Jɛrimaya 40:5 - Krio Fɔs Oli Baybul

⁵ Bɔt if yu nɔ de go, tɔn bak to Gɛdalaya we na Aikam in bɔypikin ɛn Shafan in grampikin, we di kiŋ na Babilɔn dɔn pik fɔ bi gɔvna fɔ di siti dɛn na Juda; go tap wit am wit di pipul dɛn ɔ go ɛnisay yu tink se rayt.” So di kapten fɔ di gyadman dɛn gi am it ɛn prɛzɛnt, ɛn lɛf am lɛ i go.

Jɛrimaya 40:5 Referans Kwoze

Jɛrimaya 39:14

sɛn tek Jɛrimaya kɔmɔt na di pales yad. Dɛn an am oba to Gɛdalaya we na bin Aikam in bɔypikin ɛn Shafan in grampikin, so dat i go kɛr am go nain os. So i bin tap wit di pipul dɛm.

Jɛrimaya 41:2

Ishmɛl we na Netanaya in bɔypikin ɛn di tɛn man dɛm grap ɛn chap Gɛdalaya we na Aikam in bɔypikin ɛn Shafan in grampikin wit sɔd ɛn kil am, in we di kiŋ na Babilɔn bin dɔn pik fɔ bi gɔvna na di land.

Di Ibru Pipul Dɛn 13:6

Na dat mek wi shɔ bɔt wetin wi de tɔk wɛn wi se, “Na Gɔd de ɛp mi ɔltɛm, natin nɔ go mek a fred, bikɔs mɔtalman nɔ gɛt ɛni pawa fɔ du mi bad.”

Apɔsul Dɛn Wok 28:10

Dɛn gi wi plɛnti tin fɔ sho wi dɛn rɛspɛkt, dɔn, wɛn wi dɔn go insay di big bot, dɛn gi wi ɔl wetin bin gud fɔ wi fɔ gɛt, fɔ go ɔda say.

Apɔsul Dɛn Wok 27:43

Bɔt di soja man dɛn bigman nɔ bin want mek dɛn kil Pɔl, so i nɔ gri mek di soja man dɛn kil di jelman dɛn. I tɛl dɛn wan we sabi swim fɔ jomp na di wata ɛn swim go na di sho.

Apɔsul Dɛn Wok 27:3

Di ɔda de wi rich Saydɔn. Julyɔs bin gud to Pɔl so i kin lɛf Pɔl fɔ go fɛn in padi dɛn ɛn i kin mek dɛn gi Pɔl ɛnitin we i want.

Jɛrimaya 40:4

Naw, a de pul di chen dɛn kɔmɔt na yu an ɛn fri yu. If yu tink se i gud fɔ go Babilɔn wit mi, yu kin kam, ɛn a go luk afta yu wɛl; bɔt if i tink se i nɔ rayt fɔ go Babilɔn wit mi, nɔ kam. Luk di wanol land de bifo yu; go usay yu tink se gud ɛn rayt fɔ go.

Jɛrimaya 26:24

Bɔt Aikam, we na Shafan in bɔypikin, bin de wit Jɛrimaya, we mek dɛn nɔ gi am to di pipul dɛm, fɔ mek dɛn kil am.

Jɛrimaya 15:11

Lɛ i bi so, E PAPA GƆD if a nɔ dɔn tɔk to yu fɔ dɛn yon gud, ɛn if a nɔ dɔn beg yu fɔ mi ɛnimi dɛm we dɛn gɛt trɔbul we waala mit dɛm!

Prɔvabs 21:1

Lɛkɛ aw i izi fɔ PAPA GƆD fɔ kɔntrol wata we de rɔn, na so i izi fɔ am fɔ kɔntrol wetin kiŋ de plan ɛn du, ɛn na usay i want am fɔ go i de kɛr am.

Prɔvabs 16:7

Wɛn PAPA GƆD pliz wit pɔsin, i de mek in ɛnimi dɛnsɛf bi in padi.

Job 22:29

PAPA GƆD kin put prawd pɔsin dɔŋ, bɔt i kin sev di wan dɛn we nɔ prawd.

Nɛimaya 1:11

PAPA GƆD duya yɛri mi prea. Lisin ɔl udat rɛdi fɔ du wetin yu want. Mek bɛtɛ fala mi as a de go tɔk to di Kiŋ.” Na mi bin de sav wayn to di kiŋ.

Ɛzra 7:27

Ɛzra prez PAPA GƆD. I se, “Prez PAPA GƆD, wi papa dɛn GƆD we mek di kiŋ mek PAPA GƆD in os na Jerusɛlɛm luk fayn!

Ɛzra 7:6

Dis Ɛzra na bin gud bukman. I sabi Mozis in lɔ gud gud wan, dat na di lɔ we PAPA GƆD, Izrɛl dɛn GƆD bin gi di Izrɛlayt dɛn. Ɛzra kɔmɔt Babilɔn go Jerusɛlɛm. Bikɔs PAPA GƆD bin de wit Ɛzra, ɛnitin we i tɛl di kiŋ fɔ du nain i kin du.

2 Kronikuls 34:20

Ɛn di kiŋ kɔmand Ilkaya, Aikam Shafan in bɔypikin, Abdɔn Mayka in bɔypikin, Shafan di sɛktri ɛn Asaya di kiŋ in savant se,

2 Kiŋ 22:14

So Ilkaya we de mek sakrifays fɔ pipul sin, Aikam, Akbɔ, Shafan ɛn Asaya go mit Prɔfɛtɛs Ɔlda we na Shalum in wɛf. Shalum na Tikva in bɔypikin, dɔn Tikva na Aras in bɔypikin. Na Aras bin de inchaj ɔf di rob dɛn na PAPA GƆD in os. Na di sɛkɛn distrikt na Jerusɛlɛm Ɔlda bin tap.

2 Kiŋ 22:12

I gi ɔda to Ilkaya we de mek sakrifays fɔ pipul sin, Aikam we na Shafan in bɔypikin, Akbɔ we na Maykaya in bɔypikin, Shafan we na sɛktri ɛn Asaya we nain de atɛnd to di kiŋ se,

Jɛrimaya 41:1

Insay di mɔnt we mek sɛvin, Ishmɛl we na Netanaya in bɔypikin ɛn Ilayshama in grampikin, we kɔmɔt na di rɔyal famili, ɛn wan pan di kiŋ in chif ɔfisa dɛm, kam wit tɛn man to Gɛdalaya we na Aikam in bɔypikin, na Mizpa. As dɛn ɔl bin de it togɛda na Mizpa,

Jɛrimaya 41:18

fɔseka di Babilonian dɛm; dɛn bin de fred dɛm bikɔs, Ishmɛl we na Netanaya in bɔypikin, bin dɔn kil Gɛdalaya we na Aikam in bɔypikin, we di kiŋ na Babilɔn bin dɔn mek gɔvna oba di land.