Jɛrimaya 4:8 - Krio Fɔs Oli Baybul

⁸ Fɔseka dat, wɛr saklɔth na yu bɔdi, kray de ala lawd wan; bikɔs PAPA GƆD stil vɛks pan wi bad bad wan.

Jɛrimaya 4:8 Referans Kwoze

Jɛrimaya 6:26

Yu mi pipul dɛn gyal pikin, go wɛr saklɔth, ɛn rol rolpan ashis; mek sɔri lɛk na fɔ yu wangren bɔypikin yu de munin fɔ, kray bita bita wan pas ɔl; bikɔs i nɔ go te igen, di wan we de kil pipul dɔn kam fɔ kil wi.

Ayzaya 22:12

Da de de, PAPA GƆD Ɔlmayti bin se ɔlman fɔ kray ɛn fil sɔri, fɔ krep ed ɛn wɛr saklɔth;

Ayzaya 32:11

Una trimbul, una dɛn uman dɛn we de izi layf, una shek wit fred, una we nɔ tek natin mek natin; una pul klos de nekɛd, ɛn rap saklɔth rawnd una wes.

Ayzaya 10:4

Natin nɔ lɛf, pas fɔ butu wit dɛn prizina ɔ day wit di wan dɛn we dɛn go kil. Na fɔseka ɔl dɛn tin ya mek in at nɔ stil kol, ɛn i stil de pɔnish una.

Ayzaya 5:25

Fɔseka dat PAPA GƆD in at bin wam pan in pipul dɛn, so i tɔn pan dɛn ɛn kil dɛn, ɛn di mawnten dɛn trimbul; ɛn dɛn dedebɔdi dɛn skata lɛk dɔti na di trit dɛn. Pan ɔl dat in at stil nɔ kol, ɛn i stil wan pɔnish dɛn.

Emɔs 8:10

A go tɔn ɔl una gladi-gladi to bɛrin ɛn chenj una gladi siŋ to bɛrin siŋ. A go mek una krep una ed ɛn wɛr saklɔth, una go tan lɛk we man ɛn uman de kray fɔ dɛn waŋren pikin. Da de de go bita fɔ una sote go.”

Izikɛl 30:2

“Mɔtalman, prɔfisay ɛn se, Na dis Papa Gɔd we na Gɔd se: “Ala kray big wan se, ‘Una fred da de de!’

Izikɛl 21:12

Kray ɛn ala lawd wan, mɔtalman, bikɔs i de agens mi pipul dɛn; i de agens ɔl di bigman dɛn na Izrɛl; dɛn dɔn gi dɛm ɛn mi pipul dɛn to di sɔd. So, slap yu tay at at wan.

Jɛrimaya 48:20

Moab dɔn shem, bikɔs i dɔn broko broko; ala kray! Una anawns am nia Riva Anɔn se, Moab dɔn tɔn gud fɔ natin ples.

Jɛrimaya 30:24

PAPA GƆD in bad bad vɛksteshɔn nɔ go tɔn bak sote i dɔn du ɛn kɔmplit wetin i plan fɔ du. Leta, una go ɔndastand dis.

Ayzaya 13:6

Kray o! PAPA GƆD in de dɔn de rich, di de we go kam lɛk we di Ɔlmayti de distrɔy!

Ayzaya 9:21

Manasɛ Ifrem, ɛn Ifrem Manasɛ, ɛn dɛn ɔl de agens Juda. Pan ɔl dat, in at nɔ stil kol ɛn stil de pɔnish una dɛn.

Ayzaya 9:17

Na dat mek PAPA GƆD nɔ de gladi fɔ dɛn yɔŋ bɔy dɛn, ɛn i nɔ de sɔri fɔ di pikin dɛn we dɛn papa dɔn day ɛn di uman dɛn we dɛn man dɔn day; bikɔs dɛn ɔl nɔ sabi Gɔd ɛn na so so bad dɛn de du, ɛn na soso rɔbish dɛn de tɔk. Fɔseka ɔl dɛn tin ya, in at stil nɔ kol ɛn i stil de pɔnish dɛn.

Ayzaya 9:12

Di Sirian dɛn na di ist ɛn di Filistin dɛn na di wɛst dɔn opin mɔt fɔ swɛla Izrɛl. Pan ɔl dat, in at stil nɔ kol ɛn i stil wan pɔnish dɛn.

Di Sam Dɛm 78:49

I bin so vɛks pan dɛn, dat i sɛn in enjɛl dɛn we dɛn yon wok na fɔ distrɔy fɔ sho aw i vɛks.

Di Nɔmba Dɛm 25:4

PAPA GƆD, tɛl Mozis se, “Kil ɔl di lida dɛn ɛn sho dɛn gbanbaode bifo PAPA GƆD, santɛm, so dat PAPA GƆD in at go kol ɛn i nɔ go vɛks bad bad wan igen pan di Izrɛlayt dɛn.

Lamɛnteshɔn 1:12

“I nɔ min natin to una, una dɛn pipul dɛn we de pas? Luk mi ɛn si if yu dɔn si pɔsin sɔfa so wande lɛk di kayn sɔfa we dɛn mek a de sɔfa, we PAPA GƆD put pan mi di de we i bin vɛks bad bad wan.

Joɛl 1:13

I se di man dɛn we de mek sakrifays fɔ pipul sin fɔ sɔri ɛn wɛr saklɔth fɔ sho se dɛn sɔri, dɛn fɔ kray as pipul we de sav na di ɔlta. I se dɛn fɔ go insay PAPA GƆD in os wɛr saklɔth fɔ slip. Dɛn we de wok fɔ PAPA GƆD! Bikɔs pipul nɔ ebul mek di gren ɛn drink ɔfrin igen na dɛn PAPA GƆD in os.

Jɛrimaya 25:34

“Una ala ɛn kray, una dɛn shɛpad dɛm, ɛn una rolpan asis una we gɛt di ship dɛm, bikɔs di de fɔ kil una ɛn skata una dɔn kam, ɛn yu go day lɛkɛ man ship we dɛn pik bikɔs i fat.

Mayka 1:16

I se di pipul dɛn na Juda fɔ krep dɛn ed fɔ sho aw dɛn fil am we dɛn tek dɛn pikin dɛn na dɛn an kɛr dɛn go. Dɛn fɔ fiba yuba we nɔ gɛt ia.