Jɛrimaya 44:10 - Krio Fɔs Oli Baybul

¹⁰ Dɛn nɔ put dɛnsɛf dɔŋ te tide, ɛn dɛn nɔ rɛspɛkt mi, ɛn nɔ du wetin mi lɔ we a gi una ɛn una fɔstɛmpapa dɛn, se.

Jɛrimaya 44:10 Referans Kwoze

Prɔvabs 28:14

I go fayn fɔ di pɔsin we de fred ɛn rɛspɛkt PAPA GƆD, bɔt udat mek traŋayes go alaki.

Rɛvɛleshɔn 15:4

Masta, udat de we nɔ go fred yu? Udat nɔ go gri fɔ tɛl ɔda pipul bɔt yu pawa? Na yu wangren na Gɔd. Ɔl dɛn pipul na ɔl dɛn neshɔn go kam fɔdɔm bifo yu ɛn prez yu, bikɔs ɔlman dɔn si se di jɔj we yu de jɔj, gud.”

Pita In Fɔs Lɛta 5:6

Una nɔ fɔ prawd, una fɔ mek Gɔd we gɛt pawa kɔntrol una ɛn i go mek pipul rɛspɛkt una wɛn di tɛm we i dɔn mak, rich.

Jɛrimaya 8:12

Dɛn bin shem wɛn bin de du di tin dɛn we a nɔ lɛk? Nɔ, dɛn nɔ bin shem at ɔl; dɛn nɔ bin no aw fɔ mɛlt. Fɔseka dat, dɛn go day wit dɛn wan dɛm we go day; wɛn a pɔnish dɛm, a go ib dɛm oba. Na so PAPA GƆD se.

Lɛta Fɔ Rom 11:20

Dat na tru! Gɔd brok dɛn kɔmɔt bikɔs dɛn nɔ bin biliv, ɛn i lɛf una na di ples we dɛn bin de, bikɔs una biliv. Bɔt una nɔ fɔ prawd bikɔs una dɔn tek di ples we dɛn bin de, una fɔ fred Gɔd.

Lyuk 23:40

Bɔt di ɔda wikɛd man we insɛf bin ɛŋ pan krɔs, tɔk pan in kɔmpin. I se, “Yu nɔ de fred Gɔd? Dɛn dɔn kɔndɛm yusɛf fɔ day lɛkɛ dis man ya.

Matyu 27:54

Wɛn di soja ɔfisa ɛn di soja man dɛn we bin de gyad Jizɔs si wetin bi wɛn di grɔn shek, dɛn se, “Dis man na Gɔd in Pikin, fɔ tru!”

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Jɛrimaya 36:24

Stil, di kiŋ ɔ ɛni ɔf in wokman dɛm we bin yɛri ɔl wetin rayt na di skrol, nɔ bin fred natin, ɛn dɛn nɔ bin chɛr dɛn klos.

Jɛrimaya 10:7

Udat de we nɔ go fred yu, Yu we kiŋ fɔ di neshɔn dɛm? Bikɔs ɔlman sɔpoz fɔ rɛspɛkt yu; bikɔs pan ɔl dɛn wan dɛn we gɛt sɛns bad bad wan na di neshɔn dɛm ɛn insay ɔl dɛn kindɔm dɛm, nɔn nɔ de we tan lɛkɛ yu.

Ayzaya 66:2

PAPA GƆD se, Ɔl dɛn tin ya na mi mek dɛm, so ɔl dɛn tin ya na mi yon. Bɔt na dis kayn man a go luk to, man we ɔmbul ɛn de ripɛnt ɛn de trimbul we dɛn yɛri mi wɔd.

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Prɔvabs 16:6

If yu fethful ɛn de kip to yu wɔd, PAPA GƆD go fɔgiv yu sin, if yu fred PAPA GƆD, yu nɔ go de pan bad tin.

Prɔvabs 14:16

Udat gɛt sɛns de tek tɛm lɛ i nɔ wɛr pan trɔbul, bɔt yu ful de tink se in no, ɛn nɔ de tek tɛm.

Prɔvabs 8:13

Fɔ fred PAPA GƆD na fɔ et fɔ du bad. A et yu de kak ɛn tink tumɔs ɔf insɛf ɛn lɛk fɔ du bad dɔn i gɛt tu siti.

Di Sam Dɛm 51:17

Yu lɛk we wi gɛt rayt atityud fɔ sho se wi na natin bifo yu. PAPA GƆD yu go gladi fɔ ɛnibɔdi we nɔ de es insɛf ɔp, bɔt we de sɔri fɔ in sin ɛn beg yu fɔ fɔgiv am.

Di Sam Dɛm 34:18

PAPA GƆD de nia ɔl udat fil se i dɔn dɔn fɔ am ɛn de ɛp udat fil se bɛtɛ nɔ de fɔ am igen

2 Kronikuls 34:27

fɔseka we yu at sɔri ɛn yu ɔmbul yusɛf bifo PAPA GƆD we yu yɛri di wɔd dɛm fɔ disples ɛn fɔ di wan dɛm we tap de, ɛn yu ɔmbul yusɛf bifo mi, ɛn chɛr yu klos ɛn pul wata kɔmɔt na yu yay, mi sɛf a dɔn yɛri yu, PAPA GƆD se,

2 Kronikuls 33:19

Ɛn in prea ɛn aw PAPA GƆD tek in bey ɛn ɔl in sin ɛn in ɔnfetful we in ɔnfetful to Gɔd, di say dɛm we i bil ay ples ɛn fiks Asherim tik dɛm ɛn di lay lay gɔd dɛm bifo i ɔmbul insɛf luk am dɛn de na di prɔfɛt dɛn rɛkɔd.

2 Kronikuls 33:12

Ɛn wɛn I de insay trɔbul i beg PAPA GƆD fɔ fevɔ ɛn ɔmbul insɛf Siriɔs wan bifo in papa dɛn Gɔd.

2 Kronikuls 32:26

Bɔt Ɛzikaya ɔmbul insɛf fɔ di prawd we i prawd in ɛn di pipul dɛm we tap na Jerusɛlɛm dat mek PAPA GƆD in wamat nɔ lus pan dɛm Ɛzikaya in tɛm.

2 Kiŋ 22:19

bikɔs i put insɛf dɔŋ ɛn fil sɔri fɔ wetin bi we i yɛri ɔl wetin in di PAPA GƆD dɔn tɔk bɔt di kɔntri ɛn di pipul dɛn, we i se i dɔn swɛ dɛn ɛn dɛn nɔ go bɛtɛ, ɛn fɔ we in di kiŋ chɛr chɛr in klos ɛn kray bifo am, in dɔn yɛri in prea.

1 Kiŋ 21:29

“Yu nɔ si aw Eab dɔn ɔmbul insɛf to mi? Wɛl, bikɔs i dɔn ɔmbul insɛf so, ɔl wetin a dɔn tɔk se a go du, a nɔ go du am we i de alayv; nain pikin dɛn naw a go mek sɔfa ɛn na wɛn in bɔypikin de rul a go du dat.”

Ɛksodɔs 10:3

So Mozis ɛn Erɔn go mit di kiŋ ɛn se, “Di Ibru dɛn PAPA GƆD se, ‘aw lɔŋ yu nɔ go gri fɔ put yusɛf dɔŋ ɛn obe am. I se mek yu lɛf in pipul dɛn mek dɛn go wɔship am.

Ɛksodɔs 9:30

Mozis se, in no se, di kiŋ ɛn in ɔfisa dɛn stil nɔ gɛt fred fɔ PAPA GƆD.

Ɛksodɔs 9:17

Bɔt in stil de mek traŋayes ɛn nɔ gri fɔ lɛ mi pipul dɛn go.

Di Sam Dɛm 78:10

Dɛn Ifremayt sojaman dɛn ya nɔ bin kip PAPA GƆD in Kɔvinant ɛn dɛn nɔ bin gri fɔ obe in lɔ.

Jɛrimaya 6:15

Dɛn bin de shem we dɛn bin de du dɛn bad bad tin dɛn we a nɔ lɛk? Nɔ, dɛn nɔ bin de shem; dɛn nɔ bin no aw fɔ shem. Fɔseka dat, dɛn go day wit dɛn wan dɛn we go day; na di tɛm we a go pɔnish dɛm dɛn yon go dɔn,” na so PAPA GƆD se.

Jɛrimaya 26:4

Yu go tɛl dɛm se, ‘Na dis PAPA GƆD se: If una nɔ gri lisin to mi, ɛn du wetin mi lɔ dɛn we a gi una, se,

Jɛrimaya 32:23

ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Jɛrimaya 44:23

Na bikɔs una bɔn insɛns, ɛn bikɔs una kɔmit sin to PAPA GƆD, ɛn nɔ du wetin PAPA GƆD se, ɔ obe in lɔ dɛm, in ɔda ɛn in kɔmandmɛnt dɛm, mek dis bad bad tin dɔn apin to una de lɛkɛ tide.”

Ayzaya 42:24

Udat bin gi Jekɔb to di wan dɛn we de pwɛl, ɛn Izrɛl to di wan dɛn we de tif? Nɔto PAPA GƆD, we wi sin agens, di wan we dɛn nɔ gri waka nain rod, di wan we dɛn nɔ gri obe in lɔ?

Jɛrimaya 5:3

E PAPA GƆD, nɔto di tru yu de luk fɔ? Yu dɔn bit dɛm, bɔt dɛn nɔ fil pen; yu dɔn kil sɔm pan dɛm bɔt dɛn nɔ gri tek kɔrɛkshɔn. Dɛn dɔn mek dɛn fes dɛn traŋa pas rɔk; dɛn nɔ gri fɔ chenj.