Jɛrimaya 40:4 - Krio Fɔs Oli Baybul

⁴ Naw, a de pul di chen dɛn kɔmɔt na yu an ɛn fri yu. If yu tink se i gud fɔ go Babilɔn wit mi, yu kin kam, ɛn a go luk afta yu wɛl; bɔt if i tink se i nɔ rayt fɔ go Babilɔn wit mi, nɔ kam. Luk di wanol land de bifo yu; go usay yu tink se gud ɛn rayt fɔ go.

Jɛrimaya 40:4 Referans Kwoze

Jɛnɛsis 20:15

I tɛl Ebraam se, di wanol kɔntri nain yon, i kin tap ɛnisay we i fil fɔ tap.

Jɛnɛsis 13:9

Di land bɔku, so, duya, lɛ wi pat kɔmpin. Pik ɛnisay we yu want na di kɔntri. If yu go lɛft mi go go rayt, if yu go rayt mi go go lɛft.”

Jɛnɛsis 47:6

Ijipt na dɛn yon. I se lɛ dɛn pik ɛnisay fɔ tap ɛn lɛ Josɛf gi dɛn di bɛst say na di kɔntri. I se Goshɛn nɔto bad ples fɔ tap ɛn if ɛniwan pan dɛn sabi di wok mek i ɛp in mɛn in yon animal dɛn.

Jɛrimaya 37:14

Nain Jɛrimaya se, “Nɔto tru; Nɔto rɔnawe a de rɔnawe go to di Babilonian dɛm.” Bɔt Irijah nɔ lisin to am. I gɛda am ɛn briŋ am to di bigman dɛm.

Lamɛnteshɔn 3:7

I dɔn bil wɔl rawnd mi so a nɔ go ebul ɛskep; i dɔn chen mi wit ebi ebi chen;

Jɛnɛsis 44:21

I se in bin tɛl dɛn fɔ briŋ am kam mek i kam si am.

Ɛsta 3:11

Di kiŋ tɛl Eman se lɛ i tek di mɔni bɔt i kin du wetin in want wit di pipul dɛn we i se.