Jɛrimaya 42:18 - Krio Fɔs Oli Baybul

¹⁸ “Bikɔs na dis PAPA GƆD Ɔlmayti we na Izrɛl dɛn Gɔd, se: lɛkɛ aw A kin mi put mi vɛksteshɔn ɛn mi wam at pan di wan dɛm we tap na Jerusɛlɛm, na semweso a go pul mi wan at pan una we una go na Ijipt. Dɛn go et una bad bad wan. Dɛn go fred, swɛ, kɔs ɛn provok una. Una nɔ go si dis ples igen.

Jɛrimaya 42:18 Referans Kwoze

Jɛrimaya 7:20

PAPA GƆD Ɔlmayti se, “A go put mi animal, a go put am pan tik dɛm na bush ɛn di frut dɛn we de gro kɔmɔt na grɔn; i go bɔn ɛn i nɔ go ɔt.”

Jɛrimaya 29:18

A go mek wa, bad bad aŋri ɛn siknɛs de biɛn dɛm, ɛn a go mek dɛn pipul fɔ fred na ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go,

Jɛrimaya 18:16

ɛn dɔn mek dɛn land ples fɔ fred, tin fɔ sɔktik pan sote go. Ɛnibɔdi we pas nia de kin fred ɛn kin shek dɛn ed.

Jɛrimaya 44:12

A go kech di balans wan dɛm we lɛf na Juda we dɛnsɛf de mekɔp fɔ go Ijipt, ɛn dɛn ɔl go day; na Ijipt dɛn go day; dɛn go day na wa ɔ wit bad bad aŋri; frɔm di las wan to di wan we gɛt pawa pas dɛn ɔl, go day na wa ɛn wit bad bad aŋri; dɛn go tɔn tin we at fɔ luk, pipul dɛn go trit dɛn lɛk dɔg ɛn go tek dɛn nem fɔ swɛ ɛn go provok dɛm.

Jɛrimaya 24:9

A go mek dɛn tin fɔ fred to ɔl di kɔntri dɛm na di wɔl. Pipul go shem fɔ de wit dɛm, dɛn nem nɔ go gɛt rɛspɛkt, dɛn go provok dɛm ɛn go bi pipul dɛn we gɛt swɛ, ɔlsay usay a go drɛb dɛn go.

Jɛrimaya 22:27

Bɔt di land we dɛn aŋri fɔ go bak, dɛn nɔ go go igen.”

Ayzaya 65:15

Una nem go lɛf to mi pipul we a dɔn pik, fɔ tek kɔs pɔsin, ɛn Papa Gɔd we na Gɔd go kil una; bɔt I go kɔl in wokman dɛn difrɛn nem.

Rɛvɛleshɔn 14:10

insɛf go drink Gɔd in yon wayn, dat na di pɔnish we i go pɔnish bikɔs Gɔd vɛks pan am, da pɔnishmɛnt de tan lɛkɛ bita wayn we nɔ miks wit wata we i gɛt fɔ drink. Ɔl dɛn pipul we de du dɛn tin ya go pɔnish bifo Gɔd in enjɛl dɛn ɛn Gɔd in Ship insay faya we sɔlfa de bɔn.

Zɛkaraya 8:13

I se pipul bin de yus dɛn nem we dɛn de swɛ ɔda pipul, bɔt naw na dɛn sem pipul de go yus nem fɔ blɛs pipul dɛn bikɔs in go sev dɛn ɛn i go mek pipul de kɔl Juda ɛn Izrɛl dɛn nem we dɛn wan blɛs ɔda pipul. I se, mek dɛn nɔ fred, lɛ dɛn pik ɔp zil nɔmɔ.

Neum 1:6

Udat ebul tinap bifo PAPA GƆD we i vɛks? Udat ebul am we i dɔn vɛks? We i vɛks i de blez lɛk faya, ivin dɛn big ston kin tɔn grabul-grabul usay i de.

Daniɛl 9:27

I go mek traŋa Kɔvinant wit bɔku pipul fɔ wan wik; ɛn fɔ af da tɛm de, i go mek dɛn tap fɔ mek sakrifays ɛn ɔfrin. Pɔsin go kɔmɔt na di say we dɛn de du wetin PAPA GƆD et, te di tɛm we di lɔ go kech di pɔsin we de pwɛl ɔlsay.”

Daniɛl 9:11

Di wanol Izrɛl dɔn disobe yu ɛn tɔn wi bak, ɛn nɔ gri fɔ du wetin yu se. Di swɛ dɛn ɛn di wanwɔd we wi mek fɔ du wetin rayt insay Mozis in lɔ we na PAPA GƆD in wokman, dɔn fɔdɔm pan wi, bikɔs wi dɔn kɔmit sin to yu.

Izikɛl 22:22

Lɛk we silva de mɛlt insay big ovin, na so unasɛf go mɛlt insay de; ɛn una go no se na mi PAPA GƆD dɔn put mi vɛksteshɔn pan una.

Lamɛnteshɔn 4:11

PAPA GƆD pul ɔl in vɛksteshɔn pan Jerusɛlɛm, i pul ɔl in wamat pan am; i mek faya kech Jerusɛlɛm we bɔn am to asis.

Lamɛnteshɔn 2:4

I dɔn rɛdi in bo fɔ shut wi lɛkɛ wi ɛnimi, i tek raytan rɛdi am lɛkɛ wi ɛnimi; ɛn i dɔn kil ɔl di wan dɛn we wi bin rɛspɛkt na dɛn yon os to dɛn yon pipul; i sho in bad bad vɛksteshɔn lɛk we faya de kech.

Jɛrimaya 29:22

Fɔseka dɛn, ɔl di wan dɛn we kɔmɔt ɛgzayl na Juda we de Babilɔn go de swɛ dis swɛ: “Lɛ PAPA GƆD mek yu tan lɛk Zɛdikaya ɛn Eab, we di kiŋ na Babilɔn bin ros na faya,”

Jɛrimaya 26:6

A go mek dis Tɛmpul tan lɛk Shilo, ɛn a go mek ɔlman na wɔl yuz dis siti in nem fɔ de swɛ.’”

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Jɛrimaya 6:11

Fɔseka dat, PAPA GƆD in sem vɛksteshɔn ful insay mi; A dɔn taya fɔ bia kip am insay mi. “Empti am pan dɛn pikin na trit, ɛn igen, pan dɛn yɔŋbɔy dɛm ɔl usay dɛn gɛda; dɛn go kɛr mared man ɛn in wɛf go, di ol grani ɛn grampa dɛm, ɛn di wan dɛnsɛf we dɔn olpasmak.

2 Kronikuls 34:25

Bikɔs dɛn dɔn trowe mi ɛn bɔn insɛns to ɔda Gɔd dɛm, lɛ dɛn go jɔs provok mi mek a vɛks, wit ɔl di wok we dɛn an de du, fɔseka dat a dɔn wayl an a go pul mi vɛks pan dis ples ɛn natin nɔ go klo mi at.

Di Nɔmba Dɛm 5:27

If di uman dɔn mek ɔda man tɔch am apat frɔm in mared man, wɛn i drink di wata we gɛt di swɛ, in bɛlɛ go at am dɔn i go bigin sɔfa. I nɔ go ɛva bɔn ɛn ɛni bɛlɛ we i gɛt go wes dɔn in pipul dɛn nɔ go wan natin fɔ du wit am.

Ayzaya 30:3

Na dat mek Fero in protɛkshɔn go tɔn fɔ mek una shem, ɛn di shɛlta ɔnda Ijipt in shado, go mek una disgres.

Jɛrimaya 23:40

Ɛn a go briŋ ɛvalastin disgres ɛn shem ɔltɛm pan una, we nɔbɔdi nɔ go ɛva fɔgɛt.”

Jɛrimaya 33:5

Di Babilonian dɛm de kam fɛt dɛm, ɛn dɛn go fulɔp dɛn os dɛn wit dedebɔdi we a go kil we a vɛks ɛn mi at wam, bikɔs a nɔ de luk na dis siti fɔseka ɔl dɛm wikɛdnɛs.

Jɛrimaya 44:6

Fɔseka dat, a bin put mi wamat ɛn mi vɛksteshɔn pan dɛm, ɛn dɛn bin si am na di siti dɛm na Juda ɛn na di trit dɛm na Jerusɛlɛm; ɛn dɛn tɔn west ɛn gud fɔ natin de lɛkɛ tide.

Jɛrimaya 44:8

Wetindu una de provok mi mek a vɛks bay wetin una de du, we una de bɔn insɛns to ɔda gɔd dɛm na Ijipt usay una dɔn kam tap, we go mek nɔbɔdi nɔ want fɔ gɛt ɛnitin fɔ du wit una, ɛn una gɛt swɛ ɛn tɔn provokeshɔn na ɔl di neshɔn dɛm na di wɔl?

Jɛrimaya 44:22

PAPA GƆD nɔ bin ebul bia di bad bad tin dɛm ɛn di tin dɛm we i et bad bad wan we una dɔn du; na dat mek una land dɔn tɔn gud fɔ natin, i dɔn gɛt swɛ ɛn nɔbɔdi nɔ tap de, lɛk aw i de lɛkɛ tide.

Izikɛl 20:34

A go pul una kɔmɔt to di difrɛn difrɛn pipul dɛn, ɛn gɛda una kɔmɔt na di difrɛn difrɛn kɔntri dɛn we una skata wit mi pawaful an, mi an we rɛdi fɔ blo ɛn we a de du bad we a vɛks bad bad wan;

Lamɛnteshɔn 2:6

I dɔn brok in os lɛk we dɛn de brok fam os, pwɛl pwɛl ɔl di ples dɛn we dɛn de ol di difrɛn fist dɛm; PAPA GƆD dɔn mek dɛn tap di difrɛn difrɛn fist dɛn na Zayɔn ɛn di de we nɔ fɔ wok, ɛn we i vɛks, i dɔn pul ɔl wetin dɛn de tek blɔf pan ɔl dɛn kiŋ ɛn man dɛn we de mek sakrifays fɔ pipul sin.

Ozie 7:16

Dɛn tɔn fɔ wɔship Beal ɛn nɔ bisin bɔt wetin dɛn de du jɛs lɛk aw bo we de shut aro nɔba bisin bɔt usay i fɔdɔm; dɛn kiŋ pikin dɛn ɔl de day na wa bikɔs dɛn nɔ sabi tɔk, dɔn di Ijipshian dɛn go laf dɛn.