Jɛrimaya 43:12 - Krio Fɔs Oli Baybul

¹² I go layt faya insay di gɔd dɛm na Ijipt dɛn tɛmpul dɛm; ɛn i go bɔn dɛm ɛn kɛr dɛm go as slev; ɛn i go klin Ijipt lɛkɛ aw shɛpad de klin in kot we gɛt lɔs; ɛn i go kɔmɔt de wit kolat.

Jɛrimaya 43:12 Referans Kwoze

Izikɛl 30:13

“Na dis PAPA GƆD se: A go pwɛl pata pata di lay lay gɔd dɛm ɛn a go kam tap di imej dɛn, we de na Mɛmfis; nɔn kiŋ nɔ go de na di Ijipt kɔntri igen; ɛn na so a go mek fred fred de na di Ijipt kɔntri.

Ayzaya 49:18

Es yu yay ɔp, luk rawnd ɛn si; dɛn ɔl gɛda, dɛn kam to yu. PAPA GƆD se, wans a de, yu go wɛr dɛn ɔl lɛk trinkɛt, yu go fiks dɛn pan yusɛf lɛk aw yawo kin du.

Ayzaya 19:1

Wetin PAPA GƆD se go apin to Ijipt. Una luk o, PAPA GƆD de rayd pantap wan klawd we gɛt spid ɛn kam na Ijipt; di laylay gɔd dɛn na Ijipt go trimbul bifo am ɛn di Ijipshian dɛn go wan day wit fred.

Jɛrimaya 48:7

Wetindu, na bikɔs una bin abop pan una ples dɛn we una de ayd ɛn pan una jɛntri, dɛn go kapchɔ yusɛf; ɛn Chɛmɔsh go go ɛgzayl wit in man dɛm we de mek sakrifays fɔ pipul sin, ɛn dɛn bigman dɛm.

Jɛrimaya 46:25

PAPA GƆD Ɔlmayti we na Izrɛl dɛn Gɔd se: biliv mi, a go pɔnish Amɔn we de na Thibis, ɛn Fero, ɛn Ijipt ɛn in gɔd dɛm, ɛn in kiŋ dɛm pɔnishmɛnt go go pan Fero ɛn ɔl udat abop pan am.

Di Sam Dɛm 104:2

Yu kɔba yusɛf wit layt lɛkɛ se na klos yu wɛr; yu mek di klawd kɔba ɔlman lɛk we man tinap ɔnda ruf

Job 40:10

“If na so i bi, lɛ a si di rɛspɛkt ɛn pawa we yu gɛt; drɛs wit dia dia klos dɛn we kiŋ dɛn kin wɛr.

Ɛsta 6:9

ɛn i fɔ lɛ dɛn gi di klos dɛn ɛn di ɔs to di wan pan di kiŋ in aristo bigman dɛn lɛ i wɛr am pan di man we i wan sho se i rɛspɛkt, ɛn lɛ i mek di man rayd di ɔs go rawnd di siti, bɔt di aristo fɔ de bifo di man de ala se, “Na so di kiŋ kin du fɔ pɔsin we i wan sho ɔlman se i rɛspɛkt!”

2 Samiɛl 5:21

Di Filistin dɛn rɔnawe lɛf dɛn smɔl smɔl gɔd dɛn de so Devid ɛn in man dɛn tot ɔl go.

Ɛksodɔs 12:12

“Da sem nɛt de a go pas na Ijipt ɛn kil ɔl di fɔs-bɔy-pikin dɛn ɛn ɔl di fɔs man animal dɛn, ɛn a go briŋ jɔjmɛnt pan ɔl di gɔd dɛn na Ijipt bikɔs mi na PAPA GƆD.

Lɛta Fɔ Kɔlɔse 3:14

Pantap ɔl dat, una fɔ lɛk una kɔmpin, dat go mek una gɛt wan at ɛn una go bi wan, ɛn nɔ ambɔg nɔ go de.

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

Lɛta Fɔ Ɛfisɔs 6:11

Una fɔ wɛr di klos we Gɔd gi una fɔ tek fɛt so dat wɛn Setan pul in kɔni fɔ fɛt una, i nɔ go ebul una.

Lɛta Fɔ Ɛfisɔs 4:24

Una fɔ liv di nyu layf we Gɔd dɔn gi una lɛkɛ aw i want. Pɔsin we liv dis kayn layf go du wetin rayt na Gɔd yay ɛn ɔl wetin Gɔd tɛl am fɔ du.

Lɛta Fɔ Rom 13:12

Nɛt dɔn de pas, de tɛm dɔn kam klos. Una lɛ wi lɛf fɔ du dɛn bad tin we dɛn wikɛd pipul we de na dak de du, bɔt lɛ wi tek dɛn tin we wi de tek fɛt, wi we de na di layt bikɔs wi no di tru we, ɛn lɛ wi rɛdi fɔ di fɛt.

Zɛfinaya 2:11

PAPA GƆD insɛf go dil wit dɛn traŋa traŋa wan. Yɛs, i go nyakanyaka dɛn ɛn mek dɛn gɔd nɔ fiba natin to dɛn ɛn ɔlman naw go butu ɛn wɔship am, usay dɛn de, na ɔl di neshɔn dɛn na wɔl.

Jɛrimaya 51:44

Ɛn A go pɔnish Bɛl we de na Babilɔn, ɛn pul wetin de insay in mɔt we i bin dɔn swɛla. Di neshɔn dɛm nɔ go wɔship am igen; Babilɔn in wɔl dɔn fɔdɔm.

Jɛrimaya 50:2

“Tɔk am ɛn anawns am na ɔl di neshɔn dɛm, una rayt am usay ɔlman go si am, ɛn una anawns am, una nɔ ayd am, una tɔk am, se: ‘Dɛn dɔn kapchɔ Babilɔn, Bɛl dɔn shem, Mɛrodak in de wɔnda. Dɛn dɔn mek in imej shem, in lay lay gɔd dɛn dɛm de wɔnda.’

Ayzaya 61:10

A go gladi ebi ebi wan fɔ PAPA GƆD, mi sol go es mi Gɔd ɔp; bikɔs i dɔn wɛr salveshɔn klos pan mi, I dɔn kɔba mi wit raychɔsnɛs gawn, lɛk aw dɛn ɔkɔ kin put plɛnti plɛnti galans pan insɛf, ɛn lɛk we yawo kin drɛs insɛf wit in riŋ ɛn chen dɛm.

Ayzaya 61:5

Trenja dɛm go tinap fid una ship ɛn got dɛm, Fɔrina dɛn go dig una fam ɛn sibɔt una greps gadin dɛm;

Ayzaya 59:17

I wɛr raychɔsnɛs fɔ brɛsplet, ɛn wan ɛlmɛt ɔf salveshɔn, nain ed; I wɛr gamɛnt ɔf vɛnjɛns, fɔ in klos, ɛn rap insɛf insay bad bad vɛksteshɔn, fɔ ovakot.

Ayzaya 52:1

Grap o, grap, pik trɛnk, yu Zayɔn; wɛr yu fayn fayn klos dɛn, Yu Jerusɛlɛm, we na di oli siti; bikɔs dɛn nɔ go kam insay to yu igen dɛn wan we nɔ sakɔmsayz ɛn we nɔ klin

Ayzaya 46:1

Bel baw, Nibo butu, dɛn laylay gɔd dɛn, de na dɛn animal ɛn dɛn kaw dɛn bak; dɛn tin dɛn ya we una bɔn, ebi lɛk lod we kin de na dɛn taya taya animal dɛn bak.

Ayzaya 21:9

Wetin a si, man dɛn we de rayd ɔs de kam, man dɛn we de rayd ɔs, tu bay tu!” Nain i ansa se, “I dɔn fɔdɔm, Babilɔn dɔn fɔdɔm; ɔl in laylay gɔd dɛn imej dɛn dɔn skata pis pis na grɔn.”

Di Sam Dɛm 132:18

A go mek shem ɛn disgres mit in ɛnimi dɛn, dɛn go wɛr am lɛkɛ klos na dɛn bɔdi bɔbs, na so in krawn go de shayn!”

Di Sam Dɛm 132:16

Dɛn man dɛn we de mek sakrifays fɔ pipul sin go bi sef ɛn dɛn pipul we de du wetin PAPA GƆD se, go de ala ɔltɛm wit gladi.

Ayzaya 46:2

Dɛn butu, dɛn baw togɛda dɛn nɔ ebul sev di lod, bɔt dɛn kapchɔ dɛnsɛf go slev!

Jɛrimaya 43:13

I go brok di imej dɛn we dɛn de wɔship na Ɛliopolis we de na Ijipt; ɛn i go bɔn di gɔd dɛm na Ijipt, dɛn tɛmpul dɛm wit faya.’”

Jɛrimaya 49:27

Ɛn a go layt faya na di wɔl na Damaskɔs, ɛn i go bɔn Bɛnadad in pales.”

Izikɛl 29:11

Nɔn mɔtalman in fut nɔ go mas pas insay am, ɛn nɔn bist in fut nɔ go mas pas insay am; ɛn nɔbɔdi nɔ go tap de fɔ fɔti ia.

Daniɛl 11:8

I go kɛr dɛn gɔd dɛn go Ijipt, wit dɛn imej we dɛn mek wit mɛtal ɛn dɛn gold ɛn silva tin dɛn; Fɔ sɔm tɛm, i go lɛf fɔ atak di kiŋ na Siria.

Jɛrimaya 10:11

Na dis yu go tɛl dɛm: “Dɛn gɔd dɛm we nɔto dɛn mek ɔp di klawd ɛn dɔŋ di grɔn, go alaki na grɔn ɛn ɔnda di klawd.”

Jɛrimaya 10:15

Dɛn yuslɛs, ɛn na imajin dɛn imajin da kayn tin de; di tɛm we dɛn go gɛt dɛn pɔnishmɛnt, dɛn go day.

Jɛrimaya 25:19

Fero we na kiŋ na Ijipt, in wokman dɛm, di bigman dɛm, ɔl in pipul dɛm

Izikɛl 29:19

Fɔseka dis ya, na dis PAPA GƆD se: Una lisin, a go gi di Ijipt kɔntri to Nɛbyukadnɛza, Babilɔn in kiŋ; ɛn i go kɛr go ɔl Ijipt in richis, ɛn i go tif am, ɛn klɛa am. Ɛn na dɛn wande go bi in amiman dɛn pe.