Jɛrimaya 41:18 - Krio Fɔs Oli Baybul

¹⁸ fɔseka di Babilonian dɛm; dɛn bin de fred dɛm bikɔs, Ishmɛl we na Netanaya in bɔypikin, bin dɔn kil Gɛdalaya we na Aikam in bɔypikin, we di kiŋ na Babilɔn bin dɔn mek gɔvna oba di land.

Jɛrimaya 41:18 Referans Kwoze

Jɛrimaya 40:5

Bɔt if yu nɔ de go, tɔn bak to Gɛdalaya we na Aikam in bɔypikin ɛn Shafan in grampikin, we di kiŋ na Babilɔn dɔn pik fɔ bi gɔvna fɔ di siti dɛn na Juda; go tap wit am wit di pipul dɛn ɔ go ɛnisay yu tink se rayt.” So di kapten fɔ di gyadman dɛn gi am it ɛn prɛzɛnt, ɛn lɛf am lɛ i go.

Jɛrimaya 42:16

na di wa we una de fred go mit una bɛtɛ bɛtɛ wan na Ijipt de; ɛn di bad bad aŋri we una de fred, go de biɛn una bɛtɛ bɛtɛ wan na Ijipt; ɛn na de una una go day.

Jɛrimaya 42:11

Una nɔ frɛd di kiŋ na Babilɔn we una bin de fred igen; una no frɛd am, na so PAPA GƆD se, bikɔs a de wit una fɔ pul una kɔmɔt nain an.

Ayzaya 57:11

Udat yu de fred bad bad wan so, we yu bin lay, ɛn nɔ bin mɛmba mi, we mek yu nɔ tink bɔt mi? A nɔ dɔn sɛt mi mɔt, fɔ lɔŋ tɛm naw, ɛn so yu nɔ de fred mi?

2 Kiŋ 25:25

Bɔt insay di mɔnt we mek sɛvin mɔnt da vɛri ia de, Ishmɛl we na Netanaya in bɔypikin we semweso na Ilayshama in grampikin we kɔmɔt na kiŋ layn gɛda tɛn man dɛn ɛn mek ku. Dɛn kil Gɛdalaya wit di man dɛn we bin de na Juda ɛn di Babilonian dɛn we bin de na Mizpa.

Jɛrimaya 42:1

Ɔl di kɔmanda dɛm fɔ di difrɛn fɛtman dɛm ɛn Joanan we na Karɛn in bɔypikin, ɛn Azaraya we na Oshaya in bɔypikin, ɛn ɔl di pipul dɛm, frɔm di list wan to di wan we pas dɛn ɔl, kam nia

2 Kiŋ 25:22

Kiŋ Nɛbyukadnɛza na Babilɔn pik Gɛdalaya we na Aikam in bɔypikin we semweso na Shafan in grampikin fɔ bi gɔvna fɔ di balans pipul dɛn we i lɛf na Juda.