Jɛrimaya 4:6 - Krio Fɔs Oli Baybul

⁶ Una put put sayn post dɛn we de sho rod fɔ go Zayɔn, una rɔn fɔ una layf, nɔ westɛm bikɔs a de briŋ bad bad tin kɔmɔt na di nɔt, wit wan big big nyakanyaka.

Jɛrimaya 4:6 Referans Kwoze

Jɛrimaya 50:2

“Tɔk am ɛn anawns am na ɔl di neshɔn dɛm, una rayt am usay ɔlman go si am, ɛn una anawns am, una nɔ ayd am, una tɔk am, se: ‘Dɛn dɔn kapchɔ Babilɔn, Bɛl dɔn shem, Mɛrodak in de wɔnda. Dɛn dɔn mek in imej shem, in lay lay gɔd dɛn dɛm de wɔnda.’

Jɛrimaya 51:27

“Una mek signal na di wɔl, una blo di trɔmpɛt insay di neshɔn dɛm; una rɛdi di neshɔn dɛm fɔ fɛt am, una sɛn kɔl di kindɔm dɛm agens am, dat na Ararat, Mini, ɛn Ashkɛnaz; una pik wan ɔfisa we go de bifo, ɛn briŋ di ɔs dɛm bɔku wan lɛkɛ we lokɔs de jam dɛnsɛf.

Jɛrimaya 51:12

Una gi sayn fɔ atak di wɔl dɛm na Babilɔn, una put mɔ gyadman dɛm; una put man dɛm fɔ wach; una rɛdi fɔ di ambush dɛm; bikɔs PAPA GƆD dɔn mek in plan dɔn fɔ wetin i bin tɔk bɔt di pipul dɛm we tap na Babilɔn.

Jɛrimaya 25:9

biliv mi, a go sɛn fɔ ɔl di trayb dɛn we de na di nɔt, ɛn fɔ mi wokman Nɛbyukadnɛza we na kiŋ na Babilɔn, ɛn a go mek dɛn atak dis land ɛn di pipul dɛm we tap de, ɛn ɔl di neshɔn dɛm we de rawnd am; a go nyakanyaka dɛm kpatakpata ɛn mek dɛn tɔn tin fɔ fred, fɔ sɔktit ɛn pipul go shem fɔ de wit dɛm, sote go.

Jɛrimaya 6:22

Na dis PAPA GƆD se, “A de tɛl una, saten pipul dɛn de kɔmɔt di kɔntri we de na di nɔt, wan big big neshɔn we de usay di wɔl ɛnd, de rɛdi fɔ fɛt wa.

Jɛrimaya 6:1

Una rɔn go ayd, una Bɛnjamin in pikin dɛm, una rɔn kɔmɔt insay Jerusɛlɛm! Una blo di trɔmpɛt na Tɛkoa, ɛn put sayn ɔp na Bɛtachɛrɛm; bikɔs bad bad tin de na rod de kam kɔmɔt na di nɔt, ɛn ebi ebi nyakanyaka.

Jɛrimaya 4:21

Aw lɔŋ a go si di sayn, ɛn yɛri di trɔmpɛt?

Ayzaya 62:10

Pas go, pas na di get go, rɛdi di rod fɔ di pipul dɛn; una bil di men rod, una bil am, klia di ston ston dɛm kɔmɔt pan am, es bana ɔp oba di pipul dɛm.

Zɛfinaya 1:10

PAPA GƆD se da de de, dɛn go yɛri we di pipul dɛn na di Fish Get de kray, dɛn go yɛri kray de kɔmɔt na di Sɛkɛn Kwata pantap di il dɛn we di bildin dɛn go fɔdɔm.

Jɛrimaya 51:54

“Una lisin! Babilɔn de kray! Nɔys we de sho se dɛn de nyakanyaka dɛm bad bad wan, de kɔmɔt na Babilɔn!

Jɛrimaya 50:22

Nɔys we dɛn kin mek we wa de, ɛn ebi ebi nyakanyaka de na di land

Jɛrimaya 21:7

PAPA GƆD se, afta dat, A go mek Nɛbyukadnɛza we na kiŋ na Babilɔn, we na Zɛdikaya dɛn ɛnimi dɛn we de tray fɔ kil dɛm, ebul kapchɔ Zɛdikaya we na kiŋ na Juda, ɛn in wokman dɛm, ɛn ɔl di pipul dɛn na dis siti we nɔ day di tɛm we siknɛs, wa ɛn bad bad aŋri bin mit dɛm; Nɛbyukadnɛza go kil dɛm wit sɔd; i nɔ go luk nɔbɔdi ɛn sɔri fɔ am, ɔ lɛf ɛnibɔdi ɔ fil nain at fɔ nɔbɔdi.

Jɛrimaya 18:11

Fɔseka dat, tɛl di man dɛm na Juda ɛn dɛn wan dɛm we tap na Jerusɛlɛm se: “Na dis PAPA GƆD se, a de rɛdi fɔ du ivul tin agens una ɛn a de mek plan fɔ una. Lɛ ɔlman chenj kɔmɔt pan in ivul we, ɛn chenj aw una liv ɛn wetin una de du.

Jɛrimaya 22:7

A go mek pipul dɛn we de nyakanyaka fɔdɔm pam una, ɔlman wit in wɛpɔn dɛm; ɛn dɛn go kɔt una bɛst sida tik dɛm, ɛn trowe dɛm na faya.

Zɛkaraya 6:6

Di sɛkɛn wan we gɛt di blak ɔs dɛn, go na di nɔth to usay Babilɔn de, di wayt wan dɛn go na di wɛst ɛn di wan dɛn we tan lɛk layt gre go na di sawt.

Jɛrimaya 10:22

Una lisin, na rumɔ! Luk, i de kam! –- Big kɔnfyushɔn de na di nɔt kɔntri fɔ kam mek di siti dɛn na Juda ɛmti, ɛn ples we na so so Jakal tap.

Izikɛl 9:1

Dɛn i kray lawd lawd wan na mi yes se, “Una drɔ kan nia, una we gɛt fɔ kil di pipul dɛn na di siti, ɔlman ol wetin dɛn kin tek kil nain an.

Izikɛl 9:2

A si siks man kɔmɔt na da pat we di get we de ɔpsay de, usay in fes tɔn nɔt; ɔlman ol wetin i go tek kil nain an, ɛn wan ɔda man we bin wɛr linin klos bin de wit dɛn siks man ya; ɛn wan kes we i de rayt pan, bin de bay in sayd. Ɛn dɛn ɔl kan insay ɛn tinap sayd di bras ɔlta.