikɛl 39:23

Ɛn di neshɔn dɛn go no se di Izrɛl pipul dɛn bin go bi prizina dɛm fɔseka di wikɛd tin dɛn we dɛn bin de du ɛn bikɔs dɛn bin so biev fɔls wan wit mi dat a bin ayd mi fes pan dɛm, ɛn a gi dɛm to dɛn ɛnimi dɛn an ɛn dɛn ɔl bin fɔdɔm bay di sɔd.

2 Kiŋ 17:15

Dɛn nɔ gri fɔ du wetin PAPA GƆD se, ɛn nɔ kip di Kɔvinant we i sayn wit dɛn fɔstɛm-papa dɛn; bifo dat dɛn bigin de wɔship lay lay gɔd dɛn we nɔ min natin ɛn na so dɛnsɛf kam fiba mɔtalman dɛn we nɔ fit natin. Dɛn falamakata dɛn ɔda neshɔn dɛn we PAPA GƆD bin dɔn wɔn dɛn bɔt, ɛn du wetin PAPA GƆD tɛl dɛn nɔ fɔ du.

Jɛrimaya 5:9

PAPA GƆD se, “A nɔ fɔ pɔnish dɛm fɔ dɛn kayn tin dɛn de? Ɛn a nɔ fɔ rivɛnj fɔ mi nem pan kayn neshɔn lɛkɛ dis?

Daniɛl 9:11

Di wanol Izrɛl dɔn disobe yu ɛn tɔn wi bak, ɛn nɔ gri fɔ du wetin yu se. Di swɛ dɛn ɛn di wanwɔd we wi mek fɔ du wetin rayt insay Mozis in lɔ we na PAPA GƆD in wokman, dɔn fɔdɔm pan wi, bikɔs wi dɔn kɔmit sin to yu.