Jɛrimaya 42:2 - Krio Fɔs Oli Baybul

² ɛn tɛl Jɛrimaya we na prɔfɛt se, “Lisin wi prɔblɛm dɛm ɛn pre to PAPA GƆD we na yu Gɔd fɔ wi, fɔseka ɔl di wan dɛm we lɛf (bikɔs wi we lɛf na jɛs tu tri pan di wanol nɔmba as yusɛf kin si)

Jɛrimaya 42:2 Referans Kwoze

Jɛrimaya 36:7

Sɔntɛm dɛn pre lɛ PAPA GƆD fɔgiv dɛm we go mek ɔlman lɛf fɔ du bad, bikɔs di tin we PAPA GƆD dɔn anawns se in go du, nɔ gud fɔ tɔk.”

Lɛvitikɔs 26:22

I go mek dɛn bad bad animal kil dɛn pikin dɛn, dɛn animal dɛn we dɛn de mɛn na os ɛn dɛn nɔ go bɛtɛ igen we go mek dɛn trit dɛn dray bikɔs pipul nɔ go de fɔ de waka ɔp ɛn dɔŋ.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

Apɔsul Dɛn Wok 8:24

Saymɔn tɛl Pita ɛn Jɔn se, “Duya, una beg Gɔd fɔ mi, mek wetin una tɔk nɔ bi to mi.”

Lamɛnteshɔn 1:1

Eya, luk we Jerusɛlɛm ɛmti; ples we plɛnti pipul bin de. I dɔn tɔn lɛk uman we in man dɔn day; Ples we di wanol wɔl bin rɛspɛkt! Di siti we dɛn bin es ɔp pas ɔl, dɔn tɔn slev.

Ayzaya 37:4

Dɛn se sɔntɛm, PAPA GƆD we na una Gɔd dɔn yɛri ɔl di wɔd we di kiŋ na Asiria in Rabshakɛ dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

Ayzaya 1:9

If PAPA GƆD Ɔlmayti, nɔ bin lɛf tu-tri pan wi we nɔ day, wi bin fɔ dɔn tan lɛk Sɔdɔm, ɛn bi lɛk Gɔmɔra.

1 Samiɛl 12:19

Di pipul dɛn tɛl Samiɛl fɔ pre to PAPA GƆD we nain PAPA GƆD fɔ dɛn mek dɛn nɔ day as dɛn dɔn ad pan dɛn ɔda sin dɛn we dɛn aks fɔ kiŋ.

1 Samiɛl 7:8

Dɛn tɛl Samiɛl lɛ i nɔ tap fɔ pre to PAPA GƆD we na dɛn PAPA GƆD fɔ dɛn so dat i go pul dɛn na di Filistin dɛn an.

Jɛrimaya 37:20

Naw, a beg yu mi lɔd ɛn mi kiŋ, lisin to mi: lɛ di beg we a de beg tɔch yu at, ɛn duya, nɔ sɛn mi go bak na Jonɛthan we na di sɛktri in os, if nɔso, a go day de.”

Jɛrimaya 37:3

Kiŋ Zɛdikaya sɛn Jɛukal we na Shelɛmaya in bɔypikin, ɛn Zɛfinaya we na di man we de mek sakrifays fɔ pipul sin ɛn na Maasɛia in bɔypikin, to Jɛrimaya we na prɔfɛt se, “Pre fɔ wi to PAPA GƆD we na wi Gɔd.”

1 Kiŋ 13:6

Nain di kiŋ beg di prɔfɛt lɛ i pre fɔ am to PAPA GƆD mek di an gɛt layf bak.

Ditarɔnɔmi 28:62

Ɛnti dɛn bin bɔku lɛkɛ di sta dɛn na di skay, na tu tri pan dɛn go lɛf, bikɔs, dɛn nɔ obe PAPA GƆD we na dɛn PAPA GƆD.

Ɛksodɔs 8:28

Di kiŋ tɛl Mozis se, in go alaw dɛn fɔ mek dɛn go sakrifays to dɛn PAPA GƆD na di ples we pɔsin nɔ go ebul tap, bɔt una nɔ fɔ go fawe. I beg dɛn fɔ pre fɔ am.

Matyu 24:22

If Gɔd nɔ mek da tɛm de shɔt, wan mɔtalman nɔ go lɛf na di wɔl; bɔt Gɔd go mek da tɛm de shɔt fɔseka dɛn pipul we i dɔn pik fɔ sev.

Izikɛl 12:16

Bɔt a go mek tu tri pan dɛn nɔ day na wa, ɔ wit bad bad aŋri ɔ wit dɛn bad bad sik, so dat dɛn go kɔnfɛs di bad tin dɛn we dɛn bin dɔn du, to di difrɛn neshɔn we dɛn go go, ɛn dɛn go no se na mi na di PAPA GƆD.

Jɛrimaya 42:20

so dat a una nɔ go go astre we una go gɛt fɔ tek una layf pe fɔ. Bikɔs una sɛn mi to PAPA GƆD we na una Gɔd se, ‘Pre fɔ wi to PAPA GƆD we na wi Gɔd ɛn wi go du ɛnitin we PAPA GƆD we na wi Gɔd tɛl wi se, wi fɔ du.’

Jɛrimaya 21:2

“Fɛnɔt to PAPA GƆD fɔ wi, bikɔs Nɛbyukadnɛza we na kiŋ na Babilɔn de mek wa pan wi; sɔntɛnde, PAPA GƆD go yuz ɔl in wɔndaful tin dɛn we i kin du, fɔ ɛp wi, ɛn i go mek i fred fɔ fɛt wi.”

Ayzaya 1:15

We una tret una an dɛn to mi, A go kɔba mi yay lɛ a nɔ si, i lɛk we una pre bɔku bɔku prea A nɔ go lisin; na so so blɔd de na una an.

1 Samiɛl 12:23

As fɔ mi, mek PAPA GƆD nɔ gri mek a lɛf fɔ pre fɔ una. A go tɛl una wetin gud ɛn rayt.

Ditarɔnɔmi 4:27

I se PAPA GƆD go mek dɛn skata ɔlɔbɔt na di wɔl ɛn dɛn nɔ go plɛnti na wan say ɛn plɛnti pan dɛn go day.

Ɛksodɔs 9:28

I beg dɛn fɔ pre to PAPA GƆD fɔ mek dis ren go tap. I se di ren dɔn pasmak ɛn prɔmis se in go lɛf dɛn fɔ go, ɛn dɛn nɔ go tap de igen

Jɛrimaya 15:11

Lɛ i bi so, E PAPA GƆD if a nɔ dɔn tɔk to yu fɔ dɛn yon gud, ɛn if a nɔ dɔn beg yu fɔ mi ɛnimi dɛm we dɛn gɛt trɔbul we waala mit dɛm!

Jɛrimaya 38:14

Kiŋ Zɛdikaya sɛn fɔ Jɛrimaya we na prɔfɛt ɛn tɛl am kabɔ na di tɔd domɔt na PAPA GƆD in os. Di kiŋ tɛl Jɛrimaya se, “A go aks yu wan kwɛshɔn; nɔ ayd natin pan mi.”

Jɛrimaya 40:15

So Joanan we na Karɛa in bɔypikin tɔk sikritli to Gɛdalaya na Mizpa se, “Lɛ a go kil Ishmɛl we na Netanaya in bɔypikin, ɛn nɔbɔdi nɔ go no. Wetin du i wan kil yu? Na fɔ mek ɔl dɛn Ju dɛm we de ya wit yu go skata, ɛn di balans we de na Juda day?”

Ozie 8:10

Ɔl we dɛn aya pipul na di ɔda neshɔn dɛn fɔ fɛt fɔ dɛn, a go nyakanyaka dɛn. Da tɛm de dɛn go blo fɔs fɔ de krawn kiŋ dɛn ɛn pik ɔda bigman dɛn.

Emɔs 7:2

A si di lokɔs dɛn de it ɔl di grin plant dɛn na di land. Na de a beg se, “PAPA GƆD we na GƆD, duya fɔgiv yu pipul. Aw dɛn go liv? Dɛn so smɔl ɛn wik.”

Ditarɔnɔmi 28:63

Mozis tɛl di Izrɛlayt dɛn se, lɛkɛ aw PAPA GƆD bin gladi fɔ mek dɛn jɛntri ɛn bɔn bɔku bɔku pikin dɛn, na semweso i go gladi fɔ du dɛn tin dɛn we go mek dɛn alaki ɛn day day na di land we i dɔn rɛdi fɔ gi dɛn.

Di Sam Dɛm 119:170

Yɛri mi ɛn ansa wetin a de aks fɔ, sɔri fɔ mi ɛn sev mi bikɔs yu dɔn prɔmis mi.

Ayzaya 42:20

I de si bɔku tin, bɔt i nɔ de notis dɛn; in yes opin, bɔt i nɔ de yɛri.

Jɛrimaya 2:27

we de tɔk to tik se, ‘Yu na mi papa,’ ɛn to ston se, ‘Na yu mek a de bɔn.’ Bikɔs dɛn dɔn tɔn dɛm bak pan mi, nɔto dɛn fes. Bɔt we dɛn kin gɛt trɔbul, dɛn kin de se, ‘Duya sev wi!’