Jɛrimaya 4:7 - Krio Fɔs Oli Baybul

⁷ Wan layɔn dɔn kɔmɔt na di tay tay bush we i bin fasin, pɔsin we de nyakanyaka neshɔn dɛn de na rod; i dɔn kɔmɔt nain ples fɔ go mek yu land ples we natin nɔ de bi; una siti dɛn go tɔn pwɛl pwɛl ples usay pipul dɛn nɔ tap.

Jɛrimaya 4:7 Referans Kwoze

Jɛrimaya 5:6

Fɔseka dat, na layɔn we go kɔmɔt na fɔrɛst go kil dɛm, na wulf we kɔmɔt na di ɛmti ples we pɔsin nɔ go ebul tap, go nyakanyaka dɛm. Wan lɛpɛt de waka nia dɛn siti dɛm fɔ du bad, i go chɛr chɛr ɛnibɔdi we kɔmɔt insay di siti go na do, pis pis; bikɔs dɛn sin dɔn bɔku, ɛn di dinay we dɛn de dinay PAPA GƆD dɔn tumɔs.

Jɛrimaya 2:15

Dɛn layɔn dɛm dɔn ala pan am, dɛn dɔn ala lawd lawd wan. Dɛn dɔn mek in land yuslɛs; in siti dɛm dɔn broko broko, ɛn nɔbɔdi nɔ tap de.

Ayzaya 6:11

Nain a tɔk se, “E PAPA GƆD aw lɔŋ?” Nain I se, “sote di siti dɛn ɔl lɛf ɛmti ɛn pɔsin dɛn nɔ tap de, ɛn nɔbɔdi nɔ tap na di os dɛm, ɛn nɔbɔdi nɔ tap na di land,

Ayzaya 1:7

Una kɔntri lɛf ɛmti wan, faya dɔn bɔn di siti dɛm; bifo una yon yay, fɔrina dɛn pwɛl una land; i ɛmti lɛk aw di fɔrina dɛn bin lɛf am.

Daniɛl 7:4

Di fɔs wan bin tan lɛk layɔn ɛn gɛt fɛda dɛn lɛk igul. Ɛn as a bin de luk, dɛn pul ɔl in fɛda dɛn kɔmɔt pan am ɛn mek i tinap wit tu fut lɛkɛ mɔtalman; ɛn dɛn bin gi am mɔtalman maynd, so i go ebul tink lɛk mɔtalman.

Jɛrimaya 50:17

“Izrɛl na ship we layɔn dɛm de fɛn fɔ kech ɛn it we mek i de rɔnawe. Fɔs, di kiŋ na Asiria atak am, ɛn naw, Nɛbyukadnɛza we na kiŋ na Babilɔn de klin in bon bon.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Jɛrimaya 49:19

A de tɛl una, lɛkɛ we bɔku ship dɛn kin rɔn we layɔn de kɔmɔt na bush nia Riva Jɔdan, fɔ kam atak dɛm, na so a go mek dɛn rɔnawe pan am; ɛn a go apɔynt ɛnibɔdi we a pik fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad go tinap bifo mi?

Jɛrimaya 34:22

PAPA GƆD se, A go kɔmand dɛm ɛn briŋ dɛn kam bak na dis siti; ɛn dɛn go fɛt una ɛn kapchɔ am, ɛn bɔn am wit faya. A go mek di siti dɛm na Juda tɔn gud fɔ natin ples, ɛn nɔbɔdi nɔ go tap de.

Jɛrimaya 33:10

Na dis PAPA GƆD se: Na dis ples we yu tɔk bɔt se, ‘Na ɛmti ɛn yuslɛs ples we mɔtalman ɔ animal nɔ de de,’ dat na di siti dɛn na Juda ɛn di trit dɛn na Jerusɛlɛm we ɛmti ɛn yuslɛs we mɔtalman ɔ animal nɔ de de, dɛn go yɛri

Jɛrimaya 26:9

Wetin du yu dɔn prɔfisay wit PAPA GƆD in nem, se, “Dis Os go tan lɛkɛ Shilɔ, ɛn dis siti go bi gud fɔ natin, ɛn nɔbɔdi nɔ go tap de?” Ɛn ɔl di pipul dɛn gɛda rawnd Jɛrimaya insay PAPA GƆD in os.

Jɛrimaya 25:38

I dɔn rɔnawe kɔmɔt nain kev lɛkɛ layɔn bikɔs dɛn land dɔn tɔn gud fɔ natin bikɔs ɔf di ɔprɛsɔ in sɔd, ɛn fɔseka in bad bad veksteshɔn.”

Ayzaya 5:9

A yɛri PAPA GƆD Ɔlmayti dɔn swɛ se; “fɔ tru tru, bɔku os dɛm go ɛmti, big ɛn fayn os dɛn, nɔbɔdi no go lib de.

2 Kiŋ 24:1

Di tɛm we Jɛoyakim bin de rul as kiŋ, Kiŋ Nɛbyukadnɛza na Babilɔn go atak in kɔntri, ɛn mek Jɛoyakim de pe taks to am fɔ tri ia. Bɔt wande Jɛoyakim chenj in maynd ɛn nɔ gri pe.

Daniɛl 5:19

Bikɔs ɔf di pawa we PAPA GƆD gi am, ɔl kayn pipul, neshɔn ɛn dɛn wan we de tɔk difrɛn difrɛn laŋwej bin de trimbul ɛn de fred am; udat Nɛbyukadnɛza wan fɔ kil, i kil. Udat i wan fɔ fri, i fri; udat i wan fɔ promot, i promot, ɛn udat i wan fɔ briŋ dɔn, i briŋ kam dɔŋ.

Jɛrimaya 50:44

“A de tɛl una, lɛkɛ we ship dɛn kin rɔn we layɔn kin kɔmɔt na bush nia Riva Jɔdan, fɔ kam atak dɛm, na so a go mek dɛn kɔmɔt to am we i nɔ mekɔp; A go pik ɛnibɔdi we mi lɛk fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad ebul tinap bifo mi?

Jɛrimaya 27:8

“ ‘ “Bɔt if ɛni neshɔn ɔ kindɔm nɔ gri sav dis Nɛbyukadnɛza we na kiŋ na Babilɔn, ɛn nɔ rɛdi fɔ du ɛnitin, ɛnitɛm, fɔ di kiŋ na Babilɔn, a go pɔnish da neshɔn de wit wa, wit bad bad aŋri ɛn wit siknɛs, te a dɔn mek Nɛbyukadnɛza nyakanyaka am kpatakpata. Na so PAPA GƆD se.

Jɛrimaya 9:11

A go mek Jerusɛlɛm broko broko ples we ɔltin pak pantap in kɔmpin, ples we na so so Jakal tap; di siti dɛn na Juda go tɔn ɛmti ples we pɔsin nɔ go ebul tap, ples we anch sɛf nɔ de.”

2 Kiŋ 25:1

Zɛdikaya tɔn pan di Kiŋ Nɛbyukadnɛza na Babilɔn. Wɛn Zɛdikaya dɔn bi kiŋ fɔ nayn ia, nain Kiŋ Nɛbyukadnɛza mach in ami go insay Jerusɛlɛm. Dat bi di tɛn de na di tɛn mɔnt I sɔrawnd di wanol siti ɛn bil militri bes rawnd am.

Jɛrimaya 4:29

As dɛn yɛri di sawnd we pipul dɛn de rayd ɔs ɛn pipul dɛn de faya bo ɛn aro, ɔl di siti dɛm rɔnawe; dɛn go na bush bush we taŋul; dɛn klem pan dɛn rɔk dɛm; ɔl di siti dɛn lɛf to dɛnsɛf, ɛn nɔbɔdi nɔ de de..

Jɛrimaya 22:7

A go mek pipul dɛn we de nyakanyaka fɔdɔm pam una, ɔlman wit in wɛpɔn dɛm; ɛn dɛn go kɔt una bɛst sida tik dɛm, ɛn trowe dɛm na faya.

Jɛrimaya 44:2

PAPA GƆD in wɔd we bin kam to Jɛrimaya bɔt ɔl di Ju dɛm we bin “Na dis PAPA GƆD Ɔlmayti we na Izrɛl dɛn Gɔd se: Una dɔn si ɔl di bad bad tin dɛn we a du to Jerusɛlɛm ɛn to ɔl di siti dɛm na Juda. Luk dɛm de lɛk tide, dɛn nɔ gud fɔ natin, ɛn nɔbɔdi nɔ tap de,

Izikɛl 12:20

Ɛn siti dɛn we pipul dɛn tap, nɔbɔdi nɔ go tap de igen, ɛn di kɔntri go ɛmti; ɛn una go no se na mi na PAPA GƆD.’

Izikɛl 21:31

Ɛn a go put mi vɛksteshɔn pan una; a go blo mi vɛksteshɔn in faya pan una; ɛn a go gi una to dɛn kruɛl pipul dɛm, pipul dɛn we sabi fɔ nyakanyaka gud gud wan.

Izikɛl 32:2

“Mɔtalman in bɔypikin, siŋ wan berin siŋ oba Ijipt in kiŋ Fero ɛn se: “yu tink yusɛf se yu na layɔn pan di neshɔn dɛm, bɔt yu na lɛk wan aligeta na di si wata; yu bɔs kɔmɔt na yu riva wata dɛm, miks miks di wata dɛm wit yu fut dɛn, ɛn dɔti, te i smɛl, dɛn riva wata.

Lɛvitikɔs 26:31

I go pwɛl dɛn siti dɛn kpatakpata ɛn ɔl di ples dɛn we dɛn kin go wɔship nɔ go fit fɔ go igen ɛn ivin di smɛl we go de kɔmɔt pan dɛn sakrifays dɛn nɔ go mek i gladi.

Lɛvitikɔs 26:33

Dɛn go skata ɔlɔbɔt we dɛn ɛnimi dɛn go jɛs de atak dɛn; di land go pwɛl kpatakpata ɛn di siti dɛn ɔl go pwɛl.

Jɛrimaya 8:16

Dɛn yɛri dɛn ɔs dɛn we dɛn de sniz ɔl di we na Dan; we dɛn man ɔs dɛn de ala, di wanol land de shek. Dɛn kam kam it ɔltin na di land ɛn wetin fulɔp de, dat na di siti ɛn dɛn wan dɛn we tap de.

Jɛrimaya 22:6

Bikɔs na dis PAPA GƆD se bɔt di kiŋ na Juda in os. “Yu tan lɛk Giliad to mi, lɛk di il na Libanɔn in pantap, fɔ tru tru, a go mek yu tɔn ɛmti ples we pɔsin nɔ go ebul tap, dat na siti we nɔbɔdi no tap.

Jɛrimaya 46:18

“Di kiŋ se, wans a de, dat na di kiŋ we na PAPA GƆD Ɔlmayti, lɛkɛ we Mawnt Tabɔ ay pas di ɔda mawnten dɛm, ɛn lɛkɛ we Mawnt Kamɛl ay pas di si, na so di atak go tan.