Jɛrimaya 4:31 - Krio Fɔs Oli Baybul

³¹ Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”

Jɛrimaya 4:31 Referans Kwoze

Lamɛnteshɔn 1:17

Zayɔn kɔl fɔ lɛ dɛn ɛp am bɔt nɔbɔdi nɔ ɛp am; Na PAPA GƆD dɔn tɔk agens Jekɔb se, in neba dɛn go bi in ɛnimi dɛm; Jerusɛlɛm dɔn tɔn dɔti ɛn smɛl tin to in neba dɛm.

Ayzaya 1:15

We una tret una an dɛn to mi, A go kɔba mi yay lɛ a nɔ si, i lɛk we una pre bɔku bɔku prea A nɔ go lisin; na so so blɔd de na una an.

Jɛrimaya 13:21

Wetin una go se, wɛn dɛn put dɛn wan dɛn we na una sɛf tich fɔ bi una padi dɛn, oba una? Pen nɔ go ol una lɛk uman we de lebɔ?

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

1 Kɔrint 9:16

A nɔ gɛt rayt fɔ bost bikɔs a de tɔk bɔt di Gud Nyuz. Afta ɔl a fɔ du dat, i go bad fɔ mi if a nɔ du dat!

Matyu 21:5

“Tɛl di pipul dɛn na Zayɔn se, Luk, una kiŋ de kam to una! I put in yay dɔŋ, i de rayd wan dɔnki, ɛn di dɔnki in pikin.”

Mayka 7:1

Mayka se i de wes in tɛm fɔ natin. I se i tan lɛk we pɔsin nɔ de fɛn frut fɔ it na tik di tɛm we i fɔ bia, ɔ wɛn dɛn dɔn pik ɔl di greps na di tik we i nɔ go gɛt wayn fɔ drink. Natin nɔ de fɔ it ɛn wetin i de aŋri fɔ sɛf, i nɔ go gɛt am.

Ozie 13:13

I de biev lɛk fulman. In mama de fil pen fɔ bɔn bɔt i nɔ de gri kɔmɔt na do.

Lamɛnteshɔn 2:21

Yɔŋ ɛn ol pipul dɛn lidɔm na di dɔst na trit; dɛn dɔn kil mi yɔŋgyal ɛn yɔŋman dɛn; na di de we yu vɛks yu kil dɛn, yu kil yu nɔ luk biɛn.

Lamɛnteshɔn 1:20

“Luk mi PAPA GƆD, a de sɔfa bad bad wan, mi bɛlɛ de bwɛl, mi at nɔ rɛst bikɔs a dɔn tɔn mi bak pan PAPA GƆD. Na trit, dɛn de kil pipul wit sɔd; na os, aŋri de kil pipul.

Jɛrimaya 50:43

“Di kiŋ na Babilɔn dɔn yɛri bɔt dɛm, ɛn i nɔ ebul du natin; pen ol am, da pen we uman de fil we i de bɔn.

Jɛrimaya 49:24

Damaskɔs dɔn wik, i dɔn tɔn fɔ rɔnawe, i nɔ no wetin fɔ du, pen ɛn brok at dɔn ol am lɛkɛ uman we de pan lebɔ.

Jɛrimaya 49:22

A de tɛl una, wan pɔsin go grap ɛn flay lɛk igul, ɛn prɛd in wiŋ dɛm oba Bozra, ɛn di sojaman dɛn na Idɔm, dɛn at dɛn go tan da de de lɛkɛ uman we de lebɔ, in at.”

Jɛrimaya 48:41

Dɛn go kapchɔ di siti, ɛn siz ɔl dɛn ples dɛn fɔ ayd. Da de de, di sojaman dɛn na Moab dɛn at, go tan lɛkɛ uman we de bɔn, in at;

Jɛrimaya 45:2

“Na dis PAPA GƆD Ɔlmayti we na Izrɛl dɛn Gɔd se fɔ tɛl yu, Yu Barush:

Jɛrimaya 30:6

Aks naw, ɛn no, if man go ebul bɔn pikin? Wɛl wetindu a de si ɔl dɛn man dɛn de put dɛn an na dɛn wes lɛkɛ uman we de in lebɔ? Wetindu ɔlman fes pel so?

Jɛrimaya 22:23

Yu, una we tap na Libanɔn midul dɛn sida tik dɛm, wɛn di pen kam pan una, una go ala nɔto kɔmɔn, i go tan lɛk da pen we uman kin fil we i de bɔn!”

Jɛrimaya 18:21

Fɔseka dat, gi yu pikin dɛm to bad bad aŋri; mek dɛn kil dɛm na wa, le dɛn wɛf dɛm tɔn uman dɛn we nɔ gɛt pikin, ɛn uman dɛn we dɛn man dɛn dɔn day, mek dɛn man dɛn mit day bay siknɛs, ɛn mek dɛn kil ɔl dɛn yɔŋ bɔbɔ dɛn na wa.

Jɛrimaya 15:18

Wetin mek mi pen nɔ de tap, mi wund nɔ de wɛl, i nɔ de gri wɛl? Yuwan tan lɛk watasay we de disiv pipul, lɛkɛ watasay we kin tap fɔ rɔn ɛnitɛm?

Jɛrimaya 14:18

If a go na fam, a go si dɛn wan dɛn we day na wa! If a go insay di siti a go mit bad bad aŋri de! Bikɔs di prɔfɛt ɛn di man dɛn we de mek sakrifays fɔ pipul sin, de wirɔn ɔp ɛn dɔŋ de mek pipul dɛn pe dɛn fɔ dɛn wok, we dɛn nɔ no natin.’”

Jɛrimaya 10:19

E mi, swɛ dɔn kech mi, fɔseka di kayn pen we a de fil! A wund bad bad wan. Bɔt a se “Fɔ tru tru dis na siknɛs, ɛn a mɔs bia wit am.”

Jɛrimaya 6:2

A go pwɛl di fayn fayn wan we dɛn tek tɛm mɛn, we na Zayɔn in gyal pikin.

Ayzaya 42:14

I dɔn te we a sɛt mi mɔt, A sidɔm saful de bia; naw a go ala lɛk uman we in bɛlɛ de at am fɔ bɔn, A go fɛt fɔ blo ɛn blo fasfas.

Ayzaya 21:3

Dat mek na so so wes pen a de gɛt; pen dɔn ol mi, lɛk di pen we uman de fil we i de pan pen fɔ bɔn; A dɔn so bɛn dat a nɔ de yɛri, mi at so pwɛl dat a nɔ ebul si.

Ayzaya 13:8

ɛn dɛn at go pwɛl. Dɛn go de fil ɔlkayn pen; dɛn go de fil pen lɛk we uman de sɔfa fɔ bɔn. Dɛn go lɛf mɔt de luk dɛn kɔmpin. Dɛn fes go rɛd lɛk we yu layt faya.

Ayzaya 6:5

Naim a tɔk se, “trɔbul dɔn mit mi! A dɔn dɔn; bikɔs mi na man we mi mɔt nɔ klin na Gɔd yay, ɛn a tap midul pipul dɛn we dɛn mɔt nɔ klin na Gɔd yay; bikɔs a dɔn tek mi yay si di kiŋ, we na PAPA GƆD Ɔlmayti.”

Di Sam Dɛm 120:5

I go bad fɔ mi fɔ tap usay bad pipul de, usay dɛn de du ɔlkayn bad tin.

Job 10:1

A dɔn taya wit layf; a go lɛ PAPA GƆD no wetin de na mi at fɔ am; lɛ i no aw mi at de blid.

Jɛnɛsis 27:46

Afta dat Ribɛka tɛl Ayzak se, “A dɔn gens wit aw dɛn Itayt uman ya de biev. Bifo Jekɔb mared wan pan dɛn, i go bɛtɛ mek a day.”

Ayzaya 26:17

Lɛk uman we gɛt bɛlɛ we de twis twis ɛn ala de kray we i de fil pen, wɛn in tɛm dɔn de rich fɔ bɔn, na so wi bin de du bikɔs ɔf yu PAPA GƆD;

Mayka 4:9

I se wetin mek di pipul dɛn na Jerusɛlɛm de ala kray so. Dɛn mek nɔys lɛk we bɛlɛ uman wan bɔn. I se dɛn de mek lɛk dɛn bigman dɛn dɔn day.

Mayka 4:10

I se na naw dɛn fɔ kray ɛn rol na grɔn lɛk uman we wan bɔn bikɔs dɛn gɛt fɔ kɔmɔt na di siti go tap na opin ples. I se dɛn go go Babilɔn bɔt PAPA GƆD go pul dɛn na dɛn ɛnimi dɛn an.