Jɛrimaya 4:30 - Krio Fɔs Oli Baybul

³⁰ Ɛn yu, yu we lɛf ɛmti wan, wetin yu min we yu drɛs wit brayt brayt rɛd, we yu dɛkɔret yusɛf wit ɔlkayn gold chen, riŋ ɛn baŋuls, ɛn prɛd yu yay dɛm wit pent? Yu de mek yusɛf fayn fayn fɔ natin. Yu lɔva dɛn nɔ want yu igen; dɛn de tray fɔ kil yu.

Jɛrimaya 4:30 Referans Kwoze

2 Kiŋ 9:30

Jeu go na Jɛzril. Wɛn Jɛzibɛl yɛri se Jeu de de, i mekɔp in fes ɛn mek in ia fayn wan, dɔn i sidɔm de luk winda.

Lamɛnteshɔn 1:19

“A sɛn to di wan dɛn we mi ɛn dɛn gɛ dat bɔt dɛn mek lɛk dɛn nɔ no mi; mi man dɛn we de mek sakrifays fɔ pipul sin ɛn di bigman dɛn, day na di siti we dɛn de fɛn it fɔ it lɛ dɛn nɔ go day.

Lamɛnteshɔn 1:2

Ebri nɛt, i kin de kray bita bita wan, wata de rɔn dɔŋ in fes. Pan ɔl in lɔva dɛm, nɔn nɔ lɛf fɔ koks am. Ɔl in padi dɛn dɔn ple am wayo, dɛn dɔn tɔn in ɛnimi.

Ayzaya 10:3

Wetin una go du di de we a go pɔnish una, we dombolo go kɔmɔt fawe kam? Udat una go rɔn go to fɔ ɛp una ɛn usay una go lɛf una jɛntri?

Izikɛl 28:13

yu bin de na Idɛn, PAPA GƆD in gadin. Ɔl kayn prɛshɔs ston na dɛm bin kɔba yu, kanɛlyan, Topaz ɛn Jaspa, krisolayt bɛril ɛn oniks Safaya, Kabɔnkul ɛn Ɛmirald; ɛn yu ɛngrevin dɛm bin wok insay gold’ Dɛn bin rɛdi dɛm di de dɛn bin mek yu

Jɛrimaya 13:21

Wetin una go se, wɛn dɛn put dɛn wan dɛn we na una sɛf tich fɔ bi una padi dɛn, oba una? Pen nɔ go ol una lɛk uman we de lebɔ?

Ayzaya 20:6

Da de de, di pipul dɛn we tap na di land dɛn nia wata, go se, “Na dis kayn tin dɔn bi to di wan dɛn we wi bin abop pan, ɛn di wan dɛn we wi bin de rɔn go to fɔ ɛp wi, ɛn fɔ pul wi kɔmɔt na di Asirian kiŋ in an! E wi, aw wi go ebul ɛskep?”

Rɛvɛleshɔn 17:13

Na di sem tin ɔl dɛn tɛn kiŋ ya want du, dɛn ɔl de gi di wayl bif dɛn pawa.

Rɛvɛleshɔn 17:4

Di uman bin wɛr rɛd klos we dia, ɛn i bin drɛs fayn wit plɛnti gold tin, dɛn shayn shayn ston ɛn fayn fayn bid. I bin ol wan gold kɔp nain an, we bin ful wit dɛn dɔti dɔti dɔti tin we in fri layf briŋ.

Rɛvɛleshɔn 17:2

Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”

Di Ibru Pipul Dɛn 2:3

Wetin mek wi fil se, wi go pul wi ed pan di pɔnish we Gɔd go pɔnish mɔtalman, if wi nɔ gri fɔ dis wɔndaful we we Gɔd de sev wi? Na Jizɔs we na di Masta, fɔs tɛl wi bɔt di wɔndaful we we Gɔd go sev wi, dɔn dɛn pipul we yɛri am, dɛnsɛf pruv to wi se na tru.

Izikɛl 28:9

Yu go stil se, ‘mi na wan gɔd,’ bifo ɔl dɛn wan dɛn we kil yu, Ivin do yu na natin bɔt wan mɔtalman, ɛn nɔto nɔn gɔd, na dɛn wan dɛn an we wund yu?

Lamɛnteshɔn 4:17

Wi taya fɔ de luk ɔltɛm fɔ natin se pipul dɛn go kam ɛp wi; we wi bin de wet de abop pan kɔntri we nɔ ebul ɛp wi.

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Ayzaya 33:14

Di sina dɛn na Zayɔn de fred; dɛn wan we no Gɔd, dɔn bigin trimbul; “Udat pan wi ebul tap wit faya we de kil pipul? Udat pan wi ebul tap wi faya we de bɔn sote go?”

Prɔvabs 6:25

Nɔ mek di uman in fayn kɔnfyus yu; nɔ mek in yay sɛf drɔ yu nain trap.

Prɔvabs 7:10

Nain di uman go mit am, i drɛs lɛk rare gyal; i bin de plan sɔntin.

Jɛrimaya 22:23

Yu, una we tap na Libanɔn midul dɛn sida tik dɛm, wɛn di pen kam pan una, una go ala nɔto kɔmɔn, i go tan lɛk da pen we uman kin fil we i de bɔn!”

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Obadaya 1:7

Di wan dɛn we una se na una padi dɛn, we fɔ ɛp una, dɔn lay gi una. Una bin abop pan dɛn bɔt naw dɛn dɔn sɛt trap fɔ una, ɛn una nɔ ebul ɔndastand. Na dɛn naw de fos una fɔ muf na una land.