Jɛrimaya 4:5 - Krio Fɔs Oli Baybul

⁵ Tɛl ɔlman na Juda, ɛn anawns na Jerusɛlɛm se, “Blo di trɔmpɛt ɔlsay na di land; ala lawd lawd wan ɛn se, ‘Una gɛda wan say, lɛ wi go insay di siti dɛn we gɛt protɛkshɔn!’

Jɛrimaya 4:5 Referans Kwoze

Jɛrimaya 8:14

Wetin mek wi de sidɔm ɛn nɔ de du natin? Una gɛda wan ples, lɛ wi go na di siti dɛm we gɛt wɔl rawnd go day de; bikɔs PAPA GƆD we na wi Gɔd dɔn swɛ wi fɔ day, ɛn i dɔn gi wi pɔyzin wata fɔ drink, bikɔs wi dɔn kɔmit sin to PAPA GƆD.

Jɛrimaya 6:1

Una rɔn go ayd, una Bɛnjamin in pikin dɛm, una rɔn kɔmɔt insay Jerusɛlɛm! Una blo di trɔmpɛt na Tɛkoa, ɛn put sayn ɔp na Bɛtachɛrɛm; bikɔs bad bad tin de na rod de kam kɔmɔt na di nɔt, ɛn ebi ebi nyakanyaka.

Jɔshwa 10:20

So Jɔshwa ɛn in man dɛn kil kil dɛn ɛnimi dɛn, bɔt sɔm pan dɛn manej rɔn go na dɛn siti dɛn we gɛt wɔl ɛn get, we mek dɛn nɔ ebul kil dɛn.

Ozie 8:1

PAPA GƆD se fɔ ala lawd lawd wan mek ɔlman yɛri se bikɔs di pipul dɔn brok PAPA GƆD in Kɔvinant ɛn in lɔ dɛn, di ɛnimi dɛn we de pas lɛk yuba de ɔlsay na PAPA GƆD in os.

Emɔs 3:8

Wɛn layɔn ala, udat nɔ go fred? We PAPA GƆD, we na GƆD, dɔn tɔk, us prɔfɛt go lɔk in mɔt?

Emɔs 3:6

Pipul go yɛri ɔn fɔ wa dɛn nɔ fred? Wɛn dombolo fɔdɔm na di siti, nɔto mi, PAPA GƆD de mek i bi?

Jɛrimaya 35:11

Bɔt we Nɛbyukadnɛza we na kiŋ na Babilɔn bin kam fɛt di land, wi bin se, ‘Una kam le wi go na Jerusɛlɛm bikɔs wi de fred di Babilonian dɛn ami ɛn di Sirian dɛn ami.’ Na dat mek na Jerusɛlɛm wi tap.”

Jɛrimaya 11:2

“Lisin wetin wi gri pan insay di Kɔvinant, ɛn tɛl di man dɛm na Juda ɛn dɛn wan dɛm we tap na Jerusɛlɛm.

Jɛrimaya 9:12

Udat na di man we so gɛt sɛns dat i kin ɔndastand dɛn tin ya? Udat PAPA GƆD tɔk to we go tɛl di ɔda pipul dɛm? Wetindu ɔltin na di land broko broko ɛn lɛf yuslɛs, lɛk di dray ɛn ɛmti ples, we mek pipul dɛn nɔ de pas de?

Jɛrimaya 5:20

PAPA GƆD se, anawns dis na Izrɛl, tɔk am na Juda;

Di Nɔmba Dɛm 10:3

Wɛn dɛn blo dɛn ɔltu togɛda, ɔlman fɔ tinap bifo di Tɛnt we a kin mit una.

Izikɛl 7:14

“Dɛn dɔn blo di trɔmpɛt ɛn dɛn dɔn rɛdi ɔl tin; bɔt nɔbɔdi nɔ go go fɛt wa, bikɔs a vɛks pan ɔl di pipul dɛn bad bad wan.

Joɛl 2:1

Blo di trɔmpɛt na Zayɔn; mek nɔys fɔ kɔl atɛnshɔn pantap PAPA GƆD in oli mawnten! Lɛ ɔl di pipul we tap na di land trimbul bikɔs di de we PAPA GƆD de kam de nia,

Di Nɔmba Dɛm 10:2

I se, “Mek tu trɔmpɛt we dɛn go kɔba wit silva we dɛn ama. Yuz dɛn we yu want di Izrɛlayt dɛn fɔ gɛda ɛn we dɛn fɔ waka.

Ayzaya 28:19

Ɛnitɛm we i pas de, i go mɔna una; bikɔs i go pas de ɛvri mɔnin, de ɛn nɛt; una mɔs fred bad bad, we una ɔndastand di mɛsej.