Jɛrimaya 4:9 - Krio Fɔs Oli Baybul

⁹ PAPA GƆD se, “Da de de, kiŋ ɛn di bigman dɛn go fred; di man we de mek sakrifays fɔ pipul sin go sɔprayz ɛn di prɔfɛt dɛn go wɔnda.”

Jɛrimaya 4:9 Referans Kwoze

Apɔsul Dɛn Wok 13:41

Di prɔfɛt dɛn bin se, ‘Una we de laf wetin Gɔd dɔn tɔk, una go luk, una go wɔnda, ɛn una go day! A go du big wok we una go si, ɛn ilɛk dɛn tɛl una di minin sɛf, una nɔ go biliv.’”

Jɛrimaya 52:7

Nain dɛn du wan bad tin we dɛn nɔ fɔ du, na di siti; ɔl di sojaman dɛm rɔnawe kɔmɔt na di siti na nɛt, ɛn pas na wan get we de bitwin di tu wɔl we de nia di kiŋ in gadin, ɛn di Babilonian dɛm bin de rawnd di siti. Dɛn bin go bay Riva Jɔdan say.

Jɛrimaya 37:19

We una prɔfɛt dɛm we bin prɔfisay to una se, ‘Di kiŋ na Babilɔn nɔ go atak yu ɛn agens dis land?

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Ayzaya 19:16

Da de de, di Ijipshian dɛn go tan lɛk uman, ɛn go trimbul de fred bifo di an we PAPA GƆD Ɔlmayti de shek na Ijipt.

Ayzaya 19:3

Ɛn di Ijipshian dɛm at go pwɛl ɛn a go kɔnfyus dɛn plan dɛm; ɛn dɛn go go fɛnɔt to di laylay gɔd dɛn ɛn di mɛrɛsin man, di luk grɔn man dɛm, ɛn di wichman dɛm, wetin go bi;

Di Sam Dɛm 102:4

Mi at ɔl dɔn pwɛl a fiba dray gras we ɔlman de mas pas. Mi it ɔl nɔ gɛt bɛtɛ tes na mi mɔt.

2 Kiŋ 25:4

So di sojaman dɛn na Jerusɛlɛm brok di wɔl rawnd di siti ɛn rɔnawe na nɛt pas tru di get we de midul di tu wɔl dɛn nia di kiŋ in gadin, ivin we di Babilonian dɛn bin dɔn sɔrawnd di siti. Dɛn rɔnawe go dɔŋ Araba,

Jɛrimaya 48:41

Dɛn go kapchɔ di siti, ɛn siz ɔl dɛn ples dɛn fɔ ayd. Da de de, di sojaman dɛn na Moab dɛn at, go tan lɛkɛ uman we de bɔn, in at;

Ayzaya 28:19

Ɛnitɛm we i pas de, i go mɔna una; bikɔs i go pas de ɛvri mɔnin, de ɛn nɛt; una mɔs fred bad bad, we una ɔndastand di mɛsej.

Jɛrimaya 2:26

“Lɛkɛ we dɛn kin jankonico tifman wɛn dɛn kech, na so dɛn go jankonoco Izrɛl: dɛm, dɛn kiŋ dɛm, dɛn bigman dɛm, dɛn man dɛm we de mek sakrifays fɔ pipul sin ɛn dɛn prɔfɛt dɛm,

Jɛrimaya 25:34

“Una ala ɛn kray, una dɛn shɛpad dɛm, ɛn una rolpan asis una we gɛt di ship dɛm, bikɔs di de fɔ kil una ɛn skata una dɔn kam, ɛn yu go day lɛkɛ man ship we dɛn pik bikɔs i fat.