Jɛrimaya 44:17 - Krio Fɔs Oli Baybul

¹⁷ Bɔt wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am, lɛkɛ aw wi bin dɔn de du, wi ɛn wi fɔstɛmpapa dɛm, wi kiŋ dɛm ɛn wi bigman dɛm, na di siti dɛn na Juda ɛn na di trit dɛm na Jerusɛlɛm; bikɔs dɛn tɛm dɛn de, wi bin gɛt plɛnti it, ɛn bɛtɛ bin de fala wi ɛn nɔn bad tin nɔ bin de apin to wi.

Jɛrimaya 44:17 Referans Kwoze

Jɛrimaya 7:18

Di pikin dɛm de gɛda wud, di papa dɛn de layt faya, ɛn di uman dɛn de miks flawa mek do, fɔ mek kek fɔ di kwin ɔf ɛvin, ɛn de tɔn drink na grɔn de mek sakrifays to ɔda gɔd dɛm, fɔ provok mi mek a a go vɛks.

Nɛimaya 9:34

Wi kiŋ dɛn, wi bigman dɛn, dɛn man we de mek sakrifays fɔ wi sin dɛn, wi papa dɛn ɔl nɔ obe yu lɔ. Dɛn nɔn nɔ bin bisin bɔt yu kɔmand ɔ di wɔn we yu bin de wɔn dɛn.

Izikɛl 20:8

Bɔt dɛn bin tɔn dɛn bak pan mi ɛn nɔ gri lisin to mi; dɛn ɔl nɔ bin gri trowe di tin dɛn we a et bad bad wan we dɛn at bin de pan, ɛn dɛn nɔ bin gri kɔmɔt biɛn Ijipt dɛn laylay gɔd dɛn. Dɛn a bin tink se a fɔ put mi vɛksteshɔn pan dɛn ɛn put mi krɔs pan dɛn na Ijipt.

Ditarɔnɔmi 23:23

I advays dɛn fɔ du ɛnitin we dɛn dɔn opin dɛn mɔt swɛ to PAPA GƆD we na dɛn PAPA GƆD se, dɛn go gi ɔ du.

Ɛksodɔs 16:3

i bin fɔ bɛtɛ fɔ dɛn if PAPA GƆD bin dɔn mek dɛn day na Ijipt bikɔs dɛn bin fɔ de it bɛlful, dan fɔ kam mek dɛn day wit aŋri na di di ɛmti ples we pɔsin nɔ go ebul tap na.

Lɛta Fɔ Filipay 3:19

Bɔt dɛn pipul ya go go na ɛl, bikɔs dɛn tek ɔl wetin dɛn want fɔ dɛnsɛf tɔn dɛn to dɛn yon gɔd; ɛn dɛn tin we fɔ mek dɛn shem, nain dɛn de gladi fɔ. Dɛn put ɔl dɛn at pan dɛn tin we de na dis wɔl.

Jɛrimaya 44:25

Na dis PAPA GƆD Ɔlmayti we na Izrɛl dɛn Gɔd se: Una ɛn una wɛf dɛm dɔn tɔk wit una yon mɔt dɛn, ɛn una dɔn du am wit una yon an dɛm we una se, ‘Wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am.’ So una kip to una prɔmis ɛn du wetin una prɔmis!

Jɛrimaya 44:21

“As fɔ di insɛns dɛn we una dɔn bɔn na di siti dɛn na Juda, ɛn na di trit dɛm na Jerusɛlɛm, una ɛn una fɔstɛmpapa dɛm, una kiŋ dɛm ɛn una bigman dɛm ɛn di pipul dɛn na di land, PAPA GƆD nɔ mɛmba dat? I nɔ bin kam to in maynd?

Jɛrimaya 19:13

Di os dɛm na Jerusɛlɛm ɛn di kiŋ dɛm na Juda dɛn os dɛm –ɔl di os dɛn we dɛn bin dɔn bɔn insɛns na dɛn ruf, to di san, mun ɛn sta dɛm, ɛn dɔn tɔn drink ɔfrin dɛm to ɔda gɔd dɛm – da os de go dɔti na mi yay lɛk Tɔfɛt, lɛkɛ dis ples Tɔfɛt.’”

2 Kiŋ 17:16

Dɛn lɛf fɔ du wetin PAPA GƆD tɛl dɛn fɔ du, bifo dat dɛn mek tu kaw lay lay gɔd ɛn wan ɔda wan lay lay gɔd we nem Ashɛra. Dɛn bigin fɔ wɔship ɔl dɛn lay lay gɔd ya ɛn dɛn sta wit Beal insɛf, dɛn se na dɛn gɔd dat.

Di Jɔj Dɛm 11:36

Jɛftha in gyal pikin tɛl am se if i bin dɔn swɛ to PAPA GƆD fɔ am, lɛ i du am wetin i bin dɔn prɔmis PAPA GƆD se i go du, bikɔs PAPA GƆD dɔn mek dɛn dɔn bit dɛn ɛnimi dɛn we na di Amonayt dɛn.

Di Nɔmba Dɛm 30:12

If we di man yɛri, i put in fut dɔŋ ɛn se na magomago de kech am ɛn so in nɔ wan no, i nɔ go kip in prɔmis ɛn PAPA GƆD nɔ go mak di uman fɔ dat.

Pita In Fɔs Lɛta 1:18

Unasɛf no se nɔto tin lɛkɛ silva ɛn gold we de pwɛl, dɛn tek pe fɔ pul una kɔmɔt pan di yuslɛs layf we una grampapa papa dɛn bin liv ɛn we unasɛf bin liv;

Mak 6:26

Di kiŋ in at pwɛl, bɔt i nɔ bin want fɔ brok di prɔmis we i bin dɔn mek, bikɔs i bin dɔn swɛ ɛn di pipul dɛn na di pati bin dɔn yɛri wetin i tɔk.

Jɛrimaya 44:9

Una dɔn fɔgɛt una fɔstɛmpapa dɛn wikɛdnɛs, di kiŋ dɛn na Juda dɛn wikɛdnɛs, dɛn wɛf dɛn wikɛdnɛs, una sɛf yon wikɛdnɛs ɛn una wɛf dɛn wikɛdnɛs we dɛn du na Juda ɛn na di trit dɛm na Jerusɛlɛm?

Ayzaya 48:5

A bin dɔn tɛl yu lɔlɔntɛm, bifo dɛn apin, a bin anawns dɛn to yu, bambay yu go se, ‘Na mi laylay gɔd dɛm, na mi bod laylay gɔd ɛn mi ayɛn laylay gɔd du dɛm.’

Di Sam Dɛm 106:6

Wi, lɛkɛ wi fɔstɛm pipul dɔn du bad; wi riali dɔn rɔŋ yu ɛn wi gilti.

Di Sam Dɛm 12:4

Ɔl dɛn wan we de blɔf se na dɛn sabi tɔk de mek dɛn gɛt wetin dɛn want; dɛn se nɔbɔdi nɔ fɔ tɛl dɛn wetin fɔ du.

2 Kiŋ 22:17

I se PAPA GƆD se bikɔs dɛn dɔn tɔn dɛn bak pan am ɛn bɔn insɛns to ɔda gɔd dɛn we na mɔtalman mek dɛn, in go vɛks pan dɛn ɛn da vɛks de nɔ go dɔn.

Di Nɔmba Dɛm 30:2

I se PAPA GƆD se wɛn ɛni man de mek prɔmis to PAPA GƆD ɔ wɛn ɛni man de swɛ ɔ mek plɛj fɔ se in go du sɔntin, i fɔ kip in wɔd ɛn du ɔltin we i se i go du.

2 Kronikuls 28:23

Bikɔs i mek sakrifays to di gɔd dɛm na Damaskɔs we bin bit am na wa, ɛn de se “Bikɔs di kiŋ dɛn na Siria dɛn gɔd dɛm bin ɛp dɛm, so go mek sakrifays to dɛm mek dɛn go ɛp misɛf.” Bɔt na dɛn nain dawnfɔl, in ɛn di wanol Izrɛl.

Jɛrimaya 1:16

Ɛn a go pas mi jɔjmɛnt agens dɛm, fɔ ɔl dɛn wikɛdnɛs we dɛn fɔseka mi; dɛn dɔn bɔn insɛns to dɛn ɔda gɔd dɛm, ɛn wɔship di tin dɛn we dɛn mek wit dɛn yon an.

Jɛrimaya 11:12

Da tɛm de, di siti dɛm na Juda ɛn di wan dɛm we tap na Jerusɛlɛm, go go ɛn kray to di gɔd dɛm we dɛn bin de bɔn insɛns to, bɔt dɛn nɔ go ebul sev dɛm we trɔbul mit dɛm.

Jɛrimaya 18:15

Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,

Izikɛl 8:16

Nain i bin briŋ mi kam na di kɔtyad we de insay PAPA GƆD in os; we go rich di domɔt na PAPA GƆD in os, we de bitwin di pɔch ɛn di ɔlta, usay bɔt sɔm twɛnti-fayv man we tɔn dɛn bak gi PAPA GƆD in os, de luk na di ist de wɔship di san.

Izikɛl 20:32

“Wetin de na una maynd nɔ go ɛva bi - dat na we una kin tink se, “lɛ wi tan lɛk di neshɔn dɛm. Lɛ wi tan lɛk di fambul dɛn we de na dɛn ɔda kɔntri dɛn, ɛn wɔship bod ɛn ston!

Izikɛl 23:41

Ɛn yu bin sidɔm pan wan ɔfishal kawch, we bin gɛt tebul, we prɛd wit fayn fayn tebul klos, ɛn na de yu bin dɔn put mi insɛns ɛn mi ɔyl.

Abakɔk 1:16

We di Babilonian dɛn dɔn kech dɛn lɛk fish, dɛn kin mek sakrifays to dɛn nɛt dɛn, ɛn bɔn insɛns to di uk, bikɔs na di nɛt dɛn de mek dɛn liv gud, ɛn it gud it.

Jɛrimaya 7:17

Yu nɔ si wetin dɛn de du na di siti dɛn na Juda ɛn na di trit dɛn na Jerusɛlɛm?