Biblia Todo Logo
Bib sou entènèt

- Piblisite -




Jɛrimaya 44:12 - Krio Fɔs Oli Baybul

12 A go kech di balans wan dɛm we lɛf na Juda we dɛnsɛf de mekɔp fɔ go Ijipt, ɛn dɛn ɔl go day; na Ijipt dɛn go day; dɛn go day na wa ɔ wit bad bad aŋri; frɔm di las wan to di wan we gɛt pawa pas dɛn ɔl, go day na wa ɛn wit bad bad aŋri; dɛn go tɔn tin we at fɔ luk, pipul dɛn go trit dɛn lɛk dɔg ɛn go tek dɛn nem fɔ swɛ ɛn go provok dɛm.

Gade chapit la Kopi




Jɛrimaya 44:12
18 Referans Kwoze  

So una no naw se tabi tabi nɔ de, una go day na wa, una go day wit bad bad aŋri, ɛn wit siknɛs na di ples we una at de gi una fɔ go tap.”


Una nem go lɛf to mi pipul we a dɔn pik, fɔ tek kɔs pɔsin, ɛn Papa Gɔd we na Gɔd go kil una; bɔt I go kɔl in wokman dɛn difrɛn nem.


Na bikɔs di pipul nɔ no in we na dat mek PAPA GƆD mek dɛn de sɔfa so. I se dɛn dɔn tɔn dɛn bak pan am so insɛf dɔn lɛf di man dɛn we de mek sakrifays fɔ pipul sin to dɛnsɛf. Ɛn bikɔs dɛn nɔ bisin bɔt PAPA GƆD in lɔ dɛn, insɛf nɔ bisin bɔt dɛn.


Fɔseka dɛn, ɔl di wan dɛn we kɔmɔt ɛgzayl na Juda we de Babilɔn go de swɛ dis swɛ: “Lɛ PAPA GƆD mek yu tan lɛk Zɛdikaya ɛn Eab, we di kiŋ na Babilɔn bin ros na faya,”


A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,


ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.


Bɔt dɛn go nyakanyaka di rebɛl ɛn di sina dɛn togɛda, ɛn i go kil dɛn wan we tɔn dɛn bak pan Gɔd.


If di uman dɔn mek ɔda man tɔch am apat frɔm in mared man, wɛn i drink di wata we gɛt di swɛ, in bɛlɛ go at am dɔn i go bigin sɔfa. I nɔ go ɛva bɔn ɛn ɛni bɛlɛ we i gɛt go wes dɔn in pipul dɛn nɔ go wan natin fɔ du wit am.


Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.


A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.


A go mek dis Tɛmpul tan lɛk Shilo, ɛn a go mek ɔlman na wɔl yuz dis siti in nem fɔ de swɛ.’”


Ɔl di kɔmanda dɛm fɔ di difrɛn fɛtman dɛm ɛn Joanan we na Karɛn in bɔypikin, ɛn Azaraya we na Oshaya in bɔypikin, ɛn ɔl di pipul dɛm, frɔm di list wan to di wan we pas dɛn ɔl, kam nia


PAPA GƆD nɔ bin ebul bia di bad bad tin dɛm ɛn di tin dɛm we i et bad bad wan we una dɔn du; na dat mek una land dɔn tɔn gud fɔ natin, i dɔn gɛt swɛ ɛn nɔbɔdi nɔ tap de, lɛk aw i de lɛkɛ tide.


I se pipul bin de yus dɛn nem we dɛn de swɛ ɔda pipul, bɔt naw na dɛn sem pipul de go yus nem fɔ blɛs pipul dɛn bikɔs in go sev dɛn ɛn i go mek pipul de kɔl Juda ɛn Izrɛl dɛn nem we dɛn wan blɛs ɔda pipul. I se, mek dɛn nɔ fred, lɛ dɛn pik ɔp zil nɔmɔ.


I go kam kapchɔ Ijipt, ɛn i go gi siknɛs to di wan dɛn we fɔ day wit siknɛs, i go mek slev wit di wan dɛn we fɔ bi slev, ɛn go mek wa pan di wan dɛm we fɔ day na wa.


If dɛn go na Asiria, Ijipt go fala dɛn go gɛda dɛn de dɔn dɛn go bɛr dɛn na Mɛmfis. Da tɛm de na soso chukchuk go de pan dɛn silva ɛn insay dɛn tɛnt dɛn.


Swiv nou:

Piblisite


Piblisite