Jɛrimaya 40:7 - Krio Fɔs Oli Baybul

⁷ We ɔl di kapten dɛm na di difrɛn fɔs dɛm na di opin kɔntri ɛn dɛn man dɛm yɛri se di kiŋ na Babilɔn dɔn pik Gɛdalaya we na Aikam in bɔypikin, fɔ bi gɔvna na di land, ɛn dɔn put di man, uman ɛn pikin dɛm nain kia, we na dɛm popoliopo dɛn na di land we dɛn nɔ bin kɛr go ɛgzayl na Babilɔn,

Jɛrimaya 40:7 Referans Kwoze

Jɛrimaya 39:10

Nɛbyuzaradan, we na di kapten fɔ di gyadman dɛn, bin lɛf sɔm pan di po pipul dɛn we nɔ gɛt natin. Dɛn bin gi dɛm greps fam ɛn grɔn dɛm togɛda.

Izikɛl 45:16

Ɔl di pipul na di kɔntri go gi dis ɔfrin to di Izrɛl kiŋ.

Jɛrimaya 39:4

Wɛn Zɛdikaya we na kiŋ na Juda, ɛn ɔl di sojaman dɛm si dɛm, dɛn bigin rɔnawe kɔmɔt di siti na nɛt, de pas na di kiŋ in gadin insay di get we de bitwin di tu wɔl dɛm, ɛn dɛn go to di Araba say.

2 Kiŋ 25:4

So di sojaman dɛn na Jerusɛlɛm brok di wɔl rawnd di siti ɛn rɔnawe na nɛt pas tru di get we de midul di tu wɔl dɛn nia di kiŋ in gadin, ivin we di Babilonian dɛn bin dɔn sɔrawnd di siti. Dɛn rɔnawe go dɔŋ Araba,

2 Kiŋ 25:12

Na di wan dɛn we yu go se na di popoliopo nɔmɔ, na dɛn i lɛf na Jerusɛlɛm, ɛn i lɛf dɛn wan dɛn de fɔ de plant greps ɛn de dig di grɔn fɔ plant.

Jɛrimaya 41:11

Bɔt we Joanan we na Karɛa in bɔypikin, ɛn ɔl di lida dɛm fɔ di difrɛn fɛtman dɛm, yɛri bɔt ɔl di bad bad tin we Ishmɛl we na Netanaya in bɔypikin, dɔn du,

Jɛrimaya 43:6

di man dɛm, di uman dɛm, di pikin dɛm, di kiŋ in gyal pikin dɛm ɛn ɔlman we Nɛbyuzaradan we na di kapten fɔ di gyadman dɛm, bin lɛf to Gɛdalaya we na Aikam in bɔypikin ɛn semweso, Shafan in grampikin; wit Jɛrimaya we na prɔfɛt ɛn Baruch we na Nɛraya in bɔypikin.

Jɛrimaya 52:16

Bɔt Nɛbyuzaradan we na di kapten pan di gyadman dɛm, bin lɛf sɔm pan di popoliopo dɛm na di land fɔ plant greps ɛn dig grɔn fɔ plant.

Jɛrimaya 39:9

Nain Nɛbyuzaradan we na di kapten fɔ di gyadman dɛm, kɛr di balans pipul dɛn we bin lɛf na di siti, di wan dɛn we bin dɔn rɔnawe kɔmɔt de, ɛn di wan dɛm we bin lɛf, go ɛgzayl.

Jɛrimaya 39:14

sɛn tek Jɛrimaya kɔmɔt na di pales yad. Dɛn an am oba to Gɛdalaya we na bin Aikam in bɔypikin ɛn Shafan in grampikin, so dat i go kɛr am go nain os. So i bin tap wit di pipul dɛm.

Jɛrimaya 41:1

Insay di mɔnt we mek sɛvin, Ishmɛl we na Netanaya in bɔypikin ɛn Ilayshama in grampikin, we kɔmɔt na di rɔyal famili, ɛn wan pan di kiŋ in chif ɔfisa dɛm, kam wit tɛn man to Gɛdalaya we na Aikam in bɔypikin, na Mizpa. As dɛn ɔl bin de it togɛda na Mizpa,

Jɛrimaya 41:10

Afta dat, Ishmɛl bin kapchɔ di balans pipul dɛm we bin de na Mizpa, i kapchɔ di kiŋ in gyalpikin dɛm ɛn ɔl di pipul dɛm we bin lɛf na Mizpa, we Nɛbyuzaradan we na di Gyadman dɛn kapten, bin dɔn put na Gɛdalay we na Aikam in bɔypikin, in kia. Ishmɛl we na Netanaya in bɔypikin kapchɔ dɛn ɛn bin rɛdi fɔ krɔs go oba to di Amonite dɛm.