Jɛrimaya 41:1 - Krio Fɔs Oli Baybul

¹ Insay di mɔnt we mek sɛvin, Ishmɛl we na Netanaya in bɔypikin ɛn Ilayshama in grampikin, we kɔmɔt na di rɔyal famili, ɛn wan pan di kiŋ in chif ɔfisa dɛm, kam wit tɛn man to Gɛdalaya we na Aikam in bɔypikin, na Mizpa. As dɛn ɔl bin de it togɛda na Mizpa,

Jɛrimaya 41:1 Referans Kwoze

Jɛrimaya 40:8

dɛn go to Gɛdalaya na Mizpa – dat na Ishmɛl we na Netanaya in bɔypikin, Joanan we na Karɛa in bɔypikin, Sɛraya we na Tanumɛt in bɔypikin, Efai we na Nɛtofatayt in bɔypikin dɛm, Jɛzanaya we na da Maakatayt in bɔypikin, ɛn dɛn man dɛm.

Jɛrimaya 40:6

Nain Jɛrimaya go to Gɛdalaya we na Aikam in bɔypikin na Mizpa, ɛn tap wit am wit di pipul dɛn we bin lɛf na di land.

Di Sam Dɛm 41:9

Di wan sɛf we a bin se na mi bɛst frɛn we a trɔs we wi tu kin it togɛda, insɛf dɔn tɔn pan mi.

Jɔn 13:18

“A nɔ de tɔk bɔt una ɔl; a no di wan dɛn we a dɔn pik. Bɔt wetin dɛn rayt na Gɔd in Buk mɔs bi. Dɛn rayt se, ‘Di pɔsin we wi ɔl tu bin de it wan ples, dɔn de fɛt mi naw.’

Izikɛl 17:13

Ɛn i tek wan pan di kiŋ in sid ɛn mek Kɔvinant wit am ɛn mek i swɛ. (Na di bigman dɛn na di land i bin dɔn kɛr go,

Jɛrimaya 36:20

So dɛn go insay di kiŋ in kot, afta dɛn bin dɔn put di skrol insay Ilayshama we na di sɛktri in ɔfis; nain dɛn tɛl di kiŋ ɔl wetin rayt na di skrol.

Jɛrimaya 36:12

i go dɔŋ na di kiŋ in os insay di sɛktri in ɔfis; ɔl di bigman dɛn bin sidɔm de: Ilayshama we na di sɛktri, Dɛlayla we na Shemaya in bɔypikin, Ɛlnetan we na Akbɔ in bɔypikin, Gamaraya we na Shafan in bɔypikin, Zɛdikaya we na Ananaya in bɔypikin, ɛn ɔl di ɔda bigman dɛm.

Prɔvabs 27:4

Pɔsin we gɛt wamat ɛn lɛk plaba kin pwɛl in kɔmpin, bɔt jɛlɔs pɔsin wɔs pas am.

Prɔvabs 13:10

Rudnɛs nɔ de prɔfit natin pas plaba, bɔt yu tek advays gɛt sɛns.

Di Sam Dɛm 109:5

Dɛn de tek mi gud tɔn am to bad, dɔn mi lɔv, dɛn de tɔn am to et.

2 Kronikuls 22:10

We Atalia we na Aazaya in mama si se in pikin dɔn day, i vɛks kil ɔlman na di rɔyal famili na Juda.

2 Kiŋ 25:25

Bɔt insay di mɔnt we mek sɛvin mɔnt da vɛri ia de, Ishmɛl we na Netanaya in bɔypikin we semweso na Ilayshama in grampikin we kɔmɔt na kiŋ layn gɛda tɛn man dɛn ɛn mek ku. Dɛn kil Gɛdalaya wit di man dɛn we bin de na Juda ɛn di Babilonian dɛn we bin de na Mizpa.

2 Kiŋ 11:1

Wɛn Kwin Athalaya we na Aazaya in mama yɛri se dɛn dɔn kil in bɔypikin i kil ɔlman na di kiŋ in famili,

2 Samiɛl 3:27

Wɛn Abna rich na Ɛbrɔn, Joab kɛr am go na kɔna bay di domɔt lɛkɛ se i wan tɔk sikrit to am. We dɛn de de, Joab chuk am nain bɛlɛ fɔ we i bin kil in brɔda Asaɛl. Na de i fɔdɔm day.

Jɛrimaya 39:14

sɛn tek Jɛrimaya kɔmɔt na di pales yad. Dɛn an am oba to Gɛdalaya we na bin Aikam in bɔypikin ɛn Shafan in grampikin, so dat i go kɛr am go nain os. So i bin tap wit di pipul dɛm.

Jɛrimaya 40:5

Bɔt if yu nɔ de go, tɔn bak to Gɛdalaya we na Aikam in bɔypikin ɛn Shafan in grampikin, we di kiŋ na Babilɔn dɔn pik fɔ bi gɔvna fɔ di siti dɛn na Juda; go tap wit am wit di pipul dɛn ɔ go ɛnisay yu tink se rayt.” So di kapten fɔ di gyadman dɛn gi am it ɛn prɛzɛnt, ɛn lɛf am lɛ i go.

Jɛrimaya 40:13

I apin se Joanan we na Karɛa in bɔypikin ɛn ɔl di lida dɛm fɔ di sojamam dɛm we de na di opin kɔntri, bin kam to Gɛdalaya na Mizpa

2 Kiŋ 25:22

Kiŋ Nɛbyukadnɛza na Babilɔn pik Gɛdalaya we na Aikam in bɔypikin we semweso na Shafan in grampikin fɔ bi gɔvna fɔ di balans pipul dɛn we i lɛf na Juda.

Jɛrimaya 40:7

We ɔl di kapten dɛm na di difrɛn fɔs dɛm na di opin kɔntri ɛn dɛn man dɛm yɛri se di kiŋ na Babilɔn dɔn pik Gɛdalaya we na Aikam in bɔypikin, fɔ bi gɔvna na di land, ɛn dɔn put di man, uman ɛn pikin dɛm nain kia, we na dɛm popoliopo dɛn na di land we dɛn nɔ bin kɛr go ɛgzayl na Babilɔn,