Jɛrimaya 42:22 - Krio Fɔs Oli Baybul

²² So una no naw se tabi tabi nɔ de, una go day na wa, una go day wit bad bad aŋri, ɛn wit siknɛs na di ples we una at de gi una fɔ go tap.”

Jɛrimaya 42:22 Referans Kwoze

Jɛrimaya 42:17

Ɔl di man dɛm we tɔn dɛn fes dɛm fo go Ijipt fo go tap de, go day na wa, ɔ wit bad bad aŋri ɔ wit siknɛs; di kayn bad bad tin we a go du dɛm go mek nɔn pan dɛm nɔ lɛf ɛn nɔbɔdi nɔ go de we nɔ go day.

Ozie 9:6

If dɛn go na Asiria, Ijipt go fala dɛn go gɛda dɛn de dɔn dɛn go bɛr dɛn na Mɛmfis. Da tɛm de na soso chukchuk go de pan dɛn silva ɛn insay dɛn tɛnt dɛn.

Izikɛl 6:11

Na so Papa Gɔd we na Gɔd se: “una klap una an ɛn stamp una fut dɛm ɛn se eya! Fɔseka ɔl di bad bad tin dɛm we di Izrɛlayt dɛn bin de du we Gɔd nɔ lɛk; bikɔs dɛn go day bay wa, aŋri, ɛn bay bad bad sik dɛm.

Jɛrimaya 43:11

I go kam kapchɔ Ijipt, ɛn i go gi siknɛs to di wan dɛn we fɔ day wit siknɛs, i go mek slev wit di wan dɛn we fɔ bi slev, ɛn go mek wa pan di wan dɛm we fɔ day na wa.

Ayzaya 30:3

Na dat mek Fero in protɛkshɔn go tɔn fɔ mek una shem, ɛn di shɛlta ɔnda Ijipt in shado, go mek una disgres.

Jɛrimaya 44:12

A go kech di balans wan dɛm we lɛf na Juda we dɛnsɛf de mekɔp fɔ go Ijipt, ɛn dɛn ɔl go day; na Ijipt dɛn go day; dɛn go day na wa ɔ wit bad bad aŋri; frɔm di las wan to di wan we gɛt pawa pas dɛn ɔl, go day na wa ɛn wit bad bad aŋri; dɛn go tɔn tin we at fɔ luk, pipul dɛn go trit dɛn lɛk dɔg ɛn go tek dɛn nem fɔ swɛ ɛn go provok dɛm.

Izikɛl 33:27

Tɛl dɛm dis ɛn se, na dis PAPA GƆD se: as a de livin, fɔ tru tru, dɛn wan we de na di ɛmti yuslɛs ples dɛm go fɔdɔm bay di sɔd; ɛn di wan we de na di opin fil, a go gi to dɛn bist fɔ it awaŋɔt wan; ɛn dɛn wan we de na say dɛn we sef gud gud wan, ɛn we de insay kev dɛm, ɔl go day wit bad bad sik we de kil.

Jɛrimaya 24:10

Ɛn a go sɛn wa, bad bad aŋri ɛn siknɛs pan dɛm, sote dɛn ɔl day kpatakpata kɔmɔt na di land we a gi dɛn ɛn dɛn fɔstɛmpapa dɛm.

Izikɛl 6:12

Di pɔsin we de fawe, na bad sik go kil am. Di wan we de nia, na wa i go day; di wan we go lɛf we nɔ day, na aŋri go kil am. Na so a go pul mi wamat pan dɛn.